يسعد الجميع...
كيفكم ياحبايب عسا الحومل بخير الله يبلغنا السلامه التامه
تعرفو انا مره خايفه من الولاده :23: كل ما اتخيل طلق والم ابكي والله ابكي
انا اليوم دخلت الشهر الثالث..ياصبر ايوب باقي لي7 شهور والله كثير يارب انك تسهلها علينا برحمتك ياارحم الراحمين







على فكره انا سعيده معرفتي فيكم وتواصلي معاكم:) :)




احس انه احنا في سباق من يولد اول


على قول حبيبت زوجها في ميدان الحوامل:29:



هههههههههههههههههههههههه:d :d :d :d :d





بس يارب تجعلهم من الذريه الصالحه الي ينشاؤ في رضاك يالله





قولو اااااامين....

السلام عليكم يا بنات يا حلوااات

(حلوة كلمة بنات, بأكثر منهاا:23: )

حبيبتي برووت..

أنا الحمدد لله بخير .. ما في جديد

بالنسبة للولادة يا حبيبتي .......

لا تحاتين ولا شي.. تو الناس..



بنااااااااااات.. من زمان ما حطينا سؤال الأسبوووع..

صار سؤال الشهر.. مو الأسبووع


يالله وحدة فيكم تعطينا سؤال هذا الأسبوع..

زوجة تحب زوجها :

أنا اقترح سؤال الأسبوع يكون :


الوحم هو ظاهرة طبيعية لدى الحوامل .. لم يستطع الطب تفسيرها الى يومنا الحالي ...

كل وحدة فيكم تقول على شنو توحمت بحملها ؟

وماهو جنس الجنين ؟

شرايكم أنا أبدى

كنت قاعدة في أمان الله .. قمت فجأة ورحت المطبخ هجمت على برطمان الخيار المخلل و أكلت لحد ما حسيت اني كرهته :) رجعت حق زوجي قلتله الله يخليك روح المطبخ شيل البرطمان الثاني لأني لو شفته راح أستفرغ عزكم الله

بعدها بفتره حاشني هوس ليمون و حوامض .. و أحلى شي أي أحد يسمع يقولي انتي فيكي بنت

وحان و قت السونار ....ويا لها من صدمة :)

ولد .. ولد .. ولد .. ولد :)

عمري فديته أنا

اهلا اهلا بالبنات الحلوين (على راى حبيبة زوجها)

يا جماعة ياريت المرة دى كلنا نجاوب عن السؤال

اولا اختى أحلى بيبي وبابا

معروف انه الوحم على الحوادق يكون البيبى ولد :d :d

انا اول 3 شهور كنت تقريبا لا اكل شئ ابدا

ما عدا عسل النحل تصوروا

لغاية دمى ما اصبح عسل:17: :17:

وبعدين ادمنت النوتيلا

ولكن الشئ الوحيد اللى فعلا توحمت عليه وطلبته كان عنب اخضر واحنا فى عز الشتا

لكن اكلته ولله الحمد

اه البيبى بتاعى بنوتة

فى انتظار ردودكم

لا لا لا ............................

هل هي معلومة مؤكدة يا أخت سوسن عن الحوامض؟

اللي بتتوحم عل الحوامض يكون ولد انا لحد الحين ماخبروني بنت والا ولد والغريب ان مايبان علي كثر السونار اللي عملتة وانا اموت في الحامض والشطة والتمر الهندي واي حاجة فيها حموضة كنت اكلها بنهم شديد بالحمل هذا بينما الحملين السابقين ماكانت فارقة معايا واذكر الحاجة الوحيدة اني كرهت عطر زوجي وانا عندي بنتين واتمني اللة يرزقني بولد لان من جد تعبت ومثل مانتوا عارفين احنا يالعرب لازم انجيب الولد فرحتة اول مايجي وتعبة طول العمر..
بس شنسوي دحنا ولاية مغلوب علي امرنا .

بس اتمني انك اتاكدين لي المعلومة يا اخت سوسن. ومشكورة جزيل الشكر

هلا وغلا بأخت زوجة تحب زوجها ........

وبغيت اعرف الحين انهيت انا السبوع 29 و4 ايام يعني في اي شهر, هل نهاية السبوع 30 يكون بداية الثامن .

ياللة ياحريم جهزوا روحكم تري لايغركم الشهر الثامن خلاص في اي وقت تتوقعين الولادة اللة ايتمم علينا وعليكم واللة

ماتدرون زي اللي حصلي في الاولي تنيمت من الثامن لحد الولادة.

جهزوا اغراض البيبي والشنطة حقة المستشفي واغراض النفاس وحلاوة التوزيع وصواني التقديم والذي منة..

ياللة نشتغل علي هلشغلات الايام هذي للي من السابع وطالع اتشارك معانا بهلموضوع ....

راح ابتدي معاكم لاغراض البيبي والام وللمستشفي ....

وانتوا افيدوني اذا في حاجة ناقصة اتفقنا وبالذات حق اغراض النفاس لأني اجهل كليا الاشياء هذي وماهتميت فيها بس

الحين جالسة تطلع اعراضها علي فوعدت نفسي ان اهتم هلمرة في نفسي.....

بسم اللة الرحمن الرحيم


اغراض البيبي:

سرير صغير لفترة الاربعين

( تحتاجين المخدة الصغيرة تنباع في الصيدليات للمحافظة علي تكور راس الطفل وايضا للاسفنجة اللي تنحط تحتة وينشال فيها لوقت الرضاعة)

سرير كبير من بعد الاربعين لحد ال4 سنوان من النوع اللي لة جنب يترفع ويتنزل

( ولة ماترس اسفنجي مغطاة بالبلاستيك لسرعة المسح والتنظيف وطقم اغطية للسرير مع الحواجز الاسفنجية اللي تنحط حوالين السرير لمنع الخبط بالاطراف.

هزازة او قعادة

من النوع المائل تماما لي فترة الاربعين لكي لاتؤثر علي ظهر البيبي تكون مريحة جدا وكثير ضرورية

دولاب لوضع ملابس البيبي

في اكثر من نوع في نوع مع طاولة غيار ، وفي دولاب مع السرير يكون تحتة في رفوف لملابس البيبي، وكمان دولاب خشبي متوسط الحج وايضا من الممكن لفترة الاربعين يوجد دولاب بأربع اضلف بلاستيك وسعرة رخيص وسيلبي حاجات فترة الاربعين فقط.

للحمام

يوجدانواع من البانيو صغيرة وفيها استاند يحمل البيبي وفي نوعية ثانية وغالبا هذي اللي استخدمها وهوفي محل الاطفال اسفنج لة حواجز كبيرة تمنع البيبي من الانزلاق توضع علي المغسلة جدا عملية ومريحة.

سماعة البيبي

وهي سماعة كثير ضرورية لان الطفل في الفترة الاولي ينام طوال الوقت وانتي ايتها الام بيكون عندك الف شغلة وشغلة فتحتاجين ان تضعين جهاز في غرفة البيبي مكان هاديء والجهاز الثاني ايكون عندك ضروري جدا

جهاز التعقيم

[COLOR="darkslategray"]ضروري جدا بعد كل رضعة تغسل الرضاعة جيدا وتضع في جهاز الستيمر ولمن تحتاجين لاي رضاعة اتكون معقمة وجاهزة للأستخدام الستيمر احسن بكثير من الجهاز الثاني اللي تغلين الماء وتضعين كبسولات[


/COLOR]جهاز شفط الحليب للأم
في عدة انواع لشفط الحليب في اليدوي وفي الكهربائي واخذوا مايناسبكم وبالذات للأم العاملة بتضطرين والا تبهدلت ملابسك وانتي في الدوام

هذي الاشياء الكبيرة اللي جدا ضرورية لاحظت منكم فئة كبيرة بالنسبة لهم الحمل الأول فكتبتها للأفادة لا تستهينون بهلكم من الاشياء ولاتقولون انة ممكن تستبدل لان قبلكم حاولت وفي الأخير اضطريت اشتريها لمدة الحاجة لها.

والبقية غدا انشاء اللة

الاخت الكريمة اني مثلك بالضبط اول مرة احمل وكذلك توني بالسابع وما اعرف جنس الجنين وما احب اعرف خليها على الله المهم سلامة الخلق والخلقة وولادتي قريبة من ولادتك ان شلاء الله اريد اسالك تحسين بحركته وين بالضبط