|
|
الله يبشرك بالجنة حبيبتي روااااء ... ما شاء الله تبارك الله ... الله يجمعكم على الخير والمحبة والتفاهم .. والله فرحت لك ياغاليه ... بس اتفقي على كل شيء من البداية ... حتى الانجاب ... علشان ما تفتحون سالفه جديده وخليك قويه حبيبتي ... وتعلمي من اخطائك ... وادعو الله ان يسعدكم ويوفقكم.. وتعالي .. بسرعة حددي موعد العرس .. انا بعد بشتري لي فستان :17: |
اقتباس:
لا تنسيني بالدعاء وانتي مسافرة ويارب يجمعك باهلك ويردك لنا سالمة غانمة بالتوفيق حبيبتي |
اقتباس:
خلاص العرس بعد الإختبارات بإذن الله الحقيلك على فستان من الحين لا تنسي هديتي اوكي :o |
الحمد لله اتفقنا أنا وزوجي على أكثر النقاط
واعترف بأنه ضغط علي بسبب الحمل الله يسامحه سافرنا يومين غيرنا جو وللحين مارجعت البيت مازلنا نطلع كل يومين الحقيقة طبعه متغير وأتمنى يدوم على كذا مخططين طبعا على السفر بالصيف وانا ما أتمنى أرجع بيتي إلا بعد ما أضمن وعوده وأشوفه فعلاً مهتم فيني أشرت عليه نعيش هالفترة زي المملكين ونسافر زي العرسان الجدد وبعد مانرجع بيتنا نرجع بنفسية ثانية أشوف أن كذا أفضل من رجعتي الحين عندكم رأي ثاني؟ |
ماشاءالله الله يوووووووووووووووووفقك ياااااااااااااااااااااااااااااااااارب ويسعدك
والله يتمم على زوجك ويبعد عنكم المشاكل .........:) عاه هاه وين بتروحين شهر العسل؟؟؟؟:23: ههههههههههه لاوصيك اختاااري أغلى دوله تغلي عليه استغلي الفرصه :d....... |
اقتباس:
المشكلة عمري ماسافرت برا السعودية لا زواجي الأول ولا الثاني ماسافرت تخيلي اتشرط ع الثالث |
لا إله إلا الله محمداً رسول الله
وضعي مع زوجي انعفس فوق تحت والسبب مانع الحمل امس حسيته رماني من قمة جبل كل ماقلت نسينا الماضي وبدأنا صفحة جديده يصدمني وينكد علي توترت وبكيت بكى مو طبيعي وحاليا افضل الانفصال انا مليت خلاص وتعبت |
اقتباس:
اذكري الله ..... لاله الا الله وش فيك ؟؟ وليش تعبتي الرجال انعدل؟!!!!! ووش دخل حبؤب منع الحمل ؟؟وضحي معليش !! يعني نفسيتك ولا تبين تتركينها ولا وش؟؟! انتظر ردك .. |
كنا ماشيين ع اللولب ونزلته لأنه تحرك على اساس اركب غيره
قلت للدكتوره برتاح شهر واجي اركبه لأن دوامي مشوار رجعت وقلتلها ابي مانع ثاني غير اللولب والحبوب كتبتلي اللصقات وبديت باستخدامها ذا الشهر وثاني يوم من استخدامها استفراغ وغثيان ودوخة حالاتي حاله وماشكيت باللصق رحت المستشفى وكنا بالطريق قال زوجي انا شاك اللي فيك من اللصق وطارت عيونه وصر يقول انا مني مرتاح لموضوع اللصق وعاد كل الماضي وانتي حملتي المره الاولى بدون علمي و و و ورجعت احلف من اول وجديد انهرت صراحه انا قاعدة اجتهد واهلك نفسي بالموانع وهو يشك؟؟ وكأنه يقول ناوية تخدعيني وتعيبين بموانع الحمل وانا قسم بالله ماجا على بالي اللصق هو اللي تكلم انا قلت يمكن نزله معوية بس هذا اللي صار وعفس نفسيتي عفس وقسم بالله احس اني بنتقم لو استمريت واحمل رغم ان ولادتي قيصيرية ولا كملت سنه |
| الساعة الآن 12:36 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©