منتدى عالم الأسرة والمجتمع - هل جزاء الإحسان إلا الإحسان !!![مستجدات في الرد 31، 48، 52-177]

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

رد : هل جزاء الإحسان إلا الإحسان !!![مستجدات في الرد 31، 48، 52]

اقتباس:

المشاركة الأصلية كتبت بواسطة أم خالد. (المشاركة 2992412)

لا تقولين زوجك انا ما اتمناه و انتظر يوم الحساب عشان نتحاسب عند ربي

لكن حسبي الله في كل من ساعده و عانه انه يحرق قلبي و يحرق قلب اطفال مساكين مالهم ذنب

يا فرح ... حياة المعلقة بجنب اولادي هي اللي (احلم )فيها ....

الحمدلله هو طلقني بالثلاث يعني ما في امل و هذا خير كبير

لكن لو فيه مجال اني ارجع له راح ادعس على نفسي و كرامتي و ارجع عشان اولادي

هو ماله في خاطري شي

ابيك تفكرين بعقلك .. انتي موظفة انشغلي بوظيفتك ادرسي سوي اي شي لا تحطينه في راسك

اعتبريه سواق راح ولا جا اعتبريه اييييي شي في الحياه

اعتبريه فرد معاق لا فائدة منه خذيه على قد عقله في اي شي يقوله و يسويه

ترا ربي فوق و شايف و عالم بحالك مستحيل وضعك يطول الا ما تفرج

انتي ثقي بربي و استخيري و ارجعي له خليه ع شروطه خليه ينزل اللي في راسه

بعدين من كلامك عنه ترا هو مو بطال بالمرة ... فيه ايجابيات ما عليه زوين يعني ينصبر عليه الحمدلله

عيشي كأنك مطلقه لا تطالبيه بشي و مصير الوقت يمر و السنين تجري و تقولين الحمدلله اللي عدت ذيك السنين

حاولت اصلح اللي بيننا وارجع المياه لمجاريها ثاني بس هو رافض .. ارسلت للمحامي اللي اعطاه خبر بطلبي .. اللي هو شقه صغيره يؤثثها ويتركني مع بناتي ولا اطالبه بالعدل .. رفض وكان رده اخذ شقه او اعيش عند اهلي ويحضر لي بناتي يوميا واخر الليل يأخذهم والسبب اني موظفه والاخرى متفرغه تقدر ترعاهم في الصباح وقت وجوده في العمل

رد : هل جزاء الإحسان إلا الإحسان !!![مستجدات في الرد 31، 48، 52]

اقتباس:

المشاركة الأصلية كتبت بواسطة أم خالد. (المشاركة 2992417)

توني اقرا كلمتك هاذي ...!

ليه يبقون بعيد عنّك ؟!

يعني هو وزوجته غاويين تعب اطفال

ولا يمكن طريقة يمثل فيها اني باخذهم منك في كل الاحوال ؟؟

بناتك الله يحفظهم كم اعمارهم ؟

اعرفه اختي زوجي مستحيل يترك البنات بعيد عنه .. وانا عنده كان تاعبني لو تبكي واحده فيهم بدون سبب يخاصمني وكلامه حار جدا .. اعمارهم تقريبا الكبيره اربع ونص والصغيره ثلاثه ونص

رد : هل جزاء الإحسان إلا الإحسان !!![مستجدات في الرد 31، 48، 52]

اقتباس:

المشاركة الأصلية كتبت بواسطة rose fanee (المشاركة 2992420)

يا ليش بيحرمك من بناتك انت اولا فيهم وحضانتهم لك انتي قانونا. ما ادري ليش للان ما طالبتي بهم. الله يهدي سركم ويفرجها عليك اختي انا غير متزوجة لكن. لو كنت مكانك لتمسكت باولادي اكثر شيء. اما الزوج فيه رب بيحاسبه. حتىلو كنت معلقة الاهم والاولى اولادك

هلا اختي rose fanee .. والله امنيتي يترك البنات عندي ويروح يعيش حياته بس هو رافض .. حتى وان شكيت عليه اي جهه حكوميه .. محد بينصفني منه لأني ما زلت على ذمته بعكس لو تطلقت وطالبت بالخضانه .. وهو مازال يماطل في الطلاق مادري وش هدفه

رد : هل جزاء الإحسان إلا الإحسان !!![مستجدات في الرد 31، 48، 52]

اقتباس:

المشاركة الأصلية كتبت بواسطة بديع المعاني (المشاركة 2992423)

القانون والشرع غائب في مشكلتك ،،، قانون زوجك يمشي على الجميع ،، شرعا بناتك صغيرات ويجب أن تكون الحضانة لصالحك حتى لو معلقة،،، المحامي الذي يتوسط بينكما ألم يخبره عن الشرع؟ لماذا أراك ترين أن كل حل مضيعة لوقتك ؟ البحث والمطالبة بالحقوق ليست مضيعة للوقت و ليست عيبا ،،،

اي جهه حكوميه تقدر تساعدني لو حبيت اخذ البنات منه .. صدقيني والله محد بيوقف معي طالما ما حصل الطلاق .. بالنسبه للمحامي اما ان زوجي مؤثر عليه بالكلام او انه هو في الاصل بارد وكسول ليتني استخرت الله قبل اختياري له

رد : هل جزاء الإحسان إلا الإحسان !!![مستجدات في الرد 31، 48، 52]

اقتباس:

المشاركة الأصلية كتبت بواسطة ^فرح^ (المشاركة 2992428)

هلا ام خالد الله يفرج همك ويسعد قلبك .. زوجي قدم لي حلول تناسبه هو فقط .. في نظرك هل اجلس معلقه الي ان يحن قلبه علي وربما يعود وربما لا .. انا صراحة من قهري وغبني جننته في الواتس على الطلاق لأن في نظري تأخره عشان مصلحته يخاف اذا طلق اشتكي عليه استرجع فلوسي هذا ظني والله اعلم قد يكون صحيح وقد يكون لا .. احس اني مذبذبه مررره احبه وادعي الله يحنن قلبه عليه ويجمع شملنا ومره اكررهه وادعي واتحسب عليه .. بالنسبه لبنتي الصغيره طلبها بعد ساعتين لو رفضت ان انزلها له راح يحرمني من شوفتها لو طلبتها مره ثانيه اعرفه انسان عنيد جداا

الله يسعدك يا شيخه مرة فرحت لما شفت كلامك هذا و ربي نزلت دمعتي عشانك

انا قليل اتفاعل في قسم المتزوجين اصلا و اليوم على حظي تكيت هنا

ادري انه قدم الحلول اللي في صالحه و خايف من فكرة الطلاق بس عشان الفلوس

لكن انا بسألك وش فايدة الفلوس امام راحه بناتك ..؟

و اعرف الاجابة مقدما .. ولا شي ، اساسا انتي الحين منتي بحاجة الدين و هو ما يملك يسدد

ياشيخه قولي الحمدلله في وضعك ان الزوج له في قلبك لو واحد بالمية من الحب

انا اقترح عليك تتمسكين بالحب هذا و تتوكلين على الله و تتسامحين منه

تعالي له بالطيب و لمي الموضوع بيني له انك متمسكة فيه هو زوجك عاطفي

اظهري له عطاء بدون المطالبه بأي شي عشان اذا جا يعطيك بيعطيك بدون ضغط منه

ادري انه شي مغبن و قاهر للغايه لكن خليك اذكى منه و اصبري عليه لان انتي عندك هدف بالنهاية

هدفك انك تحافظين على بيتك و بناتك و هو مصيره يرجع لك بحول الله اذا في خير

يافرح ترا هالكلام انا قايلته قبل كذا كم مرة ... حنا يالحريم مو ضروري عندنا الرجال

حياتنا تمشي بدونه ، انا لما تطلقت جلست اقول لنفسي وش الفايدة الحين غير ضيعت اولادي

العذاب النفسي خف ما اقولك و لا راح يروح ابدا ليه لان ذريتي مو معي

ف ما دام الغبن كذا و لا كذا حاصل ....

امسكي بناتك و خذي اجر فيهم ... و الحمدلله ابوهم مو ظالم بالحيل

كلمة كلمتين تجيبه و الطيب يمشي معاه الحمدلله ، الله يعينك تدارينه مثل الاطفال لين تمشي حياة بناتك

و لا تنسين الدعاء ... و الصدقه تيسر الامور

ترا ربي عطانا مفاتيح كثير لحل المشاكل لكن الشيطان يعمينا عنها تماما و نظن ان مافي حل الا الفراق

شوفيني لمن عاندت في الطلاق و بعد ما طاح كل اللي في راسي صرت اقول ندمانة

هذا دليل ايش .. انوالشيطان راح خلاص و صار يلعب في جهة ثانية

قاعده اكتب لك بحسرة تعرفين وش حسرة

رد : هل جزاء الإحسان إلا الإحسان !!![مستجدات في الرد 31، 48، 52]

اقتباس:

المشاركة الأصلية كتبت بواسطة ^فرح^ (المشاركة 2992436)

اعمارهم صغيرة قريبة من عمر اولادي لما انفصلت عنهم

طيب ليش هو يعاملك كذا ...!

يمكن شاف فيك أم مقصرة في دورك تجاههم يمكن عنده ملاحظات على طريقة تربيتك لهم

هذا فيه خير كبير دام يبغاهم قدام عيونه الحمدلله ..

شوفي أؤيد فكرة انك تاخذين شقة مفروشة لمدة معينة شهر شهرين اللي يخارج معاك. .

خذي اجازة من دوامك و كثفي اهتمامك بالبنات قدام عيونه لازم يعرف انك حريصة عليهم اكثر منه

و في الشهر هذا تقربي له بكل استطاعتك مستحيل دامه رجل يقدر المرأه و يحب زي ما ذكرتي

من صفاته .. مستحيل ما يلين راسه ، و يغير رايه

خاصه اذا شاف منك تغييرات كبيرة زي هاذي و تنازلات ، صدقيني بيحن قلبه

احيانا نضطر نسوي حاجات فوق رغبتنا بس وش نسوي دام هي تعتبر من الحلول مُلزمين نخوضها

خاصه لو الموضوع يتعلق باطفال.

رد : هل جزاء الإحسان إلا الإحسان !!![مستجدات في الرد 31، 48، 52]

اقتباس:

المشاركة الأصلية كتبت بواسطة بديع المعاني (المشاركة 2992423)

ياخيتي اختلف معك هنا

تقولك زوجها عنيد و اذا طالبت بحق الحضانة ممكن يطلعه من عيونها

بعد ما يكبرون خليها تحاول ودي الحين يمكن الله يكتب لها حل مرضي افضل .

عندي احساس قوي انه ما يبي يطلق

رد : هل جزاء الإحسان إلا الإحسان !!![مستجدات في الرد 31، 48، 52]

اقتباس:

المشاركة الأصلية كتبت بواسطة بديع المعاني (المشاركة 2992423)

نعم يُقترض أن يكونوا بناتكِ في أحضانكِ ..
واسمعي كلام أم خالد من انسانه تتألم ..
مصير الطيور تعود لأعشاشها يافرح ..

رد : هل جزاء الإحسان إلا الإحسان !!![مستجدات في الرد 31، 48، 52]

ليه ااحضانه له
ليه تتنازلينةعن البنات

رد : هل جزاء الإحسان إلا الإحسان !!![مستجدات في الرد 31، 48، 52]

ام خالد تالمت لكلامك كثيرا وشعرت بغصة لحالك اسال الله ان يجمعك بابنائك عاجلأ غير آجل ويبدل حزنك فرحا وهما سرورا .. اختي فرح اسمعي تجربتها والله إنها لأخت صادقة لاتريد لك إلا الخير نحسبها كذلك والله حسيبها .