|
رد : مفترق طرق بيني وبين زوجتي.!
اقتباس:
هي توني احاول معها بعد مايائست من اهلها الحظر من قبل 4 شهور عطيتها والان فكيته وكلمتها وهي اخفت خاصيه اخر ضهور استغربت مابردت حرتها وصكتني حظر :( |
رد : مفترق طرق بيني وبين زوجتي.!
اقتباس:
كل اللي ذكرتيه صحيح ولكن اخالفك في اني افسر اي حركه انا مجرد توقع لانها ماشافت مني شي حلو ولاانا شفت منها شي حلوو والموخر رفضته لان اهلها منكدين علي عيشتي بدون موخر شلون لو صار فيه موخر واختصر بالردود لاني ارد من الجوال واحيانا يعلق معي ولكن يااختي انتي اصبتي كبد الحقيقه بتفسيرك لمشاعرها ومشاعر اهلها اتجاهي لدرجه وانا اتفاوض معهم ع الشروط قال تحترمها قلت اوك هذا واجب اكتب تحترمه ويحترمها قال لااا انت بس اللي تحترمها !!!! واقسم بالله كنت اكن لها الحب واضهر لها عكس اللي بقلبي طلعت مشاكل من لاشي وكبرت لين ضعنا |
رد : مفترق طرق بيني وبين زوجتي.!
اقتباس:
والله ان اللي مخليني اصبر مابي اعيش نفس التجربه واظلم اخرى قناعه متى ماوصلت لها واستنفذت كل المحاولات تزوجت عشان مالوم نفسي واندم بعدين اني ماحاولت |
رد : مفترق طرق بيني وبين زوجتي.!
اكثر من الاستغفار
وفتش عن الذنب اللي سبب لك كل هالمشكله مالك تاكد انه حلال وزكاة اموالك هل دفعتها لمن يستحقها |
رد : مفترق طرق بيني وبين زوجتي.!
يااخوي
اصبر كم اسبوع لين ترد عليك ويمكن شهر انا لو بمكانها ماراح ارد من اول ولا ثاني ولا ثالث رساله هي تحس انها المراه وانك انت الرجل ولازم تراضيها وتسعى لها وكمان يمكن كانت ترسل وانت معطيها حظر ،، وانقهرت بتردها لك انا ااكد لك انها مبسوطه انك بديت ترسل لها وانك تحبها بس بقلبها عتب وزعل مو سهله ابداااا 8 شهور ولا حتى رحت تشوف عيالك والله تقهر ، خصوصا هي معهم كل يوم وتشوفهم زي الايتام و يسالون عنك حتى ابو سنه يفقد ويشتاق تلاقيه ينادي بابا بابا وانحرق قلبها عليهم اصبر كم يوم وكل يوم ارسل لها صباح الخير ومساء الخير و عبر لها عن صعوبة العيش بدونها وبدون الاولاد و انكم راح تحلون الموضوع بينكم افضل واخذ بخاطرها واكيد سمعت عن الخطوبات والا احد موصل كلام عنك ماتدري الناس تزيد وتبهر والحريم بالذات واذا هي طلبت طلبات انت صعب تنفذها عطها بديل مثلا السكن انت انقلها مكان ثاني يناسبك او سفره شهر عسل جديد بدال الشرط هذا وتكون انت كسبان منها تمشيت وراح الحاجز الي بينكم و منها ماغيرت مكان سكنك اذا ماتبي وهكذا كل شرط عطها بديل له مثلا طقم ذهب و هكذا مدري ليش انتم الرجال كذا.. ادفع كم ريال عشان خاطر زوجتك وعيالك احسن ماتشتت اسرتك وانت بتخسر اضعافه لو تزوجت ثانيه ويمكن تطلع اردى من الاوله خلك على مجنونك لايجيك اجن منه وسوال؛ هل في خيانه او شيء من هذا في الموضوع؟ والله يجمع بينكم ويبعد عنكم شياطين الجن والانس |
رد : مفترق طرق بيني وبين زوجتي.!
اقتباس:
اخذت بالي من هالشي وممكن تكون عقاب من رب العالميين لااله الا انت سبحانك اني كنت من الظالمين |
رد : مفترق طرق بيني وبين زوجتي.!
اقتباس:
لايوجد خيانه وماخنتها ولامره من تزوجتها ولاكنت افكر بهالاشياء لاني منشغل ع طول لكن كانت حياتنا جفا كئيبه دون ادنى حقوق واذا حصلت الحقوق بدون نفس واكيد محد يبي هالاجواء او يتمنى يرجع لها فكرت كثير بهالموضوع طول هالفتره وقفت امام اخطائي الان سعيت اني اغير نفسي قبل ماغير من حولي اصلحت اموري مع الله عسى ان الله اراد لي الخير بهذه المشكله ماكانت متعوده مني هالاسلوب الحنون والود ممكن يدلها على اني تغيرررت ابي شي يثبت التغيير في اسلوب الرساله وانها لو عادت راح تكون حياتنا افضل واسعد كنت مقصر بالسفرات والروحات والجيات مع اني اخسر كثير على نفسي لو فكرت بمنطق الخساره واحده سواء كنت لحالي او هي واولادها معي ولكن الشيطان حريص اوديهم بنكد وارجعهم بنكد مع ان بداخلي اتمنى انها معي واحبها ولكن هناك سبب اجهله دائما يقنعني انها لاتستحق فارفض لها طلبها ولو كان من ابسط حقوقها ويبدا الصراع الداخلي واذا تقربت مني ولاحظت هذا الشي تعذرت باتصال طارئ وخرجت ماالسبب اللي يخليني افعل كذا اجهله اذا طلبت مني مشاعر الحب والاهتمام وهو من حقها اضهرت لها عكس اللي بقلبي تسالني (تحبني) بكل برود اجاوبها (لا) وأقسم بالله انها تملك قلبي من الوريد الى الوريد كان هناك تضارب مشاعر بداخلي واستغرب مايحدث لنا مااقول هالكلام بعد غيابها كنت اسال نفسي في تلك اللحظات ووقتها وعاهدت نفسي .. لو كتب الله وجمع شملنا ان تكون سعادتها هي واولادها مقدمه على سعادتي ولامكان للشيطان بيننا باختصار .. استحق مايحدث لي ولكن الله غفور رحيم |
رد : مفترق طرق بيني وبين زوجتي.!
طيب يا خوي ما دام انك عارف انك غلطت بحقها ليش تشوف تدخل أهلها بأنه من باب الايذاء وتدمير حياتكم الزوجية .
صح أنه الأهل يكونوا انفعاليين شوي خاصة الأم لكن لما يكون في أساس لشكواهم ما تقدر تقول عنهم أنهم سيئين . لهذا أتوقع بأنه كل طلباتهم مش من باب التحكم والتجبر وتدمير بيتك ..انما من قهرهم على بنتهم . برأيي توافق على طلباتهم وتاخذ زوجتك لبيتك وتحمل نقلها لكل ما يدور بينكم لأهلها لأنه أكيد بالبداية لازم تطمنهم عنها وتظل حاسه بوقفتهم وراها .. وانت ما في شي تخجل انهم يدرون عنه بما انك ناوي تعاملها بطيب واحترام ولما هي تشوفك تغيرت وتصير أنت قريب منها وتحس بالأمان معاك تقدر تتفاهم معها على هذا الموضوع وتوقف نقل أخباركم لأهلها . صعب أنك تحل مشكلة تراكمت وانبنت بسنين بمدة قصيرة يقولون اذا الهدم يحتاج شهر فإعادة البناء تحتاج شهور . خل نفسك طويل واستعين بالله وتعوذ من ابليس وربنا يصلح ما بينكم ويسهل أموركم . |
رد : مفترق طرق بيني وبين زوجتي.!
اقتباس:
انت اللي صنعت الكآبة والنكد ولايكون انت من النوع اللي يسافر و يونس نفسه وتسحب عليهم من الاشياء اللي تضايق الزوجة سفر الزوج مع الشباب للدول اللي برا وانت شكلك مهمشها و لاتعبرها و لاتشاورها باي شي ... مايكفي انك تتغير لازم تثبت عالتغيير |
رد : مفترق طرق بيني وبين زوجتي.!
ماشالله
تغير جميل وتراك مأجور على كل فلس تنفقه على اهل بيتك حتى اللقمع في فم زوجتك و الكلمه الطيبه صدقه وكل تعامل طيب منك ماجور عليه لاتبخل على نفسك بالاجر و دام هذا كلامك وطريقتك والله انها بنت رجال و صبرت عليك تستحق درع شكر لتحملها لانه مافي اصعب ولا اقسى من جفاء الزوج وتعرف انها شابه وعندها مشاعر و انت حلالها فكيف تعيشها بالجفاء و الجوع العاطفي هذا بنت الناس صبرت كثير ومافي شي تتذكره لك يخليها تتنازل ف انت تنازل بس عشان ترجعون وشوف كيف هي راح تسعدك باين معدنها طيب و تحبك و تبغى تلم الشمل بس تبغى تشوف منك تغير و بوادر صلاح ااكد لك لو انك بس هالمره نفذت لها الي تبغاه ورجعتها البيت ماراح تشوف الا كل خير لانها عاشت معك وقت الشده فأكيد بتعيش معك وقت الرخاء و السعاده وبتسعدك بس انت تلحلح و خلها تشوف منك بوادر طيبه وبعدين انت سو الي تبغاه واقنعها لو تبغى تغير شي من الي شارطينه الحين بالحب والتفاهم تقدر تغير كل شيء |
| الساعة الآن 10:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©