رد: طلبت مهلة أسبوعين وبعدها أذهب لاهلي بلا ع
 

دللي نفسك مو تهلكين نفسك بالشغل 💔 سوي اشياء فعلا تحسين انها بتسعدك
احجزي جلسة مساج 😻 صدق بتطلعين وانتي مرووووقة
روحي صالون قصي شعرك واصبغيه وسوي بديكير
روحي المول واشتري ملابس حلوة وغالية ..
ودلعي نفسك بمجموعة عطور غالية 😻

اذا سويتي اللي فوق ع ضمانتي نفسيتك بتكون عالي العال لمدة شهر 😄

رد: طلبت مهلة أسبوعين وبعدها أذهب لاهلي بلا ع
 

تدرين لو ماقالي ذيك الجملة كان تغاضيت واحتكيت فيه حتى لو احتكاك رسمي .. بس مو قادرة يازين .. مو قادرة حتى أوقف قدامه .. يجي في بالي علطول جملته .. وأقول في نفسي على ايش متعبة نفسك وهو مو شايفك شيء ولا يحب فيك شيء ولا تجذبينه في شيء .. صعبة يازين

رد: طلبت مهلة أسبوعين وبعدها أذهب لاهلي بلا ع
 

فعلا حبيبتي هذا اللي بيصير .. حتى شغل البيت بجيب عاملة تنظف لي بيت كل كم يوم .. خلاص جاء وقت الدلع .. على ايش أحرم نفسي

رد: طلبت مهلة أسبوعين وبعدها أذهب لاهلي بلا ع
 

(( والاهم من هذا كله ريحي بااااالك من التفكيييير نهاااائي )))
انا كنت حساسة واي كلمة يضيق خلقي وابكي ومعرف ايش .. اخر شيء استوعبت اني انا التعبانة بس واللي يجرحوني ويبكوني عايشين حياتهم بالطول وبالعرض ! ليه كل هذا ؟
تدرين وش سويت ؟ صرت اتجاهل يعني احد يقط كلام اقول بيني وبين نفسي مابقى الا هال... تتكلم ! والا من هي هذي عشان تتكلم واحتقرها بخاطري واحتقر طريقتها وقلة ادبها .. وسبحان الله عشاني احتقرت الموقف دماغي ماعطى الموضوع اكبر من حجمه .
وارررررتحت جدا جدا

وموضوع البكاء صرت اخاف من التجاعيد والامراض .. ليه ابكي وانا انمرض ووجهي يتجعد ولنا بعز شبابي ؟ وعشان ماس ماجوا ولا راحوا .. اششبك السماعات وهات ياردح لحد ما يطيح اللي براسي 🌞

او اسوي رياضة جدا جدا جدا تريحك وتشيل كل الافكار السلبية من راسك خصوووصا الزومبا يالله شي خيالي 😻

وحتى زوجي اذا قال شيء اقىل بيني وبين نفسي عاد من زينك انت 😅 يعني يوم قال زوجك جملته قولي ببالك عاد الله واكبر هو الكامل 😄 والله بترتاحين ههههههه

كثري اجتماعات مع صديقاتك تعرفي ع الحيران وسعي دائرة معارفك ..

رد: طلبت مهلة أسبوعين وبعدها أذهب لاهلي بلا ع
 

الحمدلله اجتماعيا أنا محبوبة من الجميع .. وربي يعلم لو ماأخرج للدوام واجتمع بالزميلات ونعيش يومنا سوالف وضحك وتعاون ومحبة وش كان صار فيني ألحين..

رد: طلبت مهلة أسبوعين وبعدها أذهب لاهلي بلا ع
 

تمام ..

روحي لبيت اهلك .. و من هناك ..
روحي لمشغل و غيري اللوك تبعك ؛ اشتري لنفسك بجايم حرير ..
و اشتري لنفسك و دللي حالك ..

ليت تجيبي لك عصفور بالبيت .. تهتمي به ..
لانه انت عاطفية احبه .. و لازم تحطي اهتمامك و عاطفتك في شي ..

حبي نفسك .. و اهتمي بها ..
دللي حالك و جيبي شغالة بالساعة .. لا تهلكي حالك بتنظيف البيت ..

اطبخي آكلات لك و لزوجك و تدلعي و دلعيه ..

رد: طلبت مهلة أسبوعين وبعدها أذهب لاهلي بلا ع
 

هذا هو مربط الفرس..
الله يعينك على نفسك وعلى عقلك..
الكلام معاك زي الكتابة على الماء تماما..

تدرين حريم عيالي الأربعة رحمة من الله وأحمد ربي وأشكره مافيهن واحدة مشقية ولدي ومتعسته ..الحمد لله مافيهن واحدة نكلمها يمين تفكر شمال..

مستحيل أدخل مواضيعك بعد اليوم لكن نصيحة أخيرة مني روحي أخصائية نفسية تعطيك خطوات ايجابية تغيرين سلوكياتك..وأفكارك..

رد: طلبت مهلة أسبوعين وبعدها أذهب لاهلي بلا ع
 

لي فتره مادخلت المنتدى حتى موضوعي ماكملته ...
دخلت اليوم وقريت موضوعك
احبه نفس الاسطوانه تتكرر ..
احبه الكل نصحك ومازلتي معنده
بكون واضحه معاك ولاراح اطبطب عليك
لمصلحتك حتى لو زعلك كلامي...
احبه انتي شايفه مافيك شي يجذب عشان كذا اثرت عليك هالكلمه لو انتي واثقه من نفسك كان كلمته ماثرت فيك هالكثر
لو انتي مهتمه بنفسك صح كان عرفتي انها كلمه استفزازيه مثل كلمتك له حقت السفره لو انا مكان زوجك بزعل بقول بدل ماتقولي بالعافيه ي حبيبي هني ع قلبك وتروح تبدل ملابسها وتكمل الاكل معاي جايه تعطيني اوامر ليه ماحطيت سفره بدل الصحن ..

حاطه زوجك تحت مجهر تكبري اخطاءه
وشايفه انك صاحبة فضل عليه ..
وتمني بينك وبين نفسك ع الاشياء اللي تسويها له اذا ماهي من طيبة خاطرك لاعاد تسويها..
ليه حارمه نفسك احبه من المشاغل والدلع
دلعي نفسك روحي مشاغل اهتمي بأدق التفاصيل بنفسك بدون اسراف زايد
يعني مع كل راتب مرا تروحي المشغل وتدلعي عمرك مااظن بيقصف من الراتب شي كثير ...
احبه احنا نشوف اللي عيونك منعميه عنو وجالسين ننصحك حابين لك الخير مانبغى منك جزاء ولا شكورا ...
استوعبي كلامنا ..
لاتروحي تعتذري له بس غيري جو البيت
حيجيك غصب يعتذر..
بخري البيت وعطريه..
شغلي الاضاءات الخافته والفواحات
غيري مكان الاثاث لو بحركات بسيطه
سوي لك حمام مغربي بالبيت
غيري من تسريحة شعرك الاعتياديه
سوي قهوه وحلا بسيط وتعالي عند التلفزيون هالشي لك مو له وحطي لك كم شمعه سوي لنفسك انتي جو
ابتسمي لنفسك ي شيخه مو له...
احبه لا تسهلي امر الطلاق الله لايذوقك اياه ويبعده عنكم ..
والله انو صعب وابتلاء كبير اسأل الله الفرج لكل المطلقات ولكل مهموم...
زوجك طيب وابن حلال وحابك وانا اشهد له
بس خوفي من تصرفاتك بيجي اليوم اللي يعافك فيه
تقولين زوجي مايحتويني
انا اشوفه محتويك بطريقته هو مو بطريقتك بس انتي مو شايفه هالشي..
انتي بنعمه يا احبه ومو شايفه هالنعمه..
حتى لو عندك نقص مافي احد حياته كملت له هذي الدنيا ..
الله يرضى عليك اقري كلام الاعضاء استوعبيه بعقلك مو بقلبك ...

رد: طلبت مهلة أسبوعين وبعدها أذهب لاهلي بلا ع
 

فهمتيني غلط .. قصدت من الجملة اللي كتبتها إني ماراح اعتذر مو اني ماراح اتصالح معه..يعني راح ارجع أحتك فيه بس بخليه من تصرفاتي ومن اهتمامي بنفسي هو اللي يعتذر ويندم على اللي قاله .. شكرا جزيلا لك..

رد: طلبت مهلة أسبوعين وبعدها أذهب لاهلي بلا ع
 

شكرا حبيبتي ماقصرتي .. وفعلا أنا مهملة في نفسي وهو بكلامه نبهني لهالنقطة وراح أدلع نفسي وأسعدها وإن شاءالله أقدر ..