|
|
رد : عاشقات حلم الامومه
غلا جلاجل
مرميس الله يبارك فيكم ويجزاكم خير وشكرا على دعواتكم :) |
رد : عاشقات حلم الامومه
عطوني آرائكم ..
فجاة قررت اني ارجع للفحوصات والعلاج .. واتجهت للمستشفى بدون أن أخبر زوجي .. هذا المستشفى حكومي يقع في طريقي للعمل .. يعني أخلص موعدي واروح شغلي .. ولا راح يعرف زوجي .. هو طبعا ماراح يرفض .. بس لو عرف بيزيد علي الضغط النفسي .. كل شوي بيسأل شسويتي .. شقالولج ..؟ متى موعدج ؟ فأنا أفضل بدون علمه اريح لي وله كذلك .. طيب المشكلة إن المستشفى مواعيده بعييده جدا .. المرة اللي راحت لما رحت العيادة الخاصة ، كان للحين ماصار موعد الاباضة .. قالت الدكتورة ماراح ننتظر لين نشوف البويضات .. لان لو انتظرناها كانت صغيرة لازم ننتظر الشهر الجاي عشان نبدا بالعلاج .. بل صرفت لي منشطات على طول عشان ماتخسر بويضة الشهر نفسه .. لكن في الحكومة لا .. رحت بثالث يوم دورة .. خلوني ارجع بيوم 13 عشان بس السونار ويشوفون حجم البويضة .. وبالفعل صغيرة .. يعني هذا الشهر خسرتها من غير ما أعمل شي .. موعدي الشهر الجاي .. أيضا بعد الدورة .. يعني أصبري يابنت بعد شهرين .. لاااا ماينفع هالشكل .. طيب .. ليش ماتابع مع العيادة الخاصة .. المشكلة إنها بمنطقة ثانية .. بالعاصمة . بعيد جدا عن عملي .. وانا ما أنزل العاصمة إلا باستئذان من زوجي .. على فرض لو نزلت العاصمة وشافني بالطريق وهو طالع من دوامه مثلا .. أو اتصل وعرف اني بالسيارة .. راح اضطر أخبره .. وبيقول لي ليش ماخبرتيني وليش خشيتي عني و و .. أحيان افكر أخبره واتحمل حنته .. هو الحين ساكت وشايل الموضوع من باله شوي ..إلا بين فترات متباعده .. أخاف افتح على نفسي باب . لني جربته في الحملة الاخيرة .. كان يحن كثير .. حتى كان يلومني ..إنتي خذتي حبوب .. إنتي عملتي وعملتي .. احترت .. |
رد : عاشقات حلم الامومه
جمعة طيبة بذكر الله وأوصي نفسي وأوصيكن عزيزاتي بسورة الكهف .. وينكم يا جماعة .. لا حس ولا خبر :21: كله منشغلين بتجهيزات العيد مثلا ؟!! :d **** أم دانة يا حبيبة .. بداية ربي يجبر بخاطرك .. وييسر أمرك .. ويرزقك الذرية الطيبة يا رب.. أنا معك فعلا مواعيد المستشفيات الحكومية تطفر الواحد ومواعيد متباعدة .. أنا كنت أراجع معهم .. وبنفس الحال .. أنا من البداية كنت شاكة بقناتي فالوب .. لكن هم قالوا لي لا بعدك صغيرة وخلينا نجرب معك حبوب التنشيط ومتابعة حجم البويضات .. وعطوني حبوب وقالوا الشهر الجاي راجعينا .. أنا من عطوني الحبوب .. طبيتهم ولا رجعت لهم وراجعت مستشفى خاص وعملت الأشعة للأنابيب والحمدلله لكل حال .. بس مدري ليش أحس إني أفضل لك هالفترة تراجعين المستشفى الحكومي بدون علم زوجك .. نفسيا راح تكوني مرتاحة ومحد بيشيل الهم غيرك .. لأنه السؤال والحن من شخص ثاني أحس يسبب ضغط نفسي للواحد .. خصوصا مشيتك للعاصمة .. ما راح تقتصر على يوم أو يومين فكل مرة تضطري تستأذني .. وهذا راح يفتح عينه أكثر.. اقضي حاجتك هالمرة بالكتمان .. واصبري ثلاثة شهور مع المستشفى الحكومي .. وإن شاء الله ما تلقين إلا اللي يسرك .. ربي يسهل أمرك ويفرج همك يا عزيزة |
رد : عاشقات حلم الامومه
سلام وكل عام والجميع بخير. دانه موفقه
|
رد : عاشقات حلم الامومه
السلاااام عليكم يااحلى واغلى عاشقات واخوااااات,,,
يعلم الله اني لم ولن انساااااكم لكن ظروفي اشغلتني,,,ماعلينا اشتقت لكنننننن جميعاااااا بلا استثنااااااء,,,,سلووومة,,,رورو اوراق ملونة,,حلم حياتي........ والقائمة ماشاااللله كبيرة ,,,كلكم حبيباتي وكلكم يعلم الله انكم في قلبي....الله يقدرني على عدم الغياب. كل عاااام وانتم بأاااااااالف خير وجمعة طيبة. رورو,..خبريني شو تطورات موضوعك ياقلبي. بدي وحدة فيكم نشيطة تعطيني ملخص آخر الاحداث ,,,بس اعطوني وقت عشان اقرأ اللي فاتني. |
رد : عاشقات حلم الامومه
السلام عليكم ورحمه الله وبركاته
اخواتي اشتقت لكم كثيرااااااااا اوصيكم ونفسي بقراءة سورة الكهف والاستغفار وسورة الانبياء على نبية الرزق بالذرية الصالحة ربي يرزقكم وويرزقنا من فضله |
رد : عاشقات حلم الامومه
ام الدانة حبيبتي
انا بعد راي تستمري على المستشفى الحكومي دامه قريب منك حتى ما تضطري تقولي لزوجك ويشتغل الحن والزن :d:d خصوصا انه ماراح يعارض والحمدلله وكلي امرك لله واستمري معهم كم شهر مع الاخذ بالاسباب مع متابعة العلاج والاستغفار والقران ربي يجبر بخاطرك ويرزقك بالقريب العاجل انتي وكل اخواتنا العاشقات اللهم امين يارب العالمين |
رد : عاشقات حلم الامومه
هــــــــــــــــــــــــــالة بالداااار :17::17::14::14: وينك يا حلوة ...!!! شو هالغيبة ..!! دووم أسأل عنك .. طمنيني عنك يا غالية وعن العيال .. إن شاء الله كلكم بخير وعافية أنا أخباري الحمدلله بخير وأشكر ربي على نعمه .. لكن لا جديد في موضوعي للآن .. دعواتك لي بتسهيل الأمر .. دودي .. أحلى طلة :28: سعيدة بتواجدكِ معنا |
رد : عاشقات حلم الامومه
اقتباس:
انا الاسعد بتواجدي معكم من جديد دعواتي لك بالخير وتيسير الامور يا الغالية شكرا لك |
رد : عاشقات حلم الامومه
كل عام والكل بخير
|
| الساعة الآن 10:31 PM. |
|
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©