|
|
رد: كوفي شوب الصبايا (٣)
مبتعثة انت من الرياض !؟
ايش ناوية تعملي بعد الدكتوراة !؟ |
رد: كوفي شوب الصبايا (٣)
هلا روح لا مش من الرياض
الحين اعمل باقي الاوراق وبعدها باذن الله لازم ارجع للجامعه لاني مبتعثه عن طريقها |
رد: كوفي شوب الصبايا (٣)
ودي افضفض...
اتألم لما انجبر اظهر شيء غير اللي في داخلي اقتناع غيرة حب غضب حزن أي شعور كان... ليش ما نبقى على طبيعتنا ، إذا تضايقت اقول ، وإذا زعلت اقول ، وإذا فرحانه اقول .... اشعر أحياناً ان اكون مجبرة على تقمص شيء ما احس به .. ابي مساحة احزن واتضايق واصارخ وافرح واطير واضحك مساحة تخصني وحدي متى ما انتهى حزني ابتسم... لازم ابتسم واخفي اللي بداخلي عشان ما اكون نكدية ؟!!! لازم افرح بوقت ما اكون فيه فرحانة ولا اكون نفسية ؟!! مو يمكن اللي يفرحكم ما يفرحني والعكس! اشعر ان انه مخنوقة وما عندي مساحتي اللي احتاجها... من غير محد يسألني ليش متضايقة لأني احيانا ما اعرف ليش متضايقة وليش ما ودي ابتسم او ان افرح بدون محد يسالني عن السبب لان احياناً فعلا ما عندي سبب... |
رد: كوفي شوب الصبايا (٣)
السلام عليكم ومساء الخير حبيباتي
بكره مداااااااارس وبناتي طايرات فرح وانا متنكدددده😖 أمي تقول المفروض العكس الله يعين اسأل الله لاولادي واولادكم وبناتي وبناتكم في بداية عامهم الدراسي: أن يبشرهم بما يسرهم ويكف عنهم ما يضرهم ويرزقهم المعلم الكافي والصديق الوافي وأن يكون طلبهم للعلم عبادة وأن تملأ صدورهم السعادة وان يعلمهم ماينفعهم وان ينفعهم بما علمهم وان يفتح على عقولهم للفهم والعلم والنجاح والفوز والفلاح آمين يارب العالمين🌹،، |
رد: كوفي شوب الصبايا (3)
بونسوار يا سكاكر. jyhfdgrg . . . أنا تروقني حبة جالكسي .... ما أمضغها .. قمة المتعة لما أخليها بفمي لين تذوب شوي شوي. fdgrg . . . ندى .. الله يسمع منج. دوام اليهال الأسبوع الياي بإذن الله .. وأكثر وحدة متحمسة هي شما. عاد ما يندرى شو بتسوي وقت الجد. ;) . . . زين .. قولي هالكلمتين للي يلومج أو يعاتبج .. وضحي إنج تمرين بفترات سيئة بدون سبب مفهوم .. وإن بعض الناس جذي .. هذا ما يعني إنج زعلانة أو متضايقة منهم هم بالذات. ولا تعيدين الشرح .... مب مشكلتج إذا ما يفهمونج. |
رد: كوفي شوب الصبايا (٣)
شككككراً لكل اللي اقترحو عليا اسماء لعطور من جد ماقصرتو حبيباااتي
بصراحة احترت بين 3 آنواع بيربري ايلي صعب ريبيرتو كڤالي واخترت الحمدلله ربيرتو كڤالي من فيسز وريحته جنااااان |
رد: كوفي شوب الصبايا (3)
اقتباس:
قلتهم يا مهره .. باقي الحنها واغنيها او احتمال اسوي بنرات واعلقهم في الفريج... ما يتفهمون يا صديقتي يحسونها اشارة لمرض نفسي! ويحاولون كثر ما يقدرون يخلوني ابتسم... اقدر جهودهم بس احتاج وقت مع نفسي |
رد: كوفي شوب الصبايا (٣)
مساء الخيرات و البركات ddg
الله يسمع منك يا ندي و يبارك لهم في دراستهم ووقتهم ddg زين من حقك طبعا تحزني براحتك لكن ليش ما تنسحبي بعيد عنهم و تاخدي وقتك و ترجعي لما ترتاحي |
رد: كوفي شوب الصبايا (٣)
z0.com][img]htm/2015/08/22/21/927532115.jpg[/img][/url]
هذه صورة الغروب مؤيدة اذا ما طلعت ارجع انسخلك الصورة مباشرة |
رد: كوفي شوب الصبايا (3)
زوجي بالذات ما يعطيني مجال ان انسحب عنه
اخاف اقول شيء ويكون نكران لنعمة ربي .. اللهم لك الحمد شتسوون هالحزة ؟ |
| الساعة الآن 09:44 PM. |
|
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©