|
رد : زوجي سيتزوج علي بسبب عدم الانجاب
اجاهد نفسي كثيرا مرات انجح ومرات ارسب ..
لقيت فواتير اثاث شقته غرفة النوم ب15 الف والكنب ب11 الف والمطبخ ب11 الف و..... مسكت نفسي وماتكلمت مع اني اقوله غيرلي غرفة النوم رضاوة يقول ماعندي لكن احاول عشانك واعرف انه بس يخدرني بكلامه .. هو يحس انه متخبط فالمشاعر بين زوجه قديمه عاشت معه وعرف كل شي عنها لكن مع مرور السنين مات حبها في قلبه وبين زوجه جديده غريبه عنه يريد ان يكتشفها ويجدد المشاعر في قلبه لكن خطئه انه لم يعدل .. |
رد : زوجي سيتزوج علي بسبب عدم الانجاب
حبيبتي الامومة المنتظرة
أولا بعلق على كلامك لما تقولي "مع مرور السنين مات حبها في قلبه".. عارفه لما قريت هذي الجملة رجعت مره ثانية للصفحة الرئيسية عشان أتأكد كم لك متزوجة وتفاجأت ان لك بس 7 سنوات لأن الكلام اللي قلتيه حسسني انه لكم 20 أو 30 سنة متزوجين ههههههه .. والشي الثاني مين قال ان حبك مات في قلبه؟؟!!!!! الله يهديكي بس.. لو حبك مات في قلب زوجك وش اللي يجبره يخليكي ما يطلقك؟؟!! انتبهي لا تكوني مثل الغراب اللي يزن على خراب عشه.. زوجك يحبك ويموت فيكي بس مثل ماقلتي مشاعره متلخبطه هذه الفترة وبالنسبة للأثاث هو الحين يحاول يرضي الزوجة الجديدة ويعطيها فكره حلوه عنه.. لكن انتي خلاص عارفته والمفروض تكوني متأكدة من مشاعره تجاهك عشان كذا هو يعتقد انه مايحتاج يثبت لك أي شي أكرر وأقول اتركيه هذه الفترة لا تطلبي منه حب واهتمام.. صدقيني بعد فترة راح يرجع لك بكل حب وشوق |
رد : زوجي سيتزوج علي بسبب عدم الانجاب
ياحبيبي ياامومه والله لو تتبعي بالخطوات النصايح راح تنجحي بس انتي ضعيفه ومصره ان تبيني ضعفك له والرجال يحب المرأه صعبة المنال ان اردتي ان تبقي هكذا فلتبقي ولاكنه لن يتغير شيء وقد يمل منك للابد وان اردتي التغيير فقوي عزيمتك وتعالي قولي لنا انا بتغير لاتقولي ابغى اغير زوجي لانه ماراح يتغير اذا ماغيرتي اسلوبك..
|
رد : زوجي سيتزوج علي بسبب عدم الانجاب
مسحت رقمه من جوالي عشان مااشوفه متصل معها والا لا وعشان ماارسله كل شوي.. وحذفت رقمها كمان ..
انا قبل ملكته كنت متاكده من حبه لكن شايفه تغيره الان وهو يقولي انا عايش لخبطة مشاعر واحساسي معك صار عادي يعني مات .. لان تعود ع روتين وحياه وحده مع اني والله ماقصرت عليه في كلام الحب والحركات والحفلات الرومانسيه والهدايا لكن هو عشان حاط فعقله ان اسباب السعاده بين الزوجين وجود الاطفال مايحس باللي اسويه كله .. مره قالي احس فلان اخوه مو مرتاح مع زوجته لكن صابر عشان اطفاله .. قلت له طيب انت الحمدلله مرتاح معي بس ماعندنا اطفال قال اهم شي عنده اطفال يتحمل عشانهم .. شفتي كيف ودائما يكرر انا تعيس انا ماني سعيد فحياتي عشان الاطفال .. يعني عايش صراع مع نفسه ومشاعره بيني وانا اللي خلاص مل مني وبين وحده جديده عنده امل فيها .. تدرون اول يوم بعد ملكته وش حاط فحالة الواتس وقبل ولمده طويله كان حاط بس نقط .. حط الاجمل ان يكون في حياتي امل .. يعني صارت الامل فحياته وانا الماضي التعيس واللي طعن قلبي اكثر قال عارف انك بتتكلمين ع الحاله لاني قلت له كذا حسست الناس انك عايش فعذاب معي وهي الامل فحياتك .. والله احبه واعرف ان فيه خير كثير و عارف فضلي عليه وعارفه نفسيته واللي يحس فيه بس ليه هو كمان مايحاول او يجاهد يرجع يحبني ويهتم فمشاعري .. يقولي من كل قلبي ابغاك معي لكن اصبري اقوله ساعدني طيب يقول انا تعبااان .. يارب رحمتك . |
رد : زوجي سيتزوج علي بسبب عدم الانجاب
حبيبتي غبينة الفرقا اوعدكم اني من اليوم سأتغير واتجاهل وجوده فحياتي مع عدم التقصير في حقوقه لاني والله تعبت .. مااوعدكم اني ماابكي لاني متاكده بابكي لكن اوعدكم اني ابعد عنه عاطفيا وما اسأل عنه ..
دعواتكم |
رد : زوجي سيتزوج علي بسبب عدم الانجاب
ابكي طلعي اللي في قلبك لله
والبنات ماقصرو قالو لك طنشي حاولي يارب يا كريم ما يدخل شهر واحد الا انتي حامل بتؤم من غير شر يارب يعوضك ياربي ادعي لك من كل قلبي |
رد : زوجي سيتزوج علي بسبب عدم الانجاب
الله يربط علي قلبك و يهون عليك
عزي نفسك عشان يعزك |
رد : زوجي سيتزوج علي بسبب عدم الانجاب
قلوبنا معك الامومة
هذه هي البداية الصحيحة 👍 ........ ماذا عنك انت ؟ ما هي خططك نحو السعي الى الحمل ؟ |
رد : زوجي سيتزوج علي بسبب عدم الانجاب
ليه ما تاخذي إجازة زوجية ؟ وتروحي لبيت أهلك فترة
تخبرينه فيها أنك ستبتعدين حتى لا تتعبي أكثر وحتى تفكري بنفسك وحياتك (العبارة الأخيرة حتى لا يشعر بالراحة ومن ثم ينساك, حتى تزرعي بعض القلق فيه) الإبتعاد سيريح نفسك المتعبه , وتبتعدين عن نظراته ومواقفه وأفعاله والمقارنات وأيضا سيكشف لك حياتك بواقعية أكثر , وستعرفين كم حياتك تستحق البذل لأجلها كما ستجدد الأشواق بينكم بإذن الله |
رد : زوجي سيتزوج علي بسبب عدم الانجاب
خططي للحمل اني سبدأ من اليوم قراءة سورة البقرة يوميا والمحافظه ع الاذكار والرقيه الشرعيه وطبعا الدعاء والحجامه نهاية هذا الاسبوع والشهر القادم اذا ربي يسرلي سأعمل حقن مجهري ..
المشكله انا ساكنه في نفس عمارة اهلي يعني لازم هو يبعد عن العماره عشان مااشوفه.. انا قلت له قبل فتره طويله شهر 2 باجلس عند اهلي لان زواجه ف 26/2 قلت له تقدر تستغني عني وتصبر قال عادي كأني مسافر وزعلت قال انا ماابغي بس انتي سالتي تقدر قلت لك عادي كأني مسافر فرحلة عمل او دراسه |
| الساعة الآن 05:23 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©