|
رد : كيف اجعل زوجي رومانسياً - أم ريان (شوك11
اقتباس:
هنا احس اني ابنجن اذا وصلت لحظات عدم التحمل اسمي بيته " السجن" طبعا هو يزعل ويتضايق بس يطننننش ولا يتغير داءماً يتهمني اني متعودة على سواق وحرية!! اول زواجنا لما اوصف له طريق مختصر او انبهه على شي يقول ايه متعودة على السواويق توجهينهم ( خخخخ، والله شي يضحكني) الحين بعد ما هدا شوي، صار يتقبل مني او يسالني ويضيع عادة ، ويساعدني بهالشي اني ادل في الرياض اكثر منه |
رد : كيف اجعل زوجي رومانسياً - أم ريان (شوك11
اقتباس:
خليط فيه من الضعف الكثييييير وحتى سهل لكن راسه مليااااااان خزعبلات اصحابه اذكر مرة مسك الشغالة وشوي بيضربها من سوا الغدا؟! مع انه انا مسويته وما عمر الخدامة طبخت في اول زواجي كنت اتعرض لمواقف مخيفه في بيتي يعني مثلاً نور ينطفي وانا مشعلته لما كنت اقول له كان يقول هذي حركاتكم يالحريم عشان تبيني اجلس عندك او اغير البيت عنده قاعده ان الحرمه كذاااابه، وتحب تفرق بين الزوج واهله!! ان الحرمه تحب تسيطر على الرجال وتمشيه على كيفه انها كذاااابه ويذكر لي مواقف كثيرة لاصحابه وكذب زوجاتهم عقله مليان كلام كثييييييير غلط وما ينطبق علي بس هو مصدقه فيه اشياء انحلت عقدتها، وفيه اشياء ما زالت بس لما يتكلم معاي واضح من كلامه انه يتاثر بكلام اللي حوله وان كل الكلام حول المراة سيء |
رد : كيف اجعل زوجي رومانسياً - أم ريان (شوك11
لما يخطا بحقي خطا كبير
يبكي بين يدي زي الاطفال ويجلس يعتذر ويعتذر ويعتذر بس اخر مرة بكى فيها ما ادري ليه حسيت انه كذاب يحلف ويقسم ان عمره ما بكى حتى على امه وابوه وعمر احد ما شاف دمعته لكن ان يبكي قدامي ويظل مرعوب وخايف اتركه وكلها اسبوعين ويرجع |
رد : كيف اجعل زوجي رومانسياً - أم ريان (شوك11
تجيه لحظات ضعف غريبة
وعنده جلد ذات ويحاسب نفسه كثييير |
رد : كيف اجعل زوجي رومانسياً - أم ريان (شوك11
اقتباس:
الزواج متعة حقيقية بيت واولاد وزوج يقدرك ويحترمك وخصوصية اقتباس:
ايه هو حنون في بعض المواقف، ولو انكر هالشي انا جاحدة لكن وش يقابل هالحنية قسوووة مفرطة غالب الوقت اقتباس:
لكن ما علاقة السءوال بكلامي؟!! اقتباس:
بشكل يمكن ما تتخيله ابلع الغلط مرة ومرتين وثلاث وممكن عشر لغاية ما شي بداخلي يقول بس خلاص وقتها اللي لمايغلط علي الشخص اكون شرسة جداً في الرد زي القطة لما تخربش |
رد : كيف اجعل زوجي رومانسياً - أم ريان (شوك11
تذكرت شي
عنده متعه غريبة انه يفتش جوالي ويجي يحاسبني على كلامي اللي تكلمته مع زميلاتي حتى لو كلام عادي كنت تاركته بس وصلت مرحلة طفشني كثيييير مع العلم انه حريص جداً على جواله ولي 8سنين عمري ما مسكته وارقام سرية ، وتقفيل كانه يخبي شي عني الحين حطيت رقم سري صعب وارتحت كثييييير |
رد : كيف اجعل زوجي رومانسياً - أم ريان (شوك11
اقتباس:
كانت لي نظرة معينة فيك وتاكدت منها في موضوع ام فهد ونقاشك مع الاخوات بس حسيت انك ابو العريف في موضوعك الاخير خخخخخخ، لا تزعل اقتباس:
اقتباس:
اقتباس:
اقدر اقول لك كان اسد شرس وروضته اصبح اهدا بكثييير واكثر عقلانية ومنطقية واشرح لي كيف يكون على اسس سليمة ورح ارجع لهالنقطة لكن قبل لا نحتوي ، لازم نامن على انفسنا اولا الا تهاجمنا هذه السباع ويا كثر اصحاب السيرك ومروضي الحيوانات اللي افترستهم بعد ما كانت عشرة عمر معهم |
رد : كيف اجعل زوجي رومانسياً - أم ريان (شوك11
اقتباس:
كل اللي ذكره في الكتاب اخذته انا دروس تطبيقية لكن سلمان العودة من الناس اللي يعتبرون لي قدوة في الحياة لما يشكل علي امر ابحث عن رءويتها للموضوع واقتنع بها اتابعه في قناته اكثر شي عجبني في ردوده لما تكلم عن التسامح وقال مو نسامح لاننا ضعفاء ونقول سامحنا، لازم لما نجي نسامح نسامح ونحن في موقف قوة وقادرون على اخذ حقوقنا! وكانت هذي اشكالية عندي في حياتي اقتباس:
اهمها اني ربيت بناتي ما يعتمدون علي يعتمدون على انفسهم لاني مو دايمه لهم ورغم انهن صغااار لكن شخصياتهن مستقلة جداً ومعتمدات على انفسهن كثييييير ووالله مو مدحا لنفسي، داءماً يسالوني كيف تعاملي معاهم اذكر معلمة ما درستهم لكن معاهم بالروضة مسكتني وقالت لي " انا اقول للزميلات هنا انك مدلعتهن عشان كذا شخصياتهن قوية، لو سمحتي ابسالك كيف تتعاملين معهن انت مدلعتهن؟!" بناتي انا مو شي ضروري جدا بجياتهم لو يروحن لاهل ابوهم او اهلي ما يفتقدوني لامي ما ابيهم يفتقدوني ويعتمدون علي لاني مو دايمه لهن تعلمت كيف اامن مستقبلي قد ما اقدر لاني عمري ما حسيت بالامان بس في قلبي غصصصصه من مواقف كثيرة خذلت فيها بشدة لاني يتيمة اليتم اوجاعه اكثر من فواءدة خذ فواءدة وعطني ابو يدافع عني الحين ، وياخذ حقي من اللي ظالميني ويقولون لو لك اب ما كان كنت بهالشكل انا من جد محتاجة اب اقتباس:
هذي احسن درس تعلمته بالحياة ارتحت اصفي حساباتي مع الخلق اول باول ناس كثيييير التزمت حدودها معاي بعد التسيب والعبث بقلوبنا(بحزن ) نية كما يقولون اشتريت ثلاث ارباع راحتي بالحياة مع هالسياسة وش لي بالوجع والمجاملات خلص حساباتك اول باول وكمل طريقك ما تحتاج انك تلتفت للخلف اقتباس:
بالتالي نزداد احتراماً لانفسنا وحباً لها |
رد : كيف اجعل زوجي رومانسياً - أم ريان (شوك11
اقتباس:
يمكن افادني كثيييير موضوع هند كايزن عن " حياة المسلم الحقيقي" في رسم معاني الصحة النفسية اليومية والعناية بها لكن متاكدة عندك كلام ثاني رح يفيدني كثيييير فانتظرك اقتباس:
لاني اريد ان اتغير واتحرر من قيودي ما دخلت الا لاجل ان اكتشف حياة افضل لكن لا يمكن ان اغيب عقلي وقناعاتي نهاءياً رح افكر فيما يقال لي واستفتي قلبي مرة وثنتين وثلاث اقتباس:
اقتباس:
لظروفي الصحية الحالية. اقتباس:
يكفيني اللي فيني ويارب لك الحمد اقتباس:
فيه اشياء كثثثثثثثثير ما قلتها ولا تكلمت عنها الفضفضة مرهقة جداً لي واحياناً اراها عملية تشريح قذرة لما بداخلنا!! تقول طيب ليش هنا رضيتي شكلك قاري علي ، خخخخ باختصار لان حسيت اني رح اجني فاءدة ماادري وش هي لكن بداخلي تفاءول وامل |
رد : كيف اجعل زوجي رومانسياً - الاخت ( شوك11
اقتباس:
اقتباس:
لانه معطيهم انطباع انه شرس وقوي وقاسي جداً اذكر اخته اول زواجنا قالت لي "فلان" تقصد اخوها معك غير طبعاً ما فهمت كلامها الا متاخر كثييير في الحقيقة زوجي سهل وضعيف وبسيط ويغطي هذا بكله (بالهاااااااء) اللي يسويها والهليلا اللي يعملها هذا اللي فهمته من عشرتي معاه باقي اسمع لك انت لانك ما سالت الا ببالك شي ، فنورني اقتباس:
لكنه احلى الامرين ! اقتباس:
يمكن اشوف نفسي من الاشخاص الذين يقراون ما بين السطور ايضاً اقتباس:
لكن يمكن انت وجدت نفسك في هالجملة مثل ما انا اجد نفسي في بعض عبارات الاعضاء كتواقيع " اللقيا في الخلد" اقتباس:
هذي يبي لها موضوع مستقل اهمها ما ياثر فيني نقد الاخرين مهما كان اول شي شد انتباهي بالجامعة ان الدكاترة وقت المناقشة مع بعضهم ما يجاملون ابد ابد ابد بعني كان سياستهم طخه واكسر مخه، ناس عمليين واضحين صريحين الحياة1+1=2 في الماجستير وقع الكثير على جراحي كالذباب ، برضه هذول الان اتعامل معهم باسلوب مغايير ومختلف تماما اقتنعت ان هناك اعداء للنجاح والناجحين مو لسبب معين ، الا لكونهم لا يستطيعون ان يكونوا مثلنا فيحطمونا ( واول ما كنت اومن بوجودهم) لما يتكلم معي اي شخص ، اقراه واقرا ما وراء حروفه وحتى اقرا الفاصلة والنقطة فيه والفاصلة المنقوطة ايضاً الماجستير حسسني اني كنت جاهله ، لا وفرحانه انه معي لكالوريوس( طلع هالباكلوريوس ) فشنك بحث الرسالة علمني الصبر علمني اجهز كل شي بوقت مثلا الناس برمضان تنشغل باغراض العيد انا اكون مخلصتها برجب او قبل وقيس على هذا اشياء كثييييير علمني كيف اناقش علمني كيف ما اصدق او اتقبل كل ما يقال علمني مو كل شي لازم يكون عندي عشان اكون مع الناس علمني ان البشر ما يعنون لي كثير ولا ياثرون في رءويتي لذاتي علمني ان المظاهر اهتمامات الفارغين علمني كيف اصبر واحفر في الصخر ابتعب وانا اتكلم عن الماستر |
| الساعة الآن 09:21 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©