رد: كوفي شوب الصبايا (3)
 

لا كوكي هي ساكنة ببيت منفصل تماما عبارة عن فيلا دورين .. بس ملاصقة تماما لبيتهم وبينهم سور ومدخل يؤدي الى بيتهم ..
وهي اغلب وقتها عندهم ..
انا وضحت انها اقرب فعلا .. لكن بعد مب مقتنعة ان يحق لهم يعطونها قسمنا .. ابدا مب منطقي انهم ياخذون المكان الأكبر واحنا الاصغر .. وانهم داخل واحنا برع .. هي حتى ماعللت ولا قالت اسباب انها ليش تفضل هالشي .. يعني بنفسها ماعندها اسباب مقنعة ولا كان قالتها ويمكن كنا وافقنا لو لها وجهة نظر ..

رد: كوفي شوب الصبايا (٣)
 

مشغووولة جدا يا ليتني معكم ، يلا هانت ، لما افضى برد عليش يا مريووووم ؛) <<<< بعدني ما قريت اللي كتبتيه

زين الله ييسر امرش و يشرح صدرش. اااامين ...

هاجر الله يسلمك و يسلم غاليك من كل سوء شر ... احبك يا زرقاء اليمامة

رد: كوفي شوب الصبايا (٣)
 

اشكر اختي زين على اتاحتها الفرصة لي للفضفضة واعتذر اذا صار اسهاب في الموضوع ..
بس صدقيني انا تعمدت ما اذكر مواقف اكثر عشان لا اخالف قوانين الكوفي. .

ارتحت اني فضفضت .. وتوصلت لقرار اني أأثث مكاني واقعد فيه بكل ثقة ولا علي منهم ..

اشكركم جميعا على ردودكم الطيبة ..

يغلق ..
😁

رد: كوفي شوب الصبايا (٣)
 

مريم
دامها زوجة ابن امه فحطي ببطنك بطيخة صيفي
كل شئ منها يجي مثل العسل عالقلب

لو اكتب عن اهلي يشيب راسكم .
لا تهتمي دامهم عايشين بعيد عنك
المهم تعملي باصلك و يجي يوم و تنتبه لك

رد: كوفي شوب الصبايا (٣)
 

رد: كوفي شوب الصبايا (3)
 

مريم كل الي ذكرتيه عنها وتقولين عليها ذكيه وتعرف لهم !

كيف وهي ما خلت شي ما سوته

شكلهم خايفين من شرها وقسمولها القسم الاكبر tgb53f

رد: كوفي شوب الصبايا (3)
 

هذاك كان في السابق .. وفهلا اعتقد انهم كانو يحسبون لها الف حساب اتقاء لشرها ..
الحين الصراحة مادري بس احسها تتعامل معاهم بدهاء ..
المهم أمورهم طيبة الحمدلله ..
ونسوا ان انا اللي صبرت عليهم وتعاملت معاهم بأصلي وحافظت على احترامهم ..
شكله هالزمن مايمشي حاله الا القوي ..
بس انا بحكم صغر سني وبعدي عن هلي ماكان لي سند ولا ظهر ..

رد: كوفي شوب الصبايا (3)
 

قلتيها ولد أمه
شي مهم بقوله لك
فيه أشياء حنا نشوفها عيب وغلط وما نقدر نسويها، غيرك يشوفها عااااااادي
زين ما طالعوك براتبك ونكدوا عليك
غيرك لي دق عليهم يبي منهم قالوا لها وزوجتك وينها؟!
ما يقدمون لعياله إلا أبو ريال وريالين وغيرهم من الأحقاد يلبسونهم الذهب
خليني أقول لك هالموقف

موة لمحت لهم ألي خواتم بنوعية موعينة لبناتي
قالوا لي هذي ما تحصلينها إلا شغل في منطقة معينة وعطينا فلوس وحنا نطلبها لك
قلت مو ألحين خلوها الراتب الجايز
ونقطعت العلاقة معاهم بسبب مشاكل ولدهم
لما رديت وفي أول لقاء كانوا ملبسين حفيدتهم الثانية نفس الخواتم اللي طلبتها لبنتي!!!
تن ترتن تن تن تن!!
وش شعورك؟!

رد: كوفي شوب الصبايا (3)
 

صدقتي ..

انا مابي منهم شي .. بس لا يغثوني ..
انا كلللش كللش ماضريتهم .

رد: كوفي شوب الصبايا (3)
 

في زواج ولدهم إلا يبون يعرفون وش وح ألبس بناتي
ومو قادرين يصمدون لأنهم ما يبون بناتي أحسن من حفيدتهم اللي أمها مطلقة
في النهاية أمه قالت له صور فساتين بناتك وارسلها !!

فيه حشرة خشم أكبر من هذي؟!!!