|
الله يصلح حالكم ..
اشوف ان الحل الوحيد انك تقولها السبب الحقيقي لكل اللي صار وهو انك قرأت موضوعها عنك هنا وترتب عليه كل اللي صار من ضرب..... وبعد.... وخطبه.... وطلاق.... لازم تعرف السبب عشان تعذرك وتفهم احساسك لازم تعرف انها كانت امنيتك من سنين لااااازم تقراء كلامك هنا عشان تفهمك صدقني هذا الحل الوحيد لاتضيع الوقت بمعناه ممكن تنتهي بساعه اذا فهمت السبب الحقيقي وفهمت ايش في قلبك ارسلها رساله انا قريت موضوعك وادخلي المنتدى اقراءي كلامي .....والله يختارلكم الخيره ويكفيكم اعيون خلقه ويرد كيد كل من ارادكم بسوء في نحره. |
اقتباس:
ما تتفقي معي انه المسألة تاخذ شوية وقت ؟؟ روحي قسم المقبلين على الزواج وشوفي كم موضوع نازل تقول فيه الخطيبة انها ما تعودت للان على زوجها مع انه صارلهم 3 شهور أو 4 شهور مملكين .. ومن يوم الشوفة للأخ أحمد للان ما مر 3 شهور ... يعني وضعهم عادي وزاد عليه انه البنت فيها عين .. انا مو فاهمة ليه الأغلب يتغاضى عن هذي النقطة وكأنه العين ما انذكرت بالقرءان ؟؟؟؟؟؟؟؟؟؟؟؟ |
السلام عليكم ورحمة الله وبركاته ..
الله يعين الجميع يارب ماراح اتحامل لا عليك ولا ع زوجتك يمكن هذا خير لكم والكل يعرف ايش يحتاج من الثاني بس فيه عتب بسيط لك اخوي لما قلت انها سوت غداء هي بدت تحاول تشيل الحواجز بينكم بس انت الله يهديك ماحاولت تفهمها تسرعت بحكمك لان الكلمه كانت مأثره فيك اكثر من اول عموما اخذ وقت راحه وراجع امورك طلقه وحده تكفي لا تتسرع اكثر من كذا وباقي عليكم انتم بالبدايه شهرين ماتكفي انا اعرف اثنين ابتعدوا عن بعض من غير انفصال كانت عند اهلها وهو تزوج وحده ثانيه بس ماطلقها لمدة 7 سنوات وسبحان الله ارجعوا لبعض وعايشين والكل متقبل الثاني اكثر من اول ويحاول يسعده ماقدر اقولك اصبر لان مافيه احد يعرف ظروفك بس بقولك تجنب تتصرف وانت في حالة غضب و اتمنى لك اخوي انت وزوجتك السعاده والذريه الصالحه وربي يبعد عنكم الشر |
يارب يفرج همكم ويردك لبعض ردااااا جميلا
|
نسال من المولى عزوجل ان يجمع شملكما عاجلا غير اجلا
ويسخر زوجتك لك ويسخرك لها الحياة الزوجية في السنوات الاولى لا بد ان تمر من مواقف وازمات عصيبة لكن بالصبر والدعاء ان شاء الله سوف تتغلبان على هذه المشاكل كان الله في عونكما اخي الكريم. |
ماقرات كل الردود و المشاركات
بس هي من العنوان عضوه بهلمنتدى يعني معقوله ما شافت الموضوع و احتمال تكون مسجله و بتشارك باسماء ثانيه |
ماتقدر تحل اي مشكله ونت بهذا التسرع ..
انت رجال وبيدك العصمه لزوم تدرس اي قرار قبل التنفيذ موبهذا السرعه بنت راحت عند اهلها تضربها والله حرام وهي ماتعودت ممكن كان فهمتها باالمعروف وليس بضرب كرمال الحب والله انقهرت يوم قلت طلقتها ايش هذا كيف بالله بتعيش حياتك ونت كذا بسرعه تتخذ قرار الله يهديك وترجعو لبعض اول مشاركه اكتبها كنت اتابع الموضوع عن بعد بجد حزنت عليها |
هي صارت صريحه بطولة اللسان هذا من بعد الرقيه ..وانت صرت ماتتحمل برضه من بعد الرقيه
شفت كيف اثار الرقيه..استمروا عليها واعتقد ان بعد الرقيه دايما تنتكس الحاله بس بعدها يتم الشفاء باذن الله اخ احمد رجع زوجتك واصبر عليها تراها مسيره مو مخيره يعني عدم تقبلها لك من الحسد او النفس بعد ماتتشافون باذن الله شف كيف راح تحبك من نفسها.. لاتخلي الشيطان يتغلب عليكم وبما ان الطلاق بيدك رجاء عليك بالصبرثم الصبر واذا حسيت انك معصب او اغضبتك اخرج من البيت... رجعها وكملوا جلسات عند الشيخ...هي استفرغت الحين باقي انت لو استفرغت الله يكرمك اعتقد يتم الشفاء باذن الواحد الاحد..لان النفس فيك انت احتمال كبير |
اقتباس:
بس الحمدلله انها طلقه وحده ويقدر يرجعها..الخوف من ان تنقلب الموازين ويصير هو مايبيها وهي تبيه..لكن ا ان شاء الله مايصير الا الخير |
كل الي ردوا جزاااكم الله كل خير
واعذروني ماقدر أرد على المشاركات واحد واحد الماضي الدفين بالله عليك تتوقعين رجل عاقل بيسمح لزوجته تدخن!! تتوقعين وحده مثل زوجتي بترضى بسيجارة!! هي مومتقبله شئ مني لامزح ولاغيره وتفسر كل شئ على حسب مزاجها نعم أنا أعترف بأني متسرررع وماعاد صرت أتحمل شئ أعترف أني أخطأت بضربها أعترف أني أخطأت بخطبة بنت عمي أعترف أني أخطأت بطلاقها في لحظة غضب يمكن الطلاق هوالحل الأمثل لكن وقتي فيه كان خطأ لاحول ولاقوة إلابالله |
| الساعة الآن 08:27 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©