المشاركة الأصلية كتبت بواسطة يارب نور بصيرتي (المشاركة 3098064)

ياخوي الله يفتح عليك ركز ع اسلوبك قبل لاتلومها
المشكلة هي تبي ترضيك وف نفس الوقت خاطرها تقعد
يعني قالت لك امس ودي اقعد اسبوع وشو له السؤال مرة ثانيه وبصرامة حددي بترجعي اليوم ولا بعد اسبوع ردي علي المسا !!
اسلوبك الي يخليها كل شوي تغير كلامها
يعني لو انت ع قولة تاخذ دايم القرارات عنها وانت عارف حاليا انها ودها تقعد المفروض تقولها خلاص حبيبتي اقعدي اسبوع بعد انبسطي وطلعي الي ف راسك باخذك الاسبوع بس ها تكوني جاهزة لاني بجي ع طول

اما انك تتذمر وتتحلطم وتوترها كل شوي متى راجعه يلا حددي عندك لين بعد ساعه عندك لين بكرا وش هذا التوتر غلط طريقتك وقريت موضوعك السابق وقت عزا والدها نفس الطريقة
يعني هي شخصيتها قوية وعارفه وش تبي لكن تبي ترضيك وهذا الي يخليها مترددة
غير اسلوبك وشوف كيف بتصير معاك

المشاركة الأصلية كتبت بواسطة الدانه26 (المشاركة 3098068)

التردد هذا لا يدل على انها شخصيه لا تتخذ القرار ومتردده
بل هذا اسلوب ويعتمد على اسلوبك انت

زوجتك تحبك كثيرا والدليل انها ضحت بجلوسها لدئ اهلها في سبيل ان لا يستضيق صدرك منها او تغضب منها وهذا ما استنتجته هي من اسلوبك لا اكثر ولا اقل

المشاركة الأصلية كتبت بواسطة جوووودي 1234 (المشاركة 3098075)

طيب كويس ريحوووك من المشوار
حلو لو تعملها مفاجأة فالبيت وتشتريلها هديه
أتذكر مره زوجي جاء من سفر عملت مفاجأة و
شغلت شموع من أول الدرج إلى الدور الثاني
طبعاً درجي مستقل
ومره زوجي عملي مفاجأة فالبيت
جابلي هدية وكتبلي عبارات ووزعها على كل الغرف
أو إذا عندك حاجه فالبيت تبغالها صيانه
لمبات خربانه او سباكه سويها
تجي وهي مبسوطة إنك عملتها

المشاركة الأصلية كتبت بواسطة غبينة الفرقآ (المشاركة 3097447)

مع كلام سقيا بجد غلط كذا خليت حياتكم كالكتاب يتصفحه الجميع بلا سبب مبرر ... احترامي وهذي وجهه نظري اتمنى محد يزعل

المشاركة الأصلية كتبت بواسطة fofo1435 (المشاركة 3097451)

موضوع جمييل

انا اتمنى اعرف ان زوجي يفقدنا والا لا
لانه مافيه امل يعبر ابداا
وفوق كذا انا مااقدر احس لاني زوجه ثانيه
فااذا غبت فيه زوجة تطبخ وتغسل واخذ مثل دوري
فما في أمل احس بهذا الاحساس :(
بس انه لما اكون عند اهلي لازم يتصل باليوم مرتين
ويطول بالمكالمه
والحمدلله طبيعة حياتنا منسجمين .

عاد صاحب الموضوع بما انك رجل او اي رجل معدد يقرا
افتني في ردي كيف اعرف انه يفقدنا بحكم هالوضع التعدد :(

المشاركة الأصلية كتبت بواسطة سهر الشام90 (المشاركة 3097509)

القضفضة نصف العلاج
خاصة هون ما حدا بيعرف حدا

المشاركة الأصلية كتبت بواسطة Great Legend (المشاركة 3097557)

صباح الخير للجميع
امجد بسميك امجد اقصر من صاحب الموضوع
خلاص العزيمة تم انا جاد مافي مشكلة ولا قلت شي يفشل بس خايف تكون تعرفني من اول وتكون الفضيحة ياخرااابيي

الان اصبحت وصليت الفجر طبعا مشتهي كافي بس من يصلحه لي !!
بروح اتقضى وامر على الوالد والوالدة ثم ابرجع للبيت عندي اعمال ع النت،
بالنسبة للطبخ اقدر اقول على نفسي اني طبااخ ماهر شوي اصلا انا اطبخ عن زوجتي كثير احيان بس المواعين ما ادانيها، احب الاكل المفيد الخرابيط والحلا ما اطيقها
الحين مدري وش افطر
اللهم اصلح لي زوجتي واطفالي ولكل من دعى لي

المشاركة الأصلية كتبت بواسطة يارب نور بصيرتي (المشاركة 3097599)

موضوعك لطيف
واستفدت منه لاني كنت اعتقد بس زوجي الي يسوي كذا
خصوصا حركة النوم في الصالة اذا انا نمت عند اهلي
مرة قعدت اسبوع عند اهلي
ورتبت ونظفت البيت عشان اجبره ينظفه
رجعت لقيت ليله نهاره ف الصاله مادخل غرفة النوم ابد وحتى بعض الاشياء تركتها لقيتها نفس ماهي ماحرك شي
ولا طبخ ولا اكل ولاشي
مدري كيف كان ممشي حياته
مرة بعد فتره اثناء نقاشنا جبنا طاري النوم وغرفة النوم قلتله اصلا انت ماتحب البيت هذا ولا تحب غرفتنا ومدري ليش اثثتهم لاني يوم كنت عند اهلي مانمت فيها ولارتبت البيت ولاسويت اكل
ايش عايش عشان بس انا عايشه فيه اذا انت ماتحب البيت انا بعد ما بحبه هههه وسويت مشكله وهو انصدم
يحاول يبرر ويقول عشان ماتلاقيه وصخ ماكنت اسوي شي
بس انا فعلا ضايقني والى الحين الوضع مستمر اذا مو موجوددة ف البيت ينام ف الصالة حتى لو مثلا طلعت وتاخرت جيت بعده الاقيه في الصالة ولازم يكون نايم اتوقع هالبيت يعتبره فندق نوم فقط
ابيه يحب البيت يستمتع فيه بس شكل احنا البنات بس يمتعنا جو البيت وترتيبه وتنسيقه