رد: طليقتي والشقه للمره الثانيه مستجدات رد 93
 

مثل ماقلت لك لاتجامل ابدا إذا عمر 21 تشعر أنها مو مناسبة لك لا تتقدم

انا قبلوا فيني كثير وانا كنت أرفض ورفضت كثير لأن شروطي ماتناسبهم

فيه من تشرط انها ماتبي عيالي عندي هذي x مباشرة
فيه من تشرط انها مالها علاقة بعيالي هذي ماارتاح لها
بالنهاية انا حطيت ببالي هدف وللأمانة الصراحة بين كل الأطراف كانت المفتاح لزواج ناجح

انا كنت صريح وواضح وأهلها وهي كانوا صريحين واضحين
وهالزواج ربي ساق لي هالنصيب بدون مااسعى له

مفتاحك هو كثرة الدعاء

ولا تحط ببالك تحملتك تزوج بنت 25 انا بدور مثله لا
انا شفت أصغر بعمر 22 يقولون راضين بكل شروطك بس ماارتحت
ولقيت بكر 28 وبرضو ماارتحت
وفيه الي ماارتاحوا لي
احسن الاختيار وأهم شي لاتوصل إلى مرحلة اليأس وتقبل بأي وحدة لأنك أما بتظلمها أو بتظلمك أو تظلمون بعض بهالزواج

رد: طليقتي والشقه للمره الثانيه مستجدات رد 93
 

ياسلام عليك اخوي تحملتك
كلامك جاوب على كثير من الاسئله اللي تدور براسي
كلامك مفهوم وواضح ومباشر
الف شكر لك والله يبارك لك بعمرك وبعيالك وبزوجتك ويسعدك ويوفقك

رد: طليقتي والشقه للمره الثانيه مستجدات رد 93
 

اخوي الوحيد طمنا ع الصغار وينهم الحين ؟؟ عندك ولا فين . ومين يرعاهم ..

رد: طليقتي والشقه للمره الثانيه مستجدات رد 93
 

العيال عندي حاليا والحمدلله كل شي تمام
قدمت على عملي تثبيت الشفت الصباح بسبب ظروفي حتى وضعي ينحل
ووافقوا الاداره والحمدلله الحين اداوم الصباح معهم وهم في المدارس وارجع معهم
حتى اتزوج او اجيب مربيه

رد: طليقتي والشقه للمره الثانيه مستجدات رد 93
 

بما انك بااخر الثلاثين
اتوقع المناسبه من 29 وفيها
ترا فرق العمر بالوقت هذا الافضل مايزيد عن 5 سنوات

وش لك بالصغيره جايه تبي الحياة ومب متحمله اطفال
بالزمان هذا ام 21 لسى طفله

رد: طليقتي والشقه للمره الثانيه مستجدات رد 93
 

الله يسامحك ابكيتني اقسم بالله بكيت من قلبي الله يسامحك واسأل الله أن يغفر لأمك وأباك والرجال مو عيب يبكي ولاعيب يعبر عن مشاعره ولاعيب أن يمر بحالات ضعف لأنه بشر بشر بشر ليس ملك ولا مخلوق خرافي لا قوي إلا الله.. الرسل عليهم السلام بكوا فكيف برجلٍ عادي؟؟ البكاء شعور يكون في احيان كثيرة جميل لأنه يريحنا ويخفف الكثير من الحمل على كواهلنا...
ابك اخي نعم ابك ولا تكترث لكلامهم ..ابك واغسل قلبك من الوجع ومن الألم ومن الآه ..ابك حتى لاتجد دمعاً إن استطعت..ابك حد النشيج فما بعد البكاء شعور بالإرتياح جميل..

اسأل الله يالوحيد أن يرزقك ببنت الحلال اللي تبدّل حزنك فرح ... الله يعطيك حتى يرضيك..

رد: طليقتي والشقه للمره الثانيه مستجدات رد 93
 

الاخ الكريم انا حالياً امر بنفس ظروفك تقريبا مشابه لها ...!
سؤالي ماهي القرارات الي اتخذتها بمواصفات الزوجه الجديده وهل اولادك عندك وهل امهم تزوجت ام لا ياليت تفيدنا حتى نستفيد ، انا حالياً عيالي عندي وامهم مريضه وسافرت مع ابوها لمرضه كذلك ،! وبينا مشاكل كثيره والله المستعان ...!

رد: طليقتي والشقه للمره الثانيه مستجدات رد 93
 

اخ متواضع موضوعي وظروفي قريبة منك بشكل او باخر ودرست بشكل كبير اهم النقاط المطلوبة للزوجة الثانية

أنصحك ونصح الاخ وحيد بالتالي
1- فرق العمر يكون من 7 إلى 10 سنوات
2- العائلة يكون فيها قليل من المطلقات
3- العائلة تكون متعلمة اكاديميا بشكل عام
4- طبعاً الدين هو أهم هدف وهو اول نقطة بالاعتبار
5- العائلة تكون فيها نسبة الامراض الوراثية والجينية قليلة
6- الام والاب ان لا يكونا منفصلين والاب هو يكون المبادر وصاحب الكلمة بالبيت وان يكون الاب والام حاضرا وليس اغلب الوقت مسافرا وغريبا عن بيتهم وابناءهم سواء للعمل او الترفيه او ما شابه
7- تشابه العادات الاجتماعية والثقافية
8- تشابه الاهتمامات والهوايات والطباع بينك وبين المرشحه
9- تأكد ان المرشحه او العائلة فيها طباع نفسية طبيعية وليس فيها امراض نفسيه او شخصيات سلوكية غير مرغوبة، لأن 99% من الجينات و الصفات النفسية تورث، فإذا كان الام او الاب عصبي او شرير فالبنت قد تكون عصبية او شريرة وتتعبك وتتعب اولادك

رد: طليقتي والشقه للمره الثانيه مستجدات رد 93
 

اهلا وسهلا اخي المتواضع والله انا مطلق وعيالي عندي والحمدلله

الشروط التي وضعتها كانت كالتالي :

1- ان تقبل بأطفالي لا اطلب ان تربيهم لكن ان تتقي الله فيهم وتعاملهم معاملة حسنة
2- لا اريد صفات العناد والنديه وطول اللسان اريدها لينه هينه هذا الشرط يتضح بالصراحة مع والدها واخوانها اعطيهم عيوبك واطلب تعرف وش عيوبها ؟ ( عصبية - تضخم الأمور - وهكذا من صفات ممكن ماتكون مرغوبه عندك ولا تبحث عن الكمال فلن تجده لكن حدد اسوء الصفات التي مستحيل ان تتعايش معها وابتعد عنها اما ما يمكن تحمله فمشي امورك
3- الارتياح لها والشعور بالانجذاب وهذا الشرط يتضح بالنظرة الشرعية إن لم تشعر بشيئ فلا تتسرع واستخر 1و 2 و 3 و 100 ثم قرر
4- تتقي وتخاف الله هذا شي مهم من تخاف الله بتخاف الله في عيالك وبيتك وعرضك
5- ان لايكون عندها اكثر من طفل واحد ويكون بعمر قريب من عمر اولادي ويكون ولد للإنسجام مع اولادي لأن البنت صعبه في وضعي انا لان كلها سنوات ويكبرون فيكون صعب علينا هالوضع وايضا فكرت اني كما اريد زوجة تراعي الله في اولادي براعي الله في ولدها واعتبره ولدي
6- كان شرطي تكون كبيرة وفاهمه لكن سبحان الله جا النصيب ببنت صغيرة
7- لا امانع العمل لكن بحدود وضوابط واهم شي ان لا يأثر على البيت وكلمتهم وقلت لهم شروطي بالعمل حتى بعقد النكاح كتب الشيخ لامانع من العمل بدون ضرر
العمر لا يهم مطلقه ارمله بكر لايهم عندها ولد او ماعندها مايهم

المهم تكون بنت حلال وتراعيني وتراعي عيالي وتهتم فينا

ملاحظة مهمه : لاتنسى ابداً انها تراعي الله في اولادك ولكنهم ليسوا اولادها خصوصا اذا كانت لم يسبق لها الانجاب ومن نظرة سريعه في حياتي ولله الحمد

زوجتي تراعي الله في اولادي وتلعب معاهم وتدللهم وتضحك معهم وتاخذهم لاهلها وتنتبه لهم هناك الى ان تعود لكنها احياننا تريد الذهاب لوحدها فلن افرض الاولاد عليها ابدا وممكن اكنسل مشاويري علشان اجلس مع اولادي فهم مسؤوليتي وهي ان اضافتها كمسؤولية كثر الله خيرها اذا لا ماعليها غلط

الصباح ايقاظهم للمدارس ليست متمرسه على هذا النمط والحياة فتقصر وهذا امر طبيعي لاتتضايق وتقول انها كسوله او مهمله لا هذا طبيعي جداً انا استشعرت عدم الحرص لعدم التعود فهذا الشي جديد عليها فأساعدها روحي سوي فطور وانا بلبسهم او انا تولى واحد وانتي واحد وهكذا لك ان تتخيل بنت كانت تصحى بنفسها وتفطر وتروح للجامعه فجاه صارت لازم تصحي ولدين تقوم واحد ينام الاول ترجع للاول الثاني تحت السرير تطلعه من تحت السرير الاول متغطي بالبطانيه jh jh فصدقني ماتقدر عليهم وتحتاجني معها

الاولاد اعديتهم نفسياً لاستقبال زوجتي وتهيئوا فلما جات ماكان فيه اي مشاكل والحمدلله

اذا الزوجة لم يسبق لها الانجاب وخصوصا اول شهور الزواج بتتضايق انها ماتلبس لك ولو لبست لك ممكن تقولها انت غيري لايجي احد من العيال ggg وبتتضايق هي yyy وتقول مايبيني بس ماعليه تحمل وراضيها لاراحوا العيال عند امهم

ام العيال ماتزوجت ودايم مشاكل يروحون العيال وش حلوهم يرجعون يصارخون عليها مالك دخل انتي لاتتدخلين ومن هالكلام اللي يرفع الضغط انا اهجدهم على طول بقوة فكانوا يحترقون زياده فعرفت انهم مدرسين هناك تدريس صرت ارجع للبيت بهدوء وقبل ندخل للبيت اكلمهم وبهدوء

برضوا بعد الكلمات الجارحة للزوجه مثل مانبيك انتي مو امنا بابا بيطلقك ويرجع ماما tgb53f هنا انا مسكت العيال وقلت بابا خلاص ماما مابترجع تبون زوجتي خليتها ما تبونها وديتها لاهلها وماراح اجيب لكم وحده تقعد معاكم وتلعبكم وتهتم فيكم وفعلا راحت لاهلها 3 ايام انهبلوا قالوا رجعها قلت لا بجيب لكم وحده جديده ويرفضون الا يبونها

طبعا هالكلام الجارح انت مايأثر فيك كثير بس للزوجة سكاكين فحاول تهدأ معاها واذا تغيرت شوي على العيال لاتتضايق اهم شي ماتأذيهم

والحمدلله بنت حلال ترضى منها بأشياء وتتضايق من اشياء لكن تظل الشروط الاساسية محفوظة ولا تنكث

واهم شي انا وصلت لمرحلة قلت خلاص اخطبوا لي اي وحده اهم شي زينه مع العيال والحمدلله ان الوالده ماسمعت كلامي ولا كان ظلمت بنات الناس وظلمت نفسي وعيالي

لاتتزوج الا وانت مقتنع ومتأكد مليون بالميه انها هذه هي الانسانه اللي تبيها ومرتاح لها واذا ممكن وقت التعارف وازيارات الاهل ياخذون عيالك انا راحوا عيالي وشافوها ولعبوا معاهم والوالده كانت تراقب واختي تسجل وتحلل الحركات

وهم شرطوا :
1- عصبي مانحبه
2- تتزوج بنتنا علشان ترعى عيالك وانت تطلع وتتركهم وتبغى بس اي احد يشيل عنك هالمسؤولية لا عيالك لهم صدر البيت لكن ماتتركهم وتصير كل وقتك بعيد عنهم
3- بترجع ام عيالك رجعها من الآن وكل تجهيزات الزواج روح بها عند ام عيالك ورجعها افضل

رد: طليقتي والشقه للمره الثانيه مستجدات رد 93
 

اخر نصيحه هج من البيت اللي ام الزوجة هي الآمره والناهيه فيه