![]() |
|
وانا كمان عندي احساس انه عند علامة الجودة ولد
نورة حاسه انه اليوم مالي بال على الشغل جايه غصب والله ،، بس لاني مارح ادوام الخميس عندي موعد الي وللانسه بنتي غلبتني بمواعيد سنانها ، نورة انتي بتشتغلي بخاص ولا حكومي |
صباح الخير يا صبايا
كيفكم ان شالله تمام طمنوني عنكم انا متخيلة انو علامة الجودة رح تجيب امورة والله يعطييها اللي ببالها يا رب |
ام عبدالله كيفك وكيف فارس مغلبك ولا مريحك
|
هلا كرستال
الحمد لله انا اموري تمام بس والله هالحمل تعب اكتر من الحمل الاول حتى بطني كتير اكبر يعني ابو حلا بيقولي انو هلأ شكلي متل شكلي وانا حامل بالتاسع بالحمل الاول تخيلي وكمان شغل برا وجوا وحلا... الله اللي بيعين انتي كمان الله يعينك انا مش متخيلة يصير عندي 3 اطفال |
ام عبدالله << انا نفسك بحملي هلا كتير انتفخت عن حملي بولادي زياده حتى انه ماكان عندي تشققات الا خفيفه جدا
اما الحين كتروا مع اني بستعمل كريم غير اني طول اليوم حاسه بارهاق مع انه عندي شغاله مابعرف لو ماكانت موجوده شو كنت رح اعمل الله يستر بس انسفرها لانه قررنا نطلب غيرها تخيلي شو حعاني لحد مااعلمها بس بدنا نجيبها بعد الولاده بشهر حتى اكون لسه باجازة واعلمها مبارح تخيلي بدي اقوم من على الكرسي اجاني شد عضلي ببطني من كتر ماكان قوي ماقدرت اتنفس ولحد الحين بطني بوجعني اتصلت بالدكتورة قالتلي عن اقراص كالسيوم فوارة حتى استعملها ... |
الله يعينك كرستال
انا كمان قبل كم يوم جاني شد بظهري تخيلي حتى البنت ما كنت قادرة حملها كنت اتعكز متل الختيارة بس الحمد لله... شوية راحة ونوم وراح انتي دخلتي التامن .... يعني قربتي الله يعينا |
سلامتك كريستال ما تشوفي شر...
انا اشتغل بشركة خاصة.. شركة متخخصة بالكمبيوتر.. انت بتشتغلي بهيئة حكومية صح؟ |
ام عبدالله انا مستغربه من الشريط اذا انا بالاسبوع 31 ودخلت التامن يعني الاسبوع 31،32،33،34 هما اسابيع الشهر الثامن
و الاسبوع 35،36،37،38 هما اسابيع الشهر التاسع يعني لما اكمل الاسبوع ال38 بكون خلصت التاسع طيب ليه بقولوا انه الحمل40 اسبوع انا على فكره مابحسبها هيك انا بحسبها انه كل 24 الشهر بدخل بشهر |
انا كمان بحسبها متلك
بالاشهر مش بالاسابيع يعني انا كل 13 الشهر بدخل بشهر اما بالنسبة للاسابيع فاعتقد انو بيعطو للحامل اسبوعين زيادة... يعني لما انتي تتعدي ال 40 اسبوع بيولدوكي اجباري حتى لو ما كان عندك حالة ولادة بس لما يجي موعدك بالاشهر... يعني انا مثلا 13/5/2008 بيستنو علي لما اكمل ال 40 اسبوع ما عندي غير هالتفسير |
اهلين بنااات كيفكم؟؟
بس ودي اسئلكم متى تسمعون نبض الجنين لان من جد خااااااايفه |
الساعة الآن 11:18 PM. |
|
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©