رد: ايش تعملو عشان تفتحو شهيتكم للأكل
 

اول مرة اسمع المعلومة ذي الحليب يعزز الشعور بالشبع !
عاد انا أقدس الحلييييب بكل انواعه
الصافي المبستر المبخر حليب الغنم كله اي نوع تلاقيني له طريقة عندي
ادري ان غذائي غير صحي و هذي مشكلة مأرة على صحتي
بس ايش اسوي نفسي واقفة و اتمنى احب الاكل
والله ماخليت شي سمعت عنه ما سويته

رد: ايش تعملو عشان تفتحو شهيتكم للأكل
 

ما ابغى اسمن ياشيخه بطلت من الفكرة ذي
ابغى اكل 😣

الحلبه استمريت عليها فوق خمس شهور كبايتين يوميا
و مع حليب كمان ما شفت أي أثر لها بس انقرفت منها و من ريحتها
دحين اسمع سيرتها يجيني مغص منها هههههههه
صفي جنبي لين يجي الفرج :d

رد: ايش تعملو عشان تفتحو شهيتكم للأكل
 

ههههههههههه
فاقد الشي يتريق عليه :d
قولي الحمدلله انتي ف نعمة كبيرة يا داني

رد: ايش تعملو عشان تفتحو شهيتكم للأكل
 

اذكر من خمس سنين او اكثر كنت في منتدى نسائي
و سوينا تجمع عشان نساعد بعض نشرب حلبه
كل وحدة تشرب كوبايتها تجي تكتب مشاركة :)
اجرمت في معدتي ايامها
ولا نابني غير ريحتها و حمرة الخدين
بس الوزن مافي أممممممممل 💔

رد: ايش تعملو عشان تفتحو شهيتكم للأكل
 

ماشالله تبارك الله الصلاه على النبي الله يحرسك من عيني ياشيخه
شوفي يا قمر انا الشيبسات و البسكوتات اجيبها عشان اقعد اتسلى عليها بين الوجبات
و الحاصل اني لا اكلها ولا اكل وجبة
كنت في زمان مضى اكل حبوب مكملات غذائية
و فواتح شهية موسيقوور و توابعها
خرابيط كثير اقولك مابقيت شي اسمع عنه ما اغامر فيه
حتى اذكر حبوب جابتها صحبتي من لبنان ناسية اسمها والله قالتلي تتخن الاماكن اللي فيها عظم
و بلععععع

ومحد هنا

يعني ما انكر يزيد وزني بالكثير اثنين ثلاثة
والله مو على قد التعب اللي تعبته وانا اكل
ضحكتيني لما قلتي شوكلاته هذا الشي انا ما اكلها الا فين و فين
مو اي شي يعجبني فالاكل هذا اللي تعبني
حتى الشاهي اللي اشربه سكر قليل حتى قريب اللي احليه
سابقا كنت اشربه بدون سكر
يقولولي انتي كويس لين دحين عايشه ههههههههههه

تجي فترات اكون افضل من كدا
بس الان الفترة دي تعتبر إسوء شي jyf

رد: ايش تعملو عشان تفتحو شهيتكم للأكل
 

بس انتي والوالدة بالبيت ؟
طيب كيف وزن الوالدة ؟ مو ملاحظة قاعد ينزل ولو شي بسيط ؟
شو رايك تشاركي الوالدة علي الاقل لو وجبة باليوم ...
عشانها :)

رد: ايش تعملو عشان تفتحو شهيتكم للأكل
 

انا ماانصح انك تاخذي فاتح شهيه

عشان لاتنفرط عندك السبحة وتصيري سمينة

القصة وما فيها موضوع نفسي بحت

انتي تحبي اللمة والجمعه عشان تاكلي

وغير كذا حركتك قليلة وبالتالي ماتصرفي طاقه وماتجوعي

رد: ايش تعملو عشان تفتحو شهيتكم للأكل
 

ايوة حبيبتي هذا قصدي..

أتوقع الأكل عندي مقترن بالمشاركة مع الناس..

قبل لا اتزوج كنت دايما مع امي واخواتي كل وجباتنا، فعمري ما كنت اعاني من ضعف في الشهية بالرغم من طبيعة جسمي النحيفة..

بعد زواجي نحفت نحفت مرررة

كمان اذا كنتي زيي من النوع اللي يخطط كثير ويتوتر ويشيل هم كل أحد ويبغى كل شي بيرفكت فهذا سبب برضو nhg

لا تنسي النفسية قد ايش لها دور :jj

والله اول ما اتضايق معدتي تفقل والحمدلله اغلب وقتي مضايقة هههههههههه أمزح

رد: ايش تعملو عشان تفتحو شهيتكم للأكل
 

<<< نفس المعاناة

رح اتابعك عشان اشوف لي حل كمان ههههههه

انا وقت الغدا او العشا اجلس العب بالملعقه احاول اكل بس ماقدر مافي شي تنفتح شهيتي اغلب وقتي فواكه او شوكلاته وسمعت ان الكورن فلكس يسمن صرت افطر عليه بس مافي فايده وانا حامل ووزني بنزوول وخايفه عالجنين اما الحلبه مستحيل أدخلها بيتي والحليب كمان ماشربو ماحبوو بس لي يومين اشربو مع العسل لان وحده قالت لي انو يسمن

يلا خلينا نشوف الحلول من البنات اللي هنا

ايه صح سمعت كمان التمر يسمن بس استغغر الله ماستسيغه 😔

رد: ايش تعملو عشان تفتحو شهيتكم للأكل
 

انا و امي و اخويا بس ابويا طبعا دايما مو عندنا مشغول
اخويا بحكم عمله ما يرتبط معانا فالوجبات
بقولك شي يصدمك امي و اهلي كلهم من ذوات الوزن السمين
انا مدري طالعه على مين جاية مسواك بينهم
حاولت والله بس ما يطلع معي امي اساسا ماعاد تكلمني على الاكل نهائي
انا مرات يجيلي مزاج اطبخ و اتحمس اسوي فطاير و اشياء
و خلال الطبخ اذوق طبعا ملعقة ملعقتين و لما انتهي من تحضيرها خلاص قيدني شبعت
اغرف لهم و خلاص ارفع نفسي عن السفرة

مشكلة فيا مااحب الاكل ولا اتحمس له
اخر مرة لما رحت عند صديقتي سوتلي رز ايراني
لو تشوفيني كيف هجمت عليه اللي يشوفني يقول بيتنا مافيه أكل