|
ما شاء الله،، موضوع شامل و حلو مثل كاتبته :) حمدلله على سلامتك و سلامة الأميره،، إلا يا نورا ايش سميتيها؟؟ الله يحفظلك عيالك وزوجك إن شاء الله في نقطه يا نورا ذكرتيها و هي إستخدام اعواد الاذن القطنية للمولود تعتبر من الأخطاء إللي نسويها كأمهات بدون علم،، قريت عدة مواضيع بهذا الخصوص و الأطباء يحذروا من إستخدامه للأطفال و خاصة المواليد الجدد و ألسبب أن الأذن حساسه جداً لأي شي و أذن المولود أشد حساسيه، و هناك أطفال اصابوا بالصم جراء تحرك الطفل بقوه خلال تنظيف الأم لإذن الطفل و هناك حالات تعرضوا لإلتهابات الأذن بسب بقايا من القطن في الأذن لفتره طويله فلذلك ينصح الأطباء بعدم إستخدام أعواد الأذن أبداً و الإكتفاء بمسح الأذن خارجياً بمنديل رطب أو قماش مبلول |
نورة ..
سؤالي مثل سؤال لوفي :) إيش سميتي العروسة ؟ ^_^ و موضوعك مرة فادني كثيييييييييييير ،، بس محتارة في شئ ؟ أنا بأسافر بعد الولادة إن شاء الله بـ 5 أشهر ، عندك نصايح لي تفيدني ؟؟؟ أمي تقول لا أشتري فنايل للنونو ، لإنه أختي ولدت من 3 أشهر و ملابس ولدهاا صغرت فتقول لي ألبس ولدي من ملابس ولد أختي ، لإنهم أول شهرين يكبروا بسرعة و الملابس بسرعة تصغر .. بس ولدي الأول يوم جبت ما فرحت بشراء أي شئ له ، لإني سافرت على طول بعد الولادة و متشوقة دحين أنزل السوق و اشتري للنونو الجديد و أمي تقول ماله داعي و بتصغر عليه بسرعة .. |
اقتباس:
ياهللا بمشرفتنا الغالية ... العفو حبيبتي .. وياااارب يااارب يرزقك الذرية الصالحة و تشتري كل اللي نفسك فيه و دليليه احلى دلال بالنسبة للسدر.. بسيط جدا فقط اعجنيه بماء دافء لغاية مايصير زي الحناء ...و تستخدميه على شعر النونو و جسمه ممكن انتي برضو تستخدميه بدل الصابون للجسم ينظف و ينعم نوورتي ياعسل و رمضان كريم |
اقتباس:
صح كلامك .. نسيت اذكر هذه النقطة ... كمان تنظيف الاذن وازالة الطبقة الشمعية تسهل دخول الاوساخ و بالتالي حدوث الالثهابات.. بس الاعواد لابد منها مع تجيز البيبي مادري ليه تحسي انه لازم تكون معه:d وتستخدميها انتي... :d مشكوورة عالتذكير ياعسل و مضاان كريم |
نورة يا دبية ..
أخذتي اسم بنتي ( سما ) .. تدري إني كنت بأسميها لبنتي إذا جبتها إن شاء الله ؟؟؟ من جد تفاجأت إنك سميتيها بنفس الإسم اللي كان ببالي :D بس أنا بيجيني ولد إن شاء الله و لحد دحين ماني عارفة إيش أسميه ؟؟؟ بأدخل كل شوي لموضوع همس و أقرى الأسامي ، يمكن ألاقي شئ حلو ^_^ بوسي لي بنوتتك ^_^ |
اقتباس:
اقتباس:
وياستي اذا على الشوق.. اطلعي اشتري بس اشتري لعمر 4 اشهر و مافوق لا تشتري مقاسات صغيرة وزي ماذكرت فيالموضوع راعي موضوع المواسم و الفصول .. ولاتستعجلي على رزقك .. لاحقة عالشراء :d عاد فوتي موسم التخفيضات عندنا .. تصدقي بدلات الاطفال نزلت لل 3 باوند في دبينهامز و مذركير و لبس الكبار نزل بشكل كبيييييييييير خاصة H^M و newlook و republic اشياء رووعة نزلت لل 5 باوند ربي يرزقك ساعة ولادة سهله ياعسل و يجيبك بالسلامة |
روح الطير
خخخ القلوب عند بعضها الي سبق اكل النبق عادي مايخالف لما تجي البنوتة سميها سما عااادي و اعطيني حق السموة :) |
موضوعك روعة يا نورا العسل
بجد استفدت منه كثير متشوقة كثير أفتح ملابس النونو وأغسلهم وأجهزهم ها المرة ما أخذت شي لأني محتفظة بالملابس اللي شريتهم للنونو السابق وزوجي ملزم علي ما أفتحهم إلا قبل موعدي بشوي باقي التجهيزات بكملها بعد الولادة إن شاء الله ما أبي أستعجل تشكري يا حلوة ورمضان كريم |
يااهلا بابتسامة .. كيفيك حبيبتي و كيف النونو ؟؟
ربي يقومك بالسلامة ياارب العالمين و يسهل عليك الولادة وتفرحي بشووفته صحيح و معافى بحضنك .. ان شاء الله اول ما تدخلي التاسع خلاص ابداي جهزي نورتي ياقمر |
الله يعطيكِ العافية ياغالية ويرزقك من خير الدنيـا والآخرة
إستفدت كثيييييير يانورة الله يجزاك خير الجزاء ويحفظ بنتك يارب العالمين لا تنسوني من دعاءكـم وأكون حامل عما قريب ياربي :$ بحفظ هالموضوع عندي من باب التفاؤل وربي ماينسى أحد |
| الساعة الآن 08:09 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©