*الحلوة*
و الله ردك مشجع جداً اني احاول الولادة الطبيعية لكن ردود الاخوات بعدك رجعوني لرأيي و الله ما بعرف احترت كتير بالنهاية الله ييسر الخير يمكن يجي الطلق و يكون قوي و انحط بالأمر الواقع و اولد طبيعي و مشان المشي انا مشيت كتييييييير لما كنت حامل بحمل الأول كنت كل يوم من بداية التاسع اطلع و امشي و اللي بجنني انه بشوف نساء كسالى متل زوجة عمي ما تحركت من بداية حملها اخواتها بخدموها و هي بالسرير اجاها الطلق بموعده ما شاء الله لا قوة إلا بالله و ولدت بعد 4 ساعات ولادة طبيعية انا بقيت للشهر العاشر اسبوع متاخرة عن ولادتي و لما اجاني الطلق كان من بدايته حامي و خرجت الماء و باقي القصة بتعرفيها الحمد لله على كل حال الله يختار الخير يا رب |
شربات
شكلك متلي مو عارفة شو تعملي الله ييسرلك الخير يا رب |
اقتباس:
هذا تماماً الشي اللي مرددني و مخليني اميل للقيصرية فوق الطلق و آلامه يوجد شق و خياطة لا و في منطقة مو من السهل أبداً انك تعتني بنظافتها و تعقيمها شكرا لردك أختي جزاك الله خيراً |
اقتباس:
يعني الألم ما يجيبني الا لما كان ابني يوقف على مكان الجرح و عدا ذلك جرح القيصرية يخف ألمه كثير بعد 3 اسابيع معناه ما في فرق بصراحة ردك يشجعني ابقى على قراري بالنسية للقيصرية |
اقتباس:
يعني الظاهر انه الطبيعي مو احسن من القيصرية الله ييسر اللي فيه الخير |
اقتباس:
الظاهر طلعتي أشطر مني و حملتي قبلي انا على كل حال كان بدون تخطيط لأني كنت ناوية ادرس و اعدل شهادتي الله يسلمك يا رب و يهون عليكي و علي الولادة |
اقتباس:
معظم الردود خلتني افضل القيصرية الله ييسر اللي فيه الخير أحسن شي شكرا لردك و الله ييسرلك يا رب |
اختي بكير تقرري انتظري
وشوفي بالاول وضع الجنين ما تعرفي حمل عن الثاني يختلف و كل بطن تختلف عن الثانيه اتوكلي على الله ولا تعاندي زوجك من البدايه و تنكدو على حالكم كل مرحله بمرحلتها |
اهلين ماريا ... كيف حالك
العام كان لنا تجمع انا وانت وام خديجة لكني انا اشطر منكم وانا الان على وشك ولادة - فات على موعد ولادتي ثلاث ايام - ادعيلي ربي يهون علي ويرزقني ساعه ميسره بالنسبة للطبيعي والقيصري انا ماجربت القيصري لكن زوجة اخوي والدة قيصري قبل كم شهر ومن جد تعذبت بعد العملية وهي سبق وجابت طبيعي اربع مرات وتقول اولد عشر مرات طبيعي ولاوحده قيصري وجميع الي اعرفهم ومجربين الحالتين يفضلون الطبيعي واهم شي الي يناسبك انتي وترتاحين منه نسيت ابارك لك على الحمل .. الف مبروووك والله يتمم لك على خير . |
أختي عندي سؤال :
هل ممكن الوحدة تقرر نوع الولادة مسبقا ؟؟ والا هذا الأمر ممكن فقط في المستشفيات الخاصة ؟ التأمين الصحي في الغرب لا اعتقد انه يتيح الاختيار .. صح ؟؟ بصراحة انا قالقني هالموضوع مع انو كتير بدري عليه لانو الدولة اللي حكون فيها ان شاء الله المستشفيات الخاصة اسعارها نااااااااااااااار وانا بدي عملية لسبب صحي عندي بس خايفة ما يقتنع فيه الدكتور اللي بالمشفى الحكومي !! ويجبرني اولد طبيعي لا سمح الله بس حبيت أعرف ازا انتو بيخيروكم يعني وقت الولادة ؟؟ وبالنسبة لسؤالك والله ما بقدر افيدك لاني لسا ما مريت بالتجربة .. سواء طبيعي او قيصري المهم الوحدة تولد ويكون البيبي بصحة جيدة بس اكتر حالات بشعر انها مخيفة هم اللي بيطلقوا طبيعي و بيتألموا كتير بعدين بيولدوا قيصري !! قمة الألم و المعاناة الله يكون بعونهم .. |
الساعة الآن 06:00 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©