|
إبدأي الحياة مع أعزب أفضل من رجل متزوج وله 10 سنوااااات
|
اختى كبريائى الله ينور لك دربك ويعينك على ماانتى فيه ولكن انا مع اختى امل الحياه فى كل كلمه ورأيها فى الصميم
|
ابو باسم تقول انه زوجته حاول يصلحها ومافي فائدة وعادي جدا لو اتتزوج اهم شئ يعطيها فلوس وبيت ومايطلقها
عشان الناس .. وماتبغى شئ منه انا استغربت لانها مو كبيرة واكيد عندها احاسيس زيي كل الناس ولازم في يوم يميل لها المسالة الان ابغاهم ينسوا الموضوع قبل لايفتحوه .. حتى لو ما اتزوجني اخوها يبغى بس يسمع اخباري ويعرف اموري واني بخير |
مع الاخت امل الحياة بكل حرف ياكبريائي فكري بعقلك وروحي قفلي الموضوع نهااااااااااااااااااااااااااااااائي مع صحبتك وامنعيه من التقدم او حتى الكلام في الموضوع هدا مع اهلك ومعك انتي كماااااااااااااااااااااااااان ياكبريائي أي شخص يتعلق بفتاه اخرى يطلع كل عيوب الدنيا بزوجته الغلط مو منك من صديقتك الله يهديها بس طمنينا عنك |
طيب قولولي ايش رايكم في هذا الكلام لانه مررررررررة معلق في راسي
(( حتى لو ما اتزوجكي يكفي انه يسمع اخبارك ويعرف انك بخير ويعرف كل شئ تسويه وماراح يضرك ويمنالك كل الخير )) |
اختي كبريائي ..اقرأي عنوان موضوعك وانتي تعرفي الحل :
مستحيل ابني سعادتي على تعاسة غيري اعتقد انك حسمتي الموضوع بهذه العبارة ..صح :d وفيه حاجة ثانية .. هذا الموقف مناسب جدا لمعرفة مدى صدقة ومتانة علاقتك مع صاحبتك هذي ..اذا هي بتقطع علاقتها فيكي بمجرد رفضك لأخوها ترى مع السلامة والقلب داعيلها ..هذي مو صحبة وانا اخوكي. وانصحك انك ماتجيبي سيرة لأهلك علشان مايفهموكي غلط .. وبعدين ياشيخة انتي لسه صغيرة ماشاء الله عليكي(21سنة) ..لسه بدري ياكبريائي.. والله يوفقك يارب |
اقتباس:
ثاني شي مافي شي اسمه يحبني بجنون وما راح يسيبني خلك كبيره بعقلك محد يجبر احد على شي ما يبيه وانتي انسانه واعيه قولي لصاحبتك دامك تقولي انها اختك مو صاحبتك انا رافضيته وحتى لو تقدم رسمي برضه راح ارفضه وما اعتقد يكون ما عنده كرامه ولا يعرض نفسه لموقف سخيف برفضك له وبالنسبه لاهلك اسمحيلي اتحملي تبعات حسن نيتك وتحملي موقفهم شوي اذا شكو فيك ولا قالواانك تعرفينه ولا شي م هال القبيل ولابد تفهمي امك نفس هالكلام الي قلتيه لنا الحين وانك ما تدري عن شي ابدا ولو جات والله على ترك صاخبتك فالخير واهله الباب الي يجيك منك الريح سده واستريح وما اظن فيه عز على نفسك منك يا كبريائي ينقصك شجاعه في هالموقف اولا ثانيا تعلمي تحتاطي في علاقاتك مع صديقاتك ثالثا نصيخ لوجه الله لا تشهدي على زوجه الرجال او على احد بشي ما شافته عينك عشان يا قلبي لا تتحملين ذنبها والي بين صديقتك واخوها وزوجته اكيد مشاكل عابره زي اي مشاكل بين الزوجه واهل زوجها فلا تبني شي على كلام احد لمن تتاكدي منه يا غاليه الموضوع ما يبيله هالحيره كلها ارفضيه وبيني غضبك من صاحبتك واهلك صارحيهم انك ما تعرفي كل الي صار وتفاجئتي مثلهم وان شاء الله بيمر الموضوع على خير اسال الله لكي الهدايه والتوفيق |
اقتباس:
يعني اش بينك وبينه عشان يعرف اخبارك ويعرف كل شي تسويينه..؟؟ كبورة.. نصيحتي.. صديقتك هذي خانت الثقة.. أما أنك توقفينها عند حدها فتندم وتعترف بغلطتها.. أو إنك تتركينها..والله يعوضك بأخت أحسن منها.. لكن إنك تبقين معاها وهي توصل لأخوها أخبارك وكل التفاصيل بحياتك فهذا أكبر غلط.. تخيلي بكرة لما تنخطبين وتتزوجين.. وش راح يكون موقفه..؟؟ |
كبريائي
اسمحي لي صديقتك ماهي صديقة!! مافيه وحدة عاقلة توصف بنت لأخوها ومتزوج بعد والله مافيها خير هذي لأن الرجال لو توصفين لهم أي شي يتخيلونه مباشرة ويتخيلونه بأحلى شكل فشعوره الحين طبيعي انا بحياتي ماوصفت لأخواني أي بنت الا بحال نبغى نخطب له بس! الشي الثاني متزوج من 10 سنوات!!! وانت بأول عمرك والله لو انا بمكانك أصلا ماأخلي مجال للتفكير وبهزأها بعد بقول والله انك ماتستحين لا انت ولاأخوك !! يجيب اخباري يسأل عني بكيفه المهم انا ماشية بطريقي وماغلطت وسعي صدرك بس واجهي الموقف بكل مافيك وعادي |
اقتباس:
يا كبريائي اذا كان اخته بتظل تنقلك كلام بها الشكل وتنقله الموضوع ماراح يوقف عند حد شوفي طريقه امنعي نفسك من صاحبتك مهما كنتي تحبيها واشتري نفسك يا بنت الناس محد راح يفيدك توك صغيره |
| الساعة الآن 05:02 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©