|
والله يااختي حاسة فيج وااااااااايد واعرف ان الخيانة اكثر مايعذب الزوجة بل يذبحها لكن ماباليد حيلة اصبري ان الله مع الصابرين واكثر من الدعاء له لعل الله يحسن حالة ......
زوجك يمر في مرحلة مراهقة متأخرة ويبي ياخذ زمانه وزمان غيره لكن صدقيني انه لازم بيصحى من الحلم اللي امعيش روحه فيه .. انت طولي بالج والمراة صدقيني لازم اتضحي وتصبر إذا كانت تبي تحافظ على بيتها واطفالها... اهتمي فيه وخلج على طبيعتج والله الله في الدلع وإذا زوجك يحب السفر اقترحي عليه انج اتسافيرين معاه لو نهاية الاسبوع بس يعني تشغلينه عن الكمبيوتر ... الموضوع يبي له قوه منج وصدقيني الزوج ماله إلا زوجته مولازم بيصحى من النزوة اللي عايشها حزتها بيندم ويكون لج إنشاءالله .. الله يهدي ازواجنا .... |
اقتباس:
فيه شكوك سيئة...ولكن مجرد سفره لذلك البلد يعذبني...أحس ناااااار في قلبي...أحيانا أسكت....وأحيانا أبكي.... والله مادري شسوي بالظبط...وهو يقول لي انتي تشكين فيي من زمان مو من الحين ...أنا حر أسافر وقت ما ابغى انتين ماتحكميني....وين خوف من الله وغض البصر ...ماااااافي....الله المعين ...أحس حياتي وسعادتي انتهت مع عجوز مراهق....أكيد في حل..تكفووووون ...ساعدوني وانصحوني... |
الله يفرج همك و يصلح زوجك اولا حاولي ان تهتمي بنفسك و اعملي اشياء تسعدك و غيري من مظهرك و كوني اكثر دلع وانسي الماضي وتقربي الى الله بالطاعات والدعاء في جوف اليل و حاولي ان تعوضي زوجك بما يراه خارج البيت من ملابس و حركات وكلمات و كل شيء ياخذ اهتمامه و اعملي الاشياء التي يحبهاولا تحاصريه بلاسئله و الشكوك و دعي الغيره و ابدئي من جديد و نمي هيواتك و كوني زوجه جديده لان الهم والحزن لا يفيد ولا يجيب نتيجه و الرجل لا يحب النكد ويهرب منه .عيشي حياتك و الله يشرح صدرك وييسر لك امرك و يجعل بينكما مودة و رحمه ويبعد عنكم اهل السوء.سامحيني على الاطاله وارجوا ان اكون افدتك.ختك في الله.
|
الحل الصبر ومواصلة النصح
يوجد جزء في عقل الرجل يجعله يتذكرك ويتذكر كلماتك |
الصبر......فالصبر مفتاح الفرج
الدعاء وذكر الله.......الا بذكر الله تظمئن القلوب والله يعينك على ما ابتلاك |
يا اختي كان الله في عونك و صبرك على ما ابتلاكي
لكن هل زوجك ملتزم بدينه و صلاته هل يصوم رمضان رمضان على الابواب وهي فرصه للسفر لبيت الله لتجديد صله الانسان بربه الله يصلح اموركم و يوفقكم ويجعل ابنائكم من الصالحين |
اقتباس:
انظلمت معاه...تعرفين شنو يعني تفقدي طفلك اللي ما شافته عينك بس شافه قلبك وحسيتي بحركاته ورفرفته داخلك وفجأة تفقديه للحلم الجميل...وعشان ايش؟؟؟عشان وحدة ماعندها أخلاق ولا........استغفر الله.....عشان طيش رجل عمره فوق الخمسين....انا اكتب ودموعي في عيوني ....وبعد اللي صار ليي...يسافر ومادري ويش يسوي من ورايي...ليش؟؟ انا مومقصرةمعاه....لو تشوفيني تستغربين ...موناقصني شي الحمدلله...وهو اللي اختارني...اي حاجة احس انو يحبها اعملها لو ما ارتاح ليها ..عشان مايروح للحرام...احترت وياه ..لكن ثقتي فيه....خلااااااااص بعد اللي سواه فيني..لكن ابغى حل...طريقة اتصرف معاه...تخليه يحس فيني ...ويبطل هالعمل اللي ما يرضاه الله عزوجل.... |
كما قال الأخوه هي مرحلة المراهقة المتأخرة وبإذن الله سوف تمضي ولكن ما أطلبه منكي هو أن لا تجادليه كثيراً بهذا الموضوع لأنه كلما زدتي إلحاحاً كلما زاد زوجك عناداً ما عليكي سوى الدعاء له بظهر الغيب أن يهديه الله ويرده لكي ولا تقصري أبداً في حق من حقوقه وكوني طيبة المعامله معه
|
الله يعينك ان شاء الله تفرج وعليك بالدعاء
|
مشكوووورين كلكم على ردودكم اللي خلتني أرتاح ..وأنا بانتظار ردود بقية الاخوة الكرام ...ولاتنسوني من دعائكم
|
| الساعة الآن 07:16 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©