|
تبي نصيحتي السياحة الداخلية نار ، بتكلفك أكثر من الخارج مافيه إلا مكة الله يشرفها خذ عمره وعلى طول عل المطار ولايردك إلا مطار كوالالمبور في ماليزيا، وترى 15 ألف بتكفيك وتزود.......................تمنياتي لك بالتوفيق .
|
أتوقع تقدر تكفيك اسبوع بالتذاكر في شرق آسيا (تايلند- ماليزيا- مانيلا- اندونيسيا)
التشيك(براغ) اتوقع لو بدون تذاكر تكفيك لمدة اسبوع. تحياتي. |
اتوقع انها تكفيك اذا احسنت التصرف وبتكفيك اسبوعين وزياده ولكن على حساب النجوم وعلى حسب لمكان اللي بتروح له وعلى الوقت يعني بيكون سكنك في فنادق 3 نجوم واقل وارشح لك تايلند وسفرتك في ثلاث مدن شانق ماي - فوكيت - بانكوك وبتكون تقريبا تذاكر واقامه في حدود 8000 ريال والمواصلات والتماشي والمعيشه بمعدل يومي لا يزيد عن 500 ريال* 14يوم = 7000 ريال وافضل يكون معك بطاقة فيزا تستخدمها كبند للطوارئ لا قدر الله:30: انشاء الله اكون افدتك واذا احتجت اي استفسار او مساعده يمنع وضع البريد الالكتروني واحنا في الخدمه :14: ومبروك الزواج مقدما:14: الأخ الفاضل التوقيع مخالف و لابد من تغييره |
تبي النصيحه
اخذ العلم وانا اخوك اخذ لك عمره وانقز الطايف وابها وجده ... والله اصرف من السفر برى هنا بين اهلك وارخص لك ولاتنسى العمره وانا اخوك |
ميرسي على المعلومة
|
بصراحة اتفق مع الاخ حادي الارواح....
أبــــدا رحلتك بالعمرة....بعدها عندك عدة خيارات عندك ياطويل العمر جدة والطائف وابها ولو حبيت مصر تراها قريبه جدا وان شاء الله راح تستمتع بالــ15000 واذا حبيت اسلفك ترى ماعندي مانع.... |
والله انا اقول اصرف خمس الاف عمره خمس ايام ووخل العشره لبعد شهر اوشهرين من الزواج لان اول سفره الزوجه ماتحسبها لانها لسا جالسه تتعرف عليك لو رحت وربي سهلك اسألها بعد شهرين قل بالله لو مسافرين الحين مو احسن والله راح تقولك اي والله احسن بيكون عندك عشر الاف وعندك الف او الفين زود فكر انت وياها على روقان
|
اخي الفتى .. انا سافرت مع زوجي 18 يوم لماليزيا " كوالالمبور ، وبينانق ، ولنكاوي " تبع خطوط الامارات واخذنا بكج شامل حجوزات الطيران الدولية والداخلية في ماليزيا والفنادق 5 نجوم " استانا هوتيل والهوليدي ...." شامله الافطار ... 13 الف ريال بس .... لكن زود عليهم 13 ثانيه الهدايا والملاهي والمنتزهات وسيارات النقل .. فممكن تقلل المدة وتزود على مبلغك 5 ثانيه والله يبارك لكم ويوفق ما بينكم ويرزقكم الذرية الصالحة...
|
الله يسلمكم كنت غارق في المنتديات الثانية وكلاااااااااامكم كله في محله بس والله جنوب شرق أسيا وزحمة ناس وينقلب رأسك وبلاد مكتظة بالسكان نفسيا ماودي بها أبدا وألأف شكر لكم
|
انصحك تروح اندنوسيا ترة مرة حلوةوماعتقد راح تصرف كثيرر
مو زحمه ولا شي ,, بالعكس جدا مناسبه لشهر العسل ,, جرب روح ايران مرة حلوة ’’ بالتوووفيق لكم |
| الساعة الآن 02:58 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©