منتدى عالم الأسرة والمجتمع

أم خالد يا قلبي

أول حاجة وقبل الزيوت .. لازم تهتمي بتغذية شعرك

الزيوت تعطي لمعة .. تطول .. تكثف

لكنها ما تغذي .. واذا تركتيها بيروح تأثيرها

عشان كذا .. اهتمي اول حاجة بالغذاء السليم .. لانه صحة الشعر من نوعية الغذاء :26:

ما ادري ايش دخل الاسنان :d

***

ثانياً .. عندك زيوت كثيييرة بالعطار .. وترى اللي يناسب شعرك ما يناسب شعر غيرك

ومالك الا تجربي

شخصياً ارتاح شعري لزيت دابر أملا .. يعطيه كثافة وطول ملحوظ .. بس للاسف ريحته دمار .. ناسبني .. بس ما ناسب

اخواتي:25:

***

زيت النارجين .. اشتريه من البقالة بخمسة ريال .. اسخنه مع الثوم .. وادهنه بالشعر .. رووووعة يا ام خالد

ناسبني وناسب كل اخواتي .. يكثف .. يطول .. ينعم:22:

***

زيت أم الجدايل .. خطير .. تشتريه من العطار .. يطول .. يكثف

***

المايونيز زي ماقالت اختي شوبارد رهيب .. لانه ثلاثة ارباع المايونيز عبارة عن زيوت

يا اهل الرجيم ابعدوا عنه:29:

***

زيت الزيتون .. ابعدي عنه .. ينفع للجسم .. ما ينفع للشعر .. يسبب التساقط

***

ونصيحتي يا ام خالد عشان يستفيد شعرك لاقصى درجة

تسخني الزيت .. وتحطيه على شعرك لمدة ساعتين .. وتعمليله حمام بخار ..

وبعدها .. بتشوفي النتيجة من اول استعمال ..!

***

سألتي عن الحنة .. وعذراً شوبارد .. الحنة تجفف الشعر .. عشان كذا اذا حبيتي تحطيها

لازم تحطي معاها مجموعة لا بأس بها من الزيوت .. صراحة روعة .. كنت استخدمها .. بس بعد الصبغة بطلت منها

***

عندك كمان حمامات الزيوت .. اذا مرة ماكان لك مزاج لزيت وحوسة ..اذا جيتي تستحمي تحطيه قبل الاستحمام

بنصف ساعة .. وتجلسي تحت البخار .. وتستحمي .. عندك فاشكول وغيره .. تلاقيه بالصيدليات

***

وعذراً لكبريائي على اقتحام الموضوع .. بس ماحبيت تكون عندي معلومة وما اقولها خاصة لام خالد :25:

موفقة يا اغلى ام خالد