|
ماهي الامور التي اعاقة الزواج الى الان ؟؟ الطبقات الإجتماعية ، و مكانة القبيلة !! :( وهل خطبت او خطبتي وذهب الزواج ادراج الرياح ؟؟؟ ولماذا ؟؟؟ نعم للأسف ولكن لم تكن خطب رسمية ، لماذا ؟ !!!!! :29: تحياتي لك ، إختك : خلك إيجـــــــــابي ! |
قزم التوفيق اولا واخيرا من الله لكن لم تذكر شيئا عن تجاربك لنتعلم منها :d ينبوع العطاء اسال المولى العزيز ان يشفيك من مرضك ويعافيك عليك بقراءة سوره الفاتحه يوميا على مكان المرض .... فسورة الفاتحه كلها خير وماء زمزم لما شرب له مع اليقين ان الله هو الشافي وانك ستشافين من هذا المرض بحول الله والحمدلله ان سنك في مجتمعك مساعدك الحب والحبيب اتمنى ان تتفائلي الوفيه لوالديها فهمت انها مراهقه اولا ثم الرجل الثاني ليس من بلدك وامه صاحبة قراره ثم رفضه لتمسكك بدينك ( وهذا اقول ان الله فككي منه ) والله يعينكم يالمغتربين انتهت حياتي حياتك لم تنتهي واتمنى ان لا تدعي على اخوك المسلم فاعلم بحالك والصدمه قويه على كل رجل لكن يمكن انها خيره لك من انك تناسب هؤلاء ومادام انك ماشاء الله عليك مقتدر بالماده فانت بخير فاضرب اي بيت ولا تبالي باحد فانت صاحب كلمه وقرار تحياتي لك البحله بالنفس والله انك بحله صدق كيف كلهم فيهم عيوب الدنيا ترى ما فيه احد يخلوا من العيوب ممكن تذكرين لنا العيوب فربما اقتنعنا بالعيوب نسمع كثير من الاسر تقول عيوب عيوب عيوب ولايذكرون هذه العيوب شكرا لمشاركتك toti_froti تقولي : ياوالدي يرفض ياامي يانا يالخاطب ماخليتي شي الله ييسر لك امورك وتتزوجي عن قريب آمين sos11 هلا بك شكلك تحب لكن انتبه لايروح عمرك وبعدها تشوف من تحب لغيرك ثم تتوهق تزوج وارتح واترك العناد :( الحب بعد الزواج ضاحي تبي تحصل ان شاء الله بس اترك عنك بعض التدقيق في البنت الله يوفقك باللي تسعدك خلك ايجابي ! لم افهم ! :d |
اوكي بقولك العيوب واحكم انا اتدلع ولا معاي حق..
الاول ...... اكتشفنا بعد التمحيص الدقيق انه من مرتادي الدول اللي يكثر فيها الفساد بعد التمحيص اكثر طلع راعي بنات بدرجة اولى ياليت علاقات وتلفونات نقول يتوب للاسف راعي بنات ليل يعني اقرف شي ولا اقدر اتخيله زوجي ولا يلمسني بصراحه.. الثاني....ابوه متوفي وهو الولد الوحيد ولذلك ما كمل دراسته ولا اشتغل انما اكتفى بالصرف من ورثه وامه ماتثق فيه لدرجة انها وظفت ناس تشرف على المشاريع والورث وهو مايدري عن شي ومايبي يشتغل على اساس فيه ناس ترعى الحلال وهو ياخذ على الجاهز.. معليش ماقدر اعتمد على رجال زي كذا او استأمنه على نفسي.. الثالث....مادري كيف ربي دلني على وحده مطلقه وعندها طفله واكتشفت بالصدفه انها على علاقه بالشاب اللي خطبني وبدون مابين لها انه خاطبني استجوبتها وقالت انه يحبها بجنون لكن اهله رافضين يزوجونه مطلقه واخر شي قالها خلاص لازم اخفف علاقتي فيك لان اهلي خطبو لي وحدة ومصرين اني اتزوجها وانا مابيها بس الشكوى لله مابي ازعل امي ( اللي هي انا :( ) هذا ولله الحمد من حب ربي فيني اني اكتشفت قبل الزواج.. الرابع... خطبني وانا عمري 17 وكان عمره 28 وعايش بامريكا وجا وقالو يبغون يتزوج بسررعه عشان ياخذها معاه وانا كنت صغيره مررة حتى تفكيري يعني بصراحه كان اصغر من عمري بالعربي بزر واهله ما سألو عني شافوني في مكان وخطبوني من بكرا وقالو لا تسألون عنه نبي الجواب خلال كم يوم عشان تتزوج وتسافر!! اهلي خافو وش السالفه كيف نعطيهم بنتنا بهالسرعه وحنا مانعرفهم ولا نعرف الرجال وفرق العمر وبعد المكان ووو فرفضو بدون مايقولون لي .. باقي بعد بس تعبت من الكتابه وصدقوني باقي الاسباب كلها قويه وماينسكت عليها.. |
لو تنازل كل طرف عن جزء من رغباتة لانتهت المشكلة
واقول ان الحب ياتى بعد الزواج 0 والحياة الزوجية لاتقاس بالمال ولابالجمال بل يحكمها العقل 0 وراحة النفس 0 والموادة 0 وساعتها تشعرين انك ملكتى الدنيا وما فيها اللهم ارزقنا بالصالحين |
يعطيك العافيه انا وسبق وخطبت وافقو بس المشلكه اني انا حاط أبالي قبل ماتزوج وحده اقل من 22سنه وهي هي كان عمرها 17 مع هذا قررت اخطبها لاني كنت مقتنع فيها والاهم انهم قالو الزواج بعد ثلاث سنوات لين ماتخلص الدراسه بصراحه قلت ثلاث سنوات وش ازين وش يصبرني اقشر بصل والا اجمع طوابع الين يجي الزواج :d بثلاث السنوات هذي يمدي جاني وليد وبنيه ان شاء الله :22: عشان كذا قلت لهم الله يستر عليكم والله يوفق هالبنت من صغرها غاليه علي وراح تبقى غاليه لو ماحصل نصيب والحين أدور بنت الحلال بس مالقيت وحده نفس الموصفات اللي ابيها مع ان موصفاتي معقوله ياناس قسم بالله معقوله والشي المهم خايف من التكاليف تكسر ظهري ياعزيزي المشكله الرئيسيه في التكاليف والله الشباب يبون يتزوجن بس تكاليف الزواج تتعدا 100 الف كيف نتزوج وروتبنا ماتتعد 3500 هنا المشلكه تحيتي لك رجل |
اقتباس:
طلباتك يمكن معقوله لكن وش تبي بالبنت اللي مهرها 100 الف ! وش حادك ! فيه ناس تجي من المغرب او مالطا او لبنان ويدورون الجمال اللي شافوه بالخارج وهذولا اكثرهم اصحاب مال بعد مايمل يجي يدور الجمال ( طبعا بفلوسه ) 30 الف خير وبركه وتبي تسعدك ان شاء الله اقلهن مهرا اكثرهن بركه بركه حتى على نفسها نصيحه لك لاتتزوج بـ 100 الف .......... |
وقفت كثير عن العنوان
أولا ً وأخيرا ًهذا رزق من الله وهو اللي يكتبه للإنسان متى ماأراد ذلك تأكدت بأنه لو تجري جري الوحوش غير رزقك ماتحوش يعني فيه ناس تقولك إنتي ماتطلعين وماتختلطين ومااحد يشوفك كيف بتتزوجين ؟ مالها علاقـة أبدا ً، لأنه الرزق بيجيك لو إنتي بقرية ماحولك إلا أمك وأبوك !! أنا ماأتشرط كثير وماني من البنات اللي تهمها في المقام الأول المظاهر يعني عدم زواجي إلى الآن مو لأني أتشرط ، أبدا ً ربي مارزقني بالرجل الصالح وبإذن الله أنا متيقنة بأنه سيأتي قريبا ًولا أريد أن أكون غير متفائلة رغم أن الأيام تجري وأنا مازلت أنتظر والقلق مايلبث إلا ويأتي ويقلق مضجعي كنت أتمنى أن أكون من البنات اللاتي يأتيهن أزواج بين فترةوأخرى ويذكرهم أحد عن غيرهم فقط لأشعر بأني موجودة !! ولكن لم يأتي لي أحد سوا واحد ولم يكن فيه أهم الشروط الأساسية التي تتعلق بالدين ! لأن غيره لن يهمني كثيرا ً ولكن الحمد لله على كل حال لذلك أنا لم أتزوج إلى الآن دعواتكم |
اقتباس:
مب يمكن الا اكيد معقوله بعدين انا انظر لزواج على انه حب وهذا اللي يخليني متأكد اني راح استقر وانبسط ياخي مب مهرها 100 اقصد تكاليف الزواج بالكامل تتعدا 100 الف يعني القصر والشقه والاثاث والمهر تتعدا 100 الف والله لوالمهر يكون 30 الف من غير الشبكه معقوله بس المشكله اني اخاف اروح اخطب ويطلبون 60 والا 50 وانا والله مب بخل وحب لدنيا بس القرض اللي بأخذه مايكفي:( الله يلعن ام الحاله انا بغى مهر 30 وشبكه 8 الالف وشقه بثاثها 20 الف وقصر 15 وهديه لشريكة حياتي مع اني بعد الزواج راح اهدي لها كل شهر يعني ودي التكاليف 70 الف كذا أقدر اتزوج اما أكثر من 100 الف صعبه من جد صعبه وهذا هو اللي مضيع الشباب ومخلي العنوسه تزيد والله اني مادور ملكة جمال ومابي موظفه مثل بعض الشباب اللي يدورن مدرسه عشان يأخذون راتبها:d وين القاها ام 30 الف او بالاصح كيف اعرف انهم يبون 30 قبل لاخطب لو المهر على 30 الف يمديني متزوج لا وبعد عندي كومة عيال :22: <<<<يحب الاطفال الله يعين على هالدنيا الواحد وده يتزوج ويحب ام عياله مايقدر يعطيك العافيه خليتني افرفش وافضفض عن الشي اللي قاهرني الله يوفقك ويستر عليك |
اقتباس:
مو انا اللي يقول 30 الف بنات المنتدى يقولن 30 الف المهر ونبي الستر انا وش دخلني لكن مادام راتبك 3500 ومافيه احد يبي يساعدك قبل الزواج قسط 1200 ريال .... يبي يعطونك على الاقل 60 الف قرض :d 30 الف مهر 20 الف بيت 10 استراحه مع باقي العزيمه :d 60 الف المجموع :( يعني مافيه شهر نكد ولا فيه تبديل سيارتك القديمه والشبكه ليش ياراااااااجل المهر كافي :17: |
اقتباس:
لكن الله يكون بعونك ويرزقك ويسعدك |
| الساعة الآن 02:42 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©