ترى أنا واقفه مع الزوجه:d لاننا بمركب واحد وما أحبها ترتكب حماقات تدفع ثمنها غالي

أخي أضهر الجد معها وكرر الموضوع وكن صارم وقولها الحلال أو الحرام أن أبعف نفسي

وحاول تظهر غضبك من ردها بترك البيت بس مو تدخل مره بالدور وتصير مشاكل

وثاني شي توجه لابوها أو أخوها الرجل لايفهمه الا رجل وضح وجهة نظرك وقولهم هي الاولى

وطلباتها أوامر وأبعطيها رضاوتها ورددها كثير هذه العباره كل ماقلت شيئ قول رضاوتها بتجيها

وقولهم أنا رجال وأقدر سوي أي شئ بدون لا أرجع لاحد كثير رجال خانوا حريمهم وكثير تزوجوا بالسر

لكن هذه أم عيالي وهي ماتقدر تمنعني وكل اللي أبيه رضاها وأنا متـزوج متزوج وعقلوها دخليكم

بالنسبه لسؤالك نعم ستترك البيت وترمي لك الابناء حتى ويمكن تطلب الطلاق وهذا عادي لان الزوجه تشعر

أن زوجها بايعها فتقوم تتغدى عليه قبل لايتعشى عليها وإنت كل ماعليك مداراتها وإثبات عكس ذلك

المسأله صعبه وياليتك تتناقش معها بترك الوظيفه ومرافقتك بالسفريات علشان تثبت أنك شاريها والترتيب تقدر تخليها تترتب

صدقني أخي زوجي يشعر بندم شديد وبدأت علامات الشيخوخه تظهر عليه مبكرا
ظغط ترى مو بسيط

حرام عليك تدمر حياتك خذها معك احسن لبيتك وليك وصدقنى ها الشئ سيتعبك اكثر من الآن وعن تجربه

مالكم امان يالرجال :29:

سفرك المفروض تكون فترة تزيد الشوق بينكم.. ماتجعلك تفكر بالزواج من امرأة أخرى

خاطري أعرف..
لما الزوج يقول لزوجته باتزوج عليكِ ..
ماذا يتوقع منها ..
شي طبيعي تقول له باترك البيت وبامشي..
هذا الكلام كل وحدة تقوله لزوجها في هالموقف..
لكن..
ردة الفعل الواقعية بعد ما تسوي اللي براسك ..
هي اللي تختلف من واحدة للثانية..

ليش أحس إنك مستغرب من كلامها وردة فعلها ..؟؟
يعني ماذا توقعت ..؟؟
تبارك لك وتزغرط وترقص من الفرحة ..؟؟


الله يهداكم بس ..

ليش يااخي تفكر بالمسيار .. وتفتح عليك باب مشاكله كثيره.. خذ زوجتك مع بسفراتك ... والله يسهل امورك ..

الله يهداكم يالبنات ماتنسون ( الغربال )

ايه أكيد اتسويها وتسيب البيت ,,

كثير يسووها لاتحسب انه مجرد كلام ,,

الحمدلله انك ماتعاني من مشاكل وان كان مشاكل بسيطة في كل بيت ترا الزواج الثاني مشاكله كثيره صدقني ,,

مدام حياتك الحين تمام ليش تدور عالتعب ,, اطلب من زوجتك وقت سفرك تاخد اجازة من عملها ,, بين لها انك محتاج لها وقت سفرك وان شاء الله هي تقدًر ,,

انت كذا سببتلها ارباك واتلاقيها طول الوقت اتفكر في كلامك ومرعوبة انه يصير ,, الله يكون في عونها ,, و في عونك

تحياتـي