|
اقتباس:
اللهم لك الحمدكماينبغي لجلال وجهك وعظيم سلطانك |
والله كلامك صحيح
أيام الدراسة كان الرفض من الوالد بحجة نبيها تكمل دراستها وتتخرج بمعدل ممتاز مايشغلها أحد لاحقه على الهم وكانت أمي تسكت عن ألي يخطبوني ماتعلمني ألا إذا فتحت معها الموضوع وحاولت استفزها بالكلام أنا تخرجت لي سنة وجالسه بالبيت لا دراسه ولا وظيفه ولا شيء وتقدم لي شخص بالصيفيه الماضيه وكان الرفض المره هذي من جهة الوالده جلست تماطل فيهم ألين زهقوا منا لأنها ماتبيه في الأساس ومن يومها وأنا بديت أتكلم وأعبر عن هالظلم والقهر ألي يصير فيني لأني بديت أفكر بعمري بعد هالفراغ القووي قلت لأمي أني أدعي عليها وهذا مو صدق بس أبيها تخاف وإذا جاء سيرت هالموضوع بديت أتكلم بس للأسف بدت تقولي أنتِ من تخرجتِ أنهبلتي علينا راح الحياء وراح كل شيء لا حول ولا قوة إلا بالله والله تعبت معها أخوفها بعمري ألي بيروح وأنا للحين جالسه عندهم وأني أبي بيت مثلي مثل غيري من بنات قرايبنا ألي أصغر مني وتزوجوا وعندهم عيال لكن تعتقد أني ما أثق بالله ويأست من رحمته وراح الحيـــاء ألي ذبحتني فيه على العلم أنها عند أدنى خلاف بيني وبينها تعايرني أني ماتزوجت وماعندي عيال وفيه أصغر مني عندهم أبوي ألمح له إذا جاب هالسيره وينكر أنه السبب في شيء وأن رفضه أول لمصلحتي << الله ياخذ الدراسه فكرت بعدها أكلم خطابات وأستحيت بصراحه ماقدرت أكلم أحد حسيتها قووووية أخطب لعمري أنا بالفعل بديت أفكر أكلم خاله عزيزه جداً علي تذكر هالموضوع لخالي مثلا وكأني ما أعلم عنه شيء لكن وشلون أفتح معها السالفه لأنها إحراج شوي وبعدين أخاف أحرجها معي ........ وبصراحه بديت أحس أن أهلي مستحيل يطلعوني من عندهم لأنهم ماتوفقوا مع بعضهم و كل ومسوين خايفين علي وهم كذا يقضون علي ... وربي بديت أكرهم لا حول ولا قوة إلا بالله الله يكتب ألي فيه الخير |
تماما أخي أصبت في كلامك
|
ممكن اقول لأمي اني ابغى اتزوج لانها عارفتني وعارفه طباعي لاني بنت جربت الحب والزواج ..
لكن بعض الاحيان لمن يجي احد يخطب ابين اني ماهمني ولا ابين اني فرحانه وبالعكس اسوي نفسي متضايقه .. ماابغاهم يقولو ماهما غير الزواج وتوابعه .. وفعلا لمن وحده من البنات عن طريق المزح فقط نفست عن رغبتها بالزواج .. يردو عليها ياقليلة الادب ماتستحي .. لمن كنا بسنك نرتجف من سيرة الزواج وانتم تبغوه .. الحمدلله كل اقاربي وصديقاتي يقدمون للي يعرفونهم .. من غير مااقلهم .. لانهم يبغو يكسبو اجر بتوفيق راسين بالحلال .. وترا بعض الاحيان اقلهم ابغى اتزوج لكن عن طريق المزح .. يعني زي الدقه للي يفهمها .. معليه اخي الكبير اذا ردي ملخبط .. |
اخي الكبير ..
عمري ابدا ابدا ما اتكلمت في موضوع الزواج مع احد او ابغى اتزوج لاني حاسة بالنقص ..:21: وداائما مايبان عليا شئ لكن قبل فترة خالي يقلي ابغى اتزوج شوفي عرووسة حلووة وطبعا انا رديت عليه بكل ثقة وكنا لوحدنا في الغرفة .. انت كمان دورلي على عريس :d >> عيني قوية:18: رد عليا بانه تعب من العزوبية وقلبه بدا يخفق للحب والزواج فرديت انا من زمان قلبي يخفق ها ايش قلت اتفاجا بجراتي ... وقال خلاص طيب انا عندي اصحاب كثير يصير خير .. والله اكتب وانا مستحية لكن هذي الحقيقة .. يعني الله يستر ما ادري ايش اخر الموضوع بس عمره ماكان الزواج فقط للجنس لانه مع الايام تقل الرغبة ويبقى فقط الحب جزاك الله خير:) |
عليكم السلام ورحمة الله وبركاته
أولا ً الله يجزاك الجنة على مواضيعك دائما ً إذا قرأتها أرتاح وأفكر بأفق أوسع تدري ليش ؟! لأنك رجل وقليل ماأسمع رأيي رجل في أمور الزواج ودائما ً نظرتي لكل شي يخص الزواج أسمعه من النساء <<<< يعني كويس نقرأ الوجه الآخر للحياة زمان كنت أرحب بالفكرة أهم شي ماتكون مباشرة وخاصة لما كانوا بنات خالتي وصديقاتي اللي حولي ماتزوجوا ، أما الآن ماصرت حتى أفكر إني أتحرك وأقول يانااااس أنا هنا !! أحس فيني استسلام من ناحية هذا المووضوع بشكل غرييييب وكلت أمري لله وعرفت إنه الناس قليل اللي راح ينفعك للأسف علشان كذا أحفظ لنفسي ولراحتي إني أسكت وأنتظر فرج ربي ودااائما ً في بالي قصة زواج وحدة من قريباتي كيف إنها ماقد طلعت من بيتهم إلا بيت جدتها لأبوها وجدتها لأمها ، زواجات ماتحضر ، طلعات مع صديقاتها ماتطلع حتى الجامعة انتسبت فيها وأتذكر كانوا يقولون مسكينة بنت فلانة أمها صاكة عليها من وين بتتزوج وهي ماعمرها طلعت بناتها !! ويوم ربي أراد ومن غير ماأحد يحكي تزوجت بنتها الكبيرة من رجل مايدرون كيف جاهم وكان ونعم الرجل وبعدا بثمان شهور تتزوج الصغيرة اللي توها بأول جامعة واللي كانوا يقولون ماتطلع بناتها بناتهم للحين عندهم وأنا معهم عندي أهلي أدري بتقول هذا هو النصيب وماأحد له حكم فيه ، بس حتى الكلام والذكر لفلانة وعلانة مايصير إلا إذا ربي كاتبه يمكن شطحت بالرد غير ماتقصد بس كلام في قلبي وطلعته الله يجزاك الجنة أخوي الكبير ويبارك لك في حياتك ويحفظك |
اقتباس:
والله كلنا نتعرض لهذه الموااااقف .. إيش أقول .. لحتى أقول !! الله يفرجها ع الجميع ياااارب والله قلبي معاكِ .. والله يعدي العيد على خييير :29: أخي الكبير .. طيب العم والخال .. والقرابة كلها .. شايفين وعارفين .. بس ماخذين فكرة إن حضرتنا مغرورة .. طيب جيبوا واحد عدِل .. طيب .. ملتزم .. وخلاص .عقلنا .. أكيد ما راح نرفض !!! خليها على الله الناس فلسفتهم في الحياة صارت .. " نفسي .. نفسي " " ومن بعدي الطوفاااان " الله يغنينا بفضله يااااارب الله يجزيك على كل حرف أضعاف .. أضعاااف ما تتمنى يااااارب |
السلام عليكم ورحمة الله وبركاته
اقتباس:
بل إني سمعت عن بعض المعلمات عندما يدرسن طالباتهن موادا في الفقه يتخطين الدروس التي تتكلم عن الحياة الزوجية ، ولو فكرن في أسلوب طيب وحكيم لإلقاء تلك الدروس لوجدوه . جزاك الله خيرا .. استفدت من الموضوع خصوصا الأثر الذي ذكرته لأختنا شوبارد. وفقك الله وأسعدك. |
الله يجزاك خير على الموضوع القيم
الله يرزق كل البنات بالازواج الصالحين تحياتي |
اقتباس:
وهذا رأي ...... اقتباس:
|
| الساعة الآن 04:36 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©