|
بالرغم من تفاؤلي الكبيييير هذي السنة وإنه رمضان عندي غير العام من ناحية النفسية
إلا إني ماقد خطر على بالي إني حتى أفكر كيف يكون !! أوكي في بالي لونه بس موديله أبدا ً ماقد فكرت فيه بس بيني وبينكم أنا تهمني ملابس البيت عن الفستان وهي اللي دائما ً لما أشوف شي يعجبني بالسوق أقول هذااا اللي أبيه بس ماأقرب له وأقول راجعة لك يالمليووون راجعة :d أتذكر قميص قد شفته أنا وصديقتي من ثلاث سنوات وقفنا عنده متنحاااااات ودعيت ربي اني اشتريه وأنه يكون عندي خبر من هنا ولا هنا لكن ربي ماكتب والقميص راااح بس مازلت متفائلة بيجي اللي أحسن منه قرررريب بإذن الله اليوم على السحور أمي تكلمني عن المسجد اللي في الحي بيجمع ملابس والأشياء اللي مايبونها الناس يتبرعون فيها للجمعية الخيرية وقالت إذا عندكم شي من ملابسكم قلتلها أنا بسوي تصفية لكل ملابسي وبرسلها <<< كان في بالي إنه أصفيها علشان ملابس زواجي الجديدة وخلاص مايمديني بفضي الغرفة لأختي وبإذن الله ربي يتمم علي وعلى كل من يريد الحلال شكرا ً جزاك الله خير موضوعك خلاني أتكلم بطلااااقة الله كريييييييييييييييم |
موضوعك يداعب الأحاسيس والمشاعر..
أحس اني اذا لبسته بيوم زواجي << ياحلو هالكلمة... ماراح ابدله يمكن انام فيه من الفرحة :d << باينه اللهفة لالاتصدقون بثقل عند أبونا بس خلوه يجي :23: << أبونا = الزوج انا جهازي كله صور عرايس وعندي فستان حافظته مرة عاجبني مررة واحسه مفصل علي بعد بس يوم شافوني طولت خلو وحدة تلبسه << نعيش خيال وش ورانا صديقتي بالدوام من دولة عربية وعلاقتي معها ممتازة وعمرها تقريبا 40 سنة ومرة شايلة همي الله يسعدها وسافرت بلدها وجابت لي هدية لبس روووووعة ومن تراثهم طبعا اللبس في الغالب يفضل للمتزوجة وغلفته وحفظته اذا تزوجت بلبسه ان شاءالله بس بصراحة اذا شفته اتحسر واحيانا بعد أبكي انا يعجبني الفستان احفظه لكن أخطط وش راح البس مثلا مااااااأقدر اصلا اذا تأملت فيه أتفاءل وأفرح وفجأة احزن والله اذا شفته بمحل تبدأ الدموع تمتلي بعيوني .. وامي بعد مسكينة اذا شافته فز قلبها الله يفرحها وتشوفه علي. اللي يقطع القلب ان امي اذا شافت عروس بالتلفزيون تقول بصوت عالي تعالو شوفو عروس انا محرومة ماشفت بنتي لابسته << بأعلى صوتها!! وتبدا تدعي وتتحسر اللي يوشوفني يقول عمري45 افكر حاليا بصراحة اني البسه شلون مدري .. نفسي البسه ودي اشوف شكلي شلون فيه دايم اغمض عيوني قبل مانام واتخيل شكلي اذا لبسته.. عريس الغفلة مايستاهل فستان أبيض وحركات.. كفوه قميص وأشهب بعد ليه يتأخر:29: طلعت اللي بقلبي عن هالفستان ياااااااااارب البسه قريب وبنات المنتدى.. جزاك الله خير ياأخوي والله انكم تكسبونا فينا أجر انت وأخوي الكبير .. بمواضيعكم وتخفيفكم علينا وان شاءالله اللي تسويه ماراح يروح.. بتشوف خيره في بيتك واهلك ان شاءالله |
عن جد عجبني رأيك كل ما أنزل السوق وألا قي في طريقي محلات فساتين العرايس ألاقي نفسي أوقف وأسرح فييييهاااااا:25: مع إني ما أحب اللي معايا ينتبهوا لكن !!! ما أقدر .. حاسة قلبي ينبض بشدة :29: يااااه .. شكلي راح أشتري من غير ما يعرفوا ع القليلة أتسلى قدام المرايا الله يعطيك العافية يااارب |
كان الفستان في الايام الورديه البريئه...
لكن قبل زواجي كان طليقي السابق متحكم فيه.. لايكون عاري لا يكون مفتوح الظهر لا يكون لا يكون ..الين ماطفشني وفصلته على مزاجه ... وطبعا انتم اعرف مني بذوق الرجال .. تقولو فستان فرحي ثوب .. لكن ناقصه الشماغ ... والآن لو جاني نصيبي ابدا ماابغى لا حفله ولا فستان لاني والله كرهته من كثر ماعانيت بليلة زواجي والمشاحنات اللي صارت فيها ... يعني الفستان عادي مايهمني كثر ماتهمني راحة بالي مع العريس المنتظر الله يجيبه بس .. واذا يبغى فستان راح افصل محل فساتين افراح .. اجل كم عندي عريس انا <<< من الحين تدلع ... |
أخواتي الكريمات من الجميل والمستحسن أن تجهزن ثوب الزفاف وتنتظرن العريس المرتقب وعلى قدر ظنك ستتزوجين قبل زميلاتك .
مــــــــــــــــن تـــــكـــــون الأولــــــــى في تجهيز ثوب الزفاف ؟؟؟ .................................................. ................................ كلام اكثر من رائع بعث بنفسي الثقة والتفاؤل.. جزاك الله خير.. بس صراحه مستحيل اجيب اي شي حتى لو كحل واقول هذا لزواجي .. لان كل ما بشوف الشي اللش جبته عشان الزواج بحس انه الوقت يمشي و يطول و بتذكر و بحزن.. عشان كذا الجزم و الايمان نجعله بقلوبنا .. و ان شاءالله ربي ييسر لنا و سهل علينا و يوفقنا و يبارك لنا بالزوج الصالح باذن الله و يعطيك العافيه |
رغم أني متفائلة حيل لدرجة أني جازمة بحول الله أني بحج مع زوجي هالسنة بس مافكرت اجهز الفستان أصلا حتى الموديل ماقد فكرت وشلون بيكون شكله لكن ... الشئ اللي فعلا حرصت عليه هو العناية ببشرتي وجسمي وشعري احس انها هي اللي تآخذ وقت >>> عندي احساس ان ابو الشباب بيكون مستعجل عشان كذا عملت حسابي :d أما الأغراض الثانية ماتعوق والسوق ماشاء الله كل يوم والثاني منزلين أشياء جديدة وحلوة شوبارد موتيني ضحك من كلامك عريس الغفلة مايستاهل فستان أبيض وحركات.. كفوه قميص وأشهب بعد ليه يتأخر>>>>> هههههههههه الله يسعدك يااخوي |
السلام عليكم ورحمة الله و بركاتك فكرة ثوب العرس لم تخطر لي على بال ابدا عندما ارى عروس تحضر وتستعد اقول في قرارة نفسي اللهم لا حسد اللهم بارك لها .اللهم ارزقنا من فظلك العظيم اهتم باشياء كثيرة تخص الحياة الزوجية عموما لكن ثوب الزفاف امر صعب جدا جدا بالنسبة لي ربما زاد من المي ومن شعوري بالوحدة او ربما كان مصدر سخرية واحراج اللهم انا نسالك من الخير كله عاجله واجله ماعلمنا منه وما لم نعلم جزا ك الله خيرا استادى الكريم وعيد مبارك سعيد |
وخرن أم سلمان جات أنا محد سوا سواتي.. :17: <<<< تكفخ أخونا أبو عبد الله إنت من جد فنان وفاهم.. إسمع أختك إيش سوت. أمي الله يحفظها ويخليها من زمان وهي تحب تجهز فبناتها.. من أيام أختي الكبيرة إلى أيامي.. من 10 سنين وأنا أجهز :23: كل ما شفت شي وماما اقتنعت فيه اشترته.. وكل ما تجي سيرة خطبة وأحد يتصل أمي تلبس عباتها ويالله على السوق :14: ومرة من المرات <<<<< ركز يا أبو عبد الله جايتلك باللي تبغاه. صار كلام.. وبالصدفة محل الأقمشة المعروف عامل تخفيضات 70% وكنت ناوية أشتري منه قماش الفرح سواء تخفيض أو مو تخفيض لأن أقمشته رائعة.. المهم.. رحنا وأمي تزن علي اشتري أقلها ما أبغى.. :29: إشتري.. ما أبغى :17: <<< وتكفخ .. تقلي الله يخليكي اشتري عشاني.. أمري إلى الله.. ركزت ودورت ولقيت :23: قلت افرحي هذا.. واشترته واشترته ما قدرت... بش شرطت عليها قلت لها لو ما تزوجت وبعدين عجبني شي ثاني أغير ؟ قالت طيب.. هذا الكلام من سنتين تقريباً.. :11: وقاعدة :17: بس الصراحة التجهيز شي حلو.. عندي من كل شي شوي.. منشاف و تنانير أحيانا أطلع منها لو ما لقيت شي حلو في السوق للعيد.. وعندي من الذي منه.. جات فترة اكتئبت قلت ليه سويت كذا :29: بس لمن فكرت في الموضوع بصورة إيجابية.. قلت أمي سنة عن سنة بتتعب وما تقدر تلف في السوق.. الشي الوحيد اللي طلعت من السالفة كلها إني استمتعت بمتتعة التجهيز مع أمي الحبيبة.. وأكون من انحرمت من المشاعر هذي.. يهني لمن الأم تصر على بنتها خذي القميص وأقوم أنكسف وهي تصر وأوافق يعني الحركات اللي تصير لمن تتخطب البنت.. هذي تكفيني :14: وشي ثاني.. لمن أسافر أروح محلات فساتين الأفراح وأقعد أجرب :22: والقهر كل القهر كله لايق علي :29: .. ومرة رحت مع أخوي وأمي نشتري فستان فرح زوجته وكل ما ألبس شي يقول ما شاء الله كل شي يليق لك وطبعا المسكين مكسوف يطالع فيه ياخذ نظرة ويقول لا هذا ما ينفعلها بس يليق لك.. آخر شي اللي ما ناسبني ناسبه.. عادي روحي رياضية.. :d استغفر الله أمس بس جالسة يمكن أجلي قريب.. فربي خلاني أجرب أحاسيس فرحة الزواج كلها قبل أوانها.. :30: يالله ربي فرجهاعلي بعد ما فتحت الموضوع وقرأته وبدأت أكتب بابا جاني قال رايح مكة وراح أخذ السواق.. قلت معاااااك فرييري... :23: شي يخوف :11: سلام رايحة أسيح في الحرم وحدي لأنه راح يكون مشغول مع الناس.. وهاذي المرة بإذن الله ما راح أنسى اللسة حقة الأسامي... ولك دعاء خاص أخي الكريم.. في أمان الله |
السلام عليكم ورحمة الله وبركاته
سلام عليك يا فسحتي في هذا المنتدى سلام عليك يا "مهندس المشاعر" سلام عليك يا متواضع.. في طبعي لا أحب المجاملات ، وصدقني أن لك مكانة في قلبي ليس إلا لسبب واحد " تواضعك وصدق كلماتك " باختصار : أحبك في الله .. أبدعت فيما كتبت وفعلا : كلما كان الأمل بربنا أقوى والثقة به أكمل كانت سرعة نيل المطلوب . بارك الله فيك. |
بالنسبة لي أنا من يوم أنا صغيرة وكل ماأشوف فستان زواج قلت : إن شاء الله هذا الي بألبسه في عرسي ومرت السنين والأمور تطورت أكثر وأكثر أختك همة عالية مو بس حاطه فستان في بالها لا حتى القاعه حاطة في بالي وحدة أحسك الحين تبي تضحك :d علي تخيل مخزنه في جوالي رقم مصورة و رقم قهوجية يعني ولله الحمد خالصه من مجاميعه أمي تضحك علي وتقولي ( إذا جاء الولد:15: لقينا له طاقيه )>>>> هذا مثل عندنا في نجد الله لايخيب أملي ولا يخيب أمل كل بنوتات المنتدى ويكرمهم بالي في بالهم........ يارب |
| الساعة الآن 02:53 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©