الحمدلله والشكر

يعني تكلمك من غير نفس عشان انك فسخت الملكه

ليه يعني يعني فيك مرض معدي

والله مدري يمكن انا مافهمت الموضوع صح

يعني معقول فيه عالم ماتعرف تفكر كذا

الله يعوض عليك ولاعليك من الناس والا بتتعبين

فيه ناس كذا كانهم مخلوقين عشان النكد والسوالف والتحقيق

الله يعينا على هذي النوعيات

حسابات الزمن.. كنت بقولك انا مو من النوع الحقود كتبت انا من النوع الحقود:d .. كله من القهر ..



كم حيران.. كنت اول ادقق ..لكن الآن صار الشي عادي .. وليش ان شاء الله قريبتك تقول
ماتتزوجي .. بإذن الله ربي بيعوض عليكي وعلينا .. ياسلام يعين احنا مالنا حق بالخلفه والزواج .. هذه اللي من جد يقهرني يفكرو خلاص اللي تزوجت ومااتوفقت ماله داعي تتزوج مره ثانيه .. تسلمي على مرورك..



الوزاري.. الناس من تصرفاتهم تخلي روحي خبيثه وشريره .. كان ودي اتكلم معاها اعرف اخبارها لكن لمن حسيت انها مالها نفس قلت كرامتي عندي غاليه .. ياريت يااخي اعرف اتصرف في بعض المواقف اللي تمر علي .. يعني مثل اليوم سألتني وحده من البنات السؤال المعتاد ( تزوجتي ) قلتلها لا لسا .. قالت متى ؟؟رديت بمدري .. وصار وجهي احمر وحسيت الدم بيخرج منه .. ماعرفت اتصرف كان بإمكاني اقول ماصار نصيب لكن حسيت انعقد لساني .. تسلم على مرورك ولاتنساني من دعواتك .


سمانجد..وانتي حتقوليلي انا شفت خلاص .. انا كمان قلت يمكن فهمتها غلط ويمكن لانها تعبانه من الدوام .. يلا الله يسامحها لو كان قصدها اللي انا فهمته .. شعاري مثل ماقلتي طنش وعشان كذا نسيت السالفه ولانكدت على نفسي .. بس حبيت افضض للمنتدى ..



الرِّفق.. فعلا اخي (حب الاستطلاع) هذا الي يبغوه مني الناس .. مو حبا فيا لكن حب استطلاع .. والحمدلله طلاقي هذا هو نعمة ادركتها ... لانه بسببه رجعت لصوابي ولرشدي بعد ان كنت طائشه بتصرفاتي .. كلماتك اخي الكريم جدا ريحتني .. واحسنت اختيار الابيات جزاك الله كل خير. .


oOعبير الرياضOo...انا زيك اقول يمكن لاني صرت اتحسس من الناس عشان كذا تغير تعاملها معاي بسبب اللي صارلي .. لكن مااعرف هل انا حساسه ولا الناس من جد عندهم الاذيه بمشاعر الناس.. تسلمي على دعواتك ومرورك ..



AFT.. طيب اللي يسألني من صديقاتي المقربات ايش اقول لهم ولمن مايشوفو الدبله ايش برد .. لأ لازم يعرفو الانس اني انفصلت ..والاعضاء هنا اقنعوني اني مااخبي لانهم بيلاحقوني بأسئلتهم وعندي اقلهم ولا يطفشوني كل شويه (متى زواجك)..ترا الطلاق مو عيب حتى اخبي .. لكن العيب بعض تصرفات الناس اللي قالو عنها حب استطلاع .. تسلم على مرورك ..

دلع ودلع.. موضوع طلاقي ونظرة الناس ماصارت تهمني .. لان تعاملي معاهم بحسن نيه وطيبه .. لكن بعض تصرفاتهم تقهرني,, وكم حاولت اطنش لكن يجيني موقف يحبطني.. ولا انا شعاري طنش.. مشكوره حبيبتي على المرور


smsh.. يوووه كثير ناس كذا .. اعرف وحده فسخت ملكتها.. ولمن بلغوني قالو لاتقولي لأحد قلت خير هذي ملكه مو زواج ترا عادي .. البنت لمن تطلق سواء بالملكه او زواج تتغير نظرتهم لها حتى لو مابينو .. وياما قالولي ماعليكي من الناس .. ولمن يجيني موقف انقهر... تسلمي حبيبتي .

كلام الناس لايخلص ........هذي شغلتهم ........فلانة طلقت .......فلانة انخطبت

اسمعي وبس ولا تتحسسي ..........وكل واحدة تشمت فيكي بيجي لها يوم .........

الجزاء من جنس العمل

اختى الطلاق منو عيب ولاكن هى يلى غلطت معك وان شاء الله يبعتلك ربنا زوج صالح يحبك ويهنيكى

لا تددققي
ترا كلام الناس كثير
وبيني وبينك احنا سرنا حساسات
الله يرزقك بالزوج الصالح انتي وانا وجميع بنات المسلمين

تصدقين يالعام شفتي لما قلت لك اي وحدة تتملك او تتزوج مااحاول اتقرب منها كثير وانحرج لما اكلمها

هذا السبب بصراحة!!

يااما تخاف من العين يااما ماحبت تحرجك والله ماأدري هذا شي بنفسها

يابنت الحلال طنشي ووسعي صدرك المهم انها ماجرحتك بكلامها

الله يعوضك

معليه يابنات دوبني اشوف ردودكم .. مشغوله حدي مره..




ليلى610...

والله انك صادقه كلامهم مايخلص .. والين الآن يسألوني عن سبب طلاقي الاولى .. وان على نياتي اقول .. وخلي اللي يتشمت يتشمت .. لكن مااتمنى احد يذوق المر اللي ذقته .. حتى عدوي مااتمنى يذوقه .. وخليههم يتشمتو على الاقل يخففو من سيائاتي:d .. تسلمي حبيبتي على ردك ..




nana_4..

معاك حق ..الطلاق مو عيب .. ولو الله ثم طلاقي هذا ماكان رجعت لصوابي وطريق الرشد .. بعض الناس تشوفه مصيبه لكن انا شفته فائده عظمى .. والحمدلله على كل حال .. كبرت وعقلت ووزنت الامور .. وكله بفضل لله ثم الطلاق .. وتسلمي على دعواتك ..



الحب والحبيب..

انا مادققت ولا نكدت على نفسي .. لكن لمن دخلت المنتدى قلت بفضفض لكم .. وعلى قولك كلامهم كثير وماينتهي .. سواء تزوجت ولا طلقت .. والحساسيه صحيح انها زادت لكن هذا طبيعي .. ومشكوره حبيبتي على الدعوات ..


شوبارد..

لا لا لا .. وايش يعني ملكت او تزوجت .. انتي مو ناقصه عنهم بشي هذا رزق وربي يوزعه كيفما يشاء .. ورزقك بيجي بإذن الله .. اذا انا اوسع صدري وماازعل ..أنتي تشقق من الفرح .. انتي لسه بنوته صغيره ودلوعه وحلوه <<< كذابه من فين جابت حلوه ماشافتها ولا شي .. لكن قصدي روحك حلوه ..

صارلي موقف ثاني .. وحده متزوجه ( ليبيه وزوجها سعودي ) لها شهرين سألتني: متزوجه ؟؟ سكت وطولت بالسكوت .. وبعدين افتكرت كلامكم.. (الطلاق مو عيب) قلت لها : اتزوجت وانفصلت .. تصدقي ماسألتني مثل الباقين ليش وماليش ؟؟ .. وبعد ماانتهينا من الكلام وكانت تبغى تروح البيت قالتلي :فرصه سعيده اني تعرفت عليكي .. يااني جاني انبساط وفرح :23: .. قلت بنفسي بنت بلدي هربت مني ... والبعيده قالت عني فرصه سعيده ... مع اني انقهر لمن اشوف سعودي يتزوج من برا .. لكن هذه قلت تستاهل حتى لو بتتزوج ابويا :d .. الله يوفقها ويسعدها ويفرحها زي مافرحت قلبي ..

طنش تعش

هذي الدنيا تلقى كلام سكاكين على القلب لكن مين يتحمل؟؟؟

ما عليك من احد

ودمتي بخير

إييه يالعام

يا مكثر هالمواقف.. بنات مفاعيص يقعدوا يمسكوا علي كلمة وكركركرركر ضحك وشي سخيف لخبطة كلمة أو قلت فكرة طبعا ردة فعلي إبتسام مطول لين ينكتموا ويستحوا.. أحيانا كثيرة تتحكم في الإنسان فطرته الغير مهذبة.. فطرة الإستهزاء أو الشعور العلو على الآخرين والأفضلية..

أما موقفك حسيت أنه مجرد إختلاف بالمزاجات والنفسيات.. كانت تحسب إنك معاها على الخط هي مملكة وإنت مملكة وجاية تحكيلك وطول الإجازة متخيلة إن طول فترة الدوام راح تكون سوالفكم وحده.. والدليل إنصدامها بالخبر فكل احلامها وخيالاتها تلاشت !! وتصرفها البارد ثاني يوم.. هل تقارني نفسية المملكة والعازبة نفس الشي.. مهما حاولت التعاطف معك ما راح يبان لأن هي فرحانه من الداخل وكل شي تبغاه صار عندها ما راح تحس بيك.. هي مزاجها عالي ورايق وإنت مزاجك الله أعلم بيه.. أعانك الله وإيانا.. حتى لو دققتي وحزنتي وأولتي معليه شعور طبيعي حاولي تقلصيه.. تفهمك لمشاعر فرحتها بخطيبها راح يساعدك على فهم تصرفاتها.. لمن تجي سيرة الزواج وجابت سيرة خطيبها ودخلتو بنقاش اختميه بـ الله يسعدكم ويتمملكم على خير إنت تستاهلي.. تقلك عقبال ما نفرح فيك.. قولي إن شاء الله وخلاص ما يحوج كل هاذي الحساسية.. إنت تؤذي نفسك وبس.. هي رجعت بيتها ولخطيبها إنت رجعتي البيت تعيدي الموقف كأنه شريط سنمائي !!

طيب لو كنت مخطوبة أو مملكة وخيروكي بين قعدة متزوجات وقعدة متأخرات ومنفصلات وين تروحي ؟ أكيد للمكان اللي تنتمي له كونك متزوجه !! وقيسي عاد.

الله يوفقك ويسعدك ويعوضك يا رب بأفضل الرجال وأبر الأولاد.

عادي ياقلبي ولاتهمك
لاتتحسسين كثير من الموضوع وطنشي
يمكن هي ماتقصد فعلا بس صرنا نفسر اي تصرف او اي كلمه غلط من حساسيتنا في موضوع الزواج
انا احيانا تجيني هالحالات وعلى طول اتعوذ من ابليس
وصرت اتعامل مع الناس بطبيعتي ولو هم تعاملو بقلة ذوق هذي مشكلتهم مو مشكلتي
ومااخليها تنكد علي او تضايقني

الا علميني بديتي تصومين الست؟؟