منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)

- العلاقات الأسرية والإجتماعية (http://www.66n.com/forums/forumdisplay.php?f=91)

- - عفويتي ستدمرني (http://www.66n.com/forums/showthread.php?t=107064)

اقتباس:

المشاركة الأصلية كتبت بواسطة jeans

سوي له حذف وليس حظر

وصدقيني ما راح يقدر يسوي لك شئ

بالتوفيق
اختك بالله جينز

عزيزتي جينز.. شاكره لك مرورك و نصحك..

بالنسبه للحذف.. أظن إنه مارح يفيد يعني يقدر يتواصل معاي .. لكن بالحظر ما أعتقد يقدر..

أنا اللي خايفه منه .. إهو كيف قدر يحصل على إيميلي.. هذا الإيميل شخصي جدا .. ينعدون عالأصابع
الخمسه إلي يعرفونه.. الوسواس اللي فيني.. إهو دام قدر يوصل لهذا الإيميل يقدر يسوي أي شي!!!

لا إله إلا الله.. يا ليييت ماعرفته في يوم..يا ليتني ما دشيت الجامعة..

اللهم احفظني و إخواتي المسلمات بعينك التي لا تنام..

اقتباس:

المشاركة الأصلية كتبت بواسطة قزاز

لاتردين عليه ابدا
واذا كرر الاسلوب هذا معاك او حصل على ايميليك مرة اخرى ارسليله رساله وهدديه انك راح تشتكيه امام اساتذة الجامعة وتتهميه بالابتزاز والمضايقة لان اساتذة الجامعة يخافون من الاحراج مع بعض ومعاملتهم مع بعض معاملة اكاديمية متكلفه كل واحد يحب يظهر عند الاخرين على انه ذكي ومثقف وعملي وجاد .

أشكر لك مرورك أخي قزاز

وبالنسبة للنصيحة،، لك جزيل الشكر.. نقطه لصالحي.. لكن أرجو من الله ان لا أضطر لفعلها..

اللي مخوفني إنه قبل فتره ليست بالبعيده.. قدمت على دراسة الماجستير.. وطلب مني رسالة تزكيه من عدد من الأساتذه.. كان هو واحد منهم.. و كي يستطيع هؤلاء كتابة رسالة التزكيه لابد من إرسال السيرة الذاتيه..
المصيبة أنها تحوي معلومات شخصيه يعني أرقام هواتف و صندوق البريد و عنوان البيت!!!!!!!

ياااارب ما يجي في باله يفتحها .. و الله أحس الأمور اتعقدت!!

ادعوولي ادعوولي..