منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المطلقات والأرامل والمتأخرات (http://www.66n.com/forums/forumdisplay.php?f=36)
-   -   oO نوعية الرجال لدى الخاطبات Oo (http://www.66n.com/forums/showthread.php?t=112128)

شوبارد 24-12-2006 09:36 PM

بما انك من الرياض اذن بساعدك لأني عايشة بنفس مجتمعك

الرجال وش يعرفه انك حاطة اسمك عند خطابة؟

ترى الخطابات يروحون لمدارس لجامعات لزواجات وياخذون ارقام البنات يعني ماهو شرط انت دقيتي عليها

وبعدين الخطابة ماتمدح الرجال ولو فرضا مدحته لاتاخذين بكلامها

خذي اسمه ومن وين وش اصله حتى شغله لاتسألينها ماعندها علم من كثر الرجال اللي عندها

وهي تاخذ اسمك ومواصفاتك الشكلية ومن وين

واذا كلمت اهل الخاطب وانت ناسبتيهم يدقون عليكم عادي وخذو المعلومات من بعض وابدأو أسألو انتم هنا ينتهي دور الخطابة الا ان كان تعطينها مبلغ بس!

والله اخوي متزوج عن طريق خطابة وامورهم ماشاءالله تمام التمام

انا مثلك مااحبهم أحس اني استعرض نفسي لكن لابد أن تبذل الأسباب



موفقة يالغالية

قزاز 24-12-2006 10:22 PM

ليس عندي ما اضيفه على ماطرحه الاخوة والاخوات ولكن مجرد تسجيل وقفه معك اختي عبير الرياض .

اصبري وصابري واحتسبي نفسك عندك الله واهم شيء في اختيار الزوج هو الاخلاق ..واحيلك الى موضوع كتبته في عالم المقبلين على الزواج تحت عنوان ( احذري ........الاخلاق قبل كل شيء ) فارجوا ان تستفيدين من هذا الموضوع ..

تحياتي.

بنان 24-12-2006 11:04 PM

نفس حالتك ... كنت اشترط الدين واللحية ... والجامعي ...

لكن مع العمر ومع تقدم العمر خلاص تبدأ التنازلات ... شيئاً فشيئا ..!!

اللي كنت أطلبه أمس اليوم خلاص مسحته من ذهني ...

اما سالفة الخطابات ... فما أحبهم

مرة خطابة كلمتني ... وأنا اساسا لم اسجل عندها اسمي

كلمت والدتي واخذت رقمي ... بصراحة لقيت عليها كذبات

رحت قلت لها : الحمدلله ربي سهل أمري ... وخلاص لا عاد تدورين لي

فهمت اني راح اتزوج قريبا ...

لقيتها تعرف كثير من زميلاتي ... وجلست تتكلم عنهم وعن ظروفهم

بصراحة فضيحه ...!!

اسأل الله ان يغنينا عنهن ولا يكلنا إليهن ...
.
.
.
.
.
.
.

بنان

ليدي سوفت 25-12-2006 12:11 AM

انا صار لي فترة عند الخطابات بعد ما دخلت الثلاثين

والله ما عندها الا اردى الناس

طبعا كنت رافضة المتزوج وابي مطلق
وفعلا حصلت مطلق لكن بعد السؤال عنه طلع مجرم بكل ما تعنيه هالكلمة له سوابق

قلت ليش اخذ مطلق
لان المطلق عنده اهله يدورون له
خاصة ان المطلق يعتبر نفسه كالاعزب


قلت اقبل بالمتزوج
لاني فكرت فيها عدل
قلت مادام زوجته صابرة عليه
على الاقل اضمن انه مو راعي خمر ولا بنات ولا مخدرات ولا يضرب زوجته ولا عنده سوابق ولا عقيم
لان لو كان كذلك لكانت زوجته طلبت منه الطلاق

والمطلقين عن طريق الخطابة تخافين منهم لان احتمال كبير زوجته ما طلبت الطلاق الا لسبب قوي كأن يكون سكير او راعي بنات او مخدرات او عنده سوابق او عقيم او يضرب زوجته لذلك تجدينه يبحث عن طريق خطابة


اما المتزوج اضمن انه ما يوجد به تلك البلاوي

لكن للاسف
اغلب المتزوجين يدورون زواج مسيار او زواج بدون علم زوجته
وتعرفين شنو يعني بدون علم زوجته
يعني كأنه زواج باالسر او مسيار

هذيلي تعرفينهم بسهولة لانهم يرفضون خطبة الحريم ويقول يكفي حضوري للخطبة

واذا قبلتي تحملي النتيجة
مادام زوجته ما تدري عن الزواج اذن سيحلرص على عدم المبيت حتى لا تشك زوجته
حتى الطلعات ما يطلع معاك يخاف احد يشوفه ويوصل الخبر لزوجته
وربما سينكشف الامر في احد المرات
وتزعل زوجته وتهدده بطلب الطلاق والنفقة وعدم رؤية الابناء
الا اذا طلقك
عندها ستكونين الضحية


لهذا السبب لم اجد نصيبي عند الخطابات
والى اليوم ابحث ومستمرة من خطابة الى اخرى
وحاليا فيه متزوج عن طريق خطابة ربما اقبل به
لكن اعتقد انه سيتزوجني دون علم زوجته
واذا اصريت على حضور النساء للخطبة اغلبهم يتراجعون ويبحثون عن غيرك

وفيه منهم نصابين
يوافقون على خطبة النساء وتقوم الخطابة بارسال وحدة تعرفها لتمثل دور الاخت الكبيرة للمعرس
والله صارت مع وحدة من البنات لكن اكتشفتها



وعلى فكرة بعض الرجال ما عنده ثقة بالنت عن طريق خطابة
اكثر من خطابة بلغتني هالشي
تقول الرجاجيل يطلبون معلومات كاملة عن البنت وخاصة عنوان البيت ومكان العمل
ويظلون يراقبونها شهر ويشوفون اخلاقها ووين تروح

انا رفضت هالشي
قلت اعطيه فقط رقم احد اخواني ليتقدم لخطبتي
ومن اخوي يعرف عنوان البيت والعمل وتكون الطبة رسمية
وبعدها يسأل على كيفه
لان هذا الدف من الخطبة
فترة كافية لا تقل عن اسبوعين ليسأل عنا ونحن ناخذ المعلومات منه لنسأل عنه

وليس الخطبة اجبار على الزواج
يقدر يتراجع بأي لحظة
وانا اتحمل وابلغ اخوي بأي عذر في حال تراجعه
لكن اغلب الخطابات ارفضوا واطلبوا كل المعلومات وانه يراقبني

وانا ارفض اي شخص يلاحقني بمكان عملي
يمكن يطلع واحد مو زين ويسبب لي الشبهه

وفيه نوعية من المتزوجين يعطونك معلومات كذب في كذب
لا عمر حقيقي ولا مكان عمل حقيقي


بصراحة تعبت من هالموضوع ومو عارفة اتصرف

ساري10 25-12-2006 12:39 AM

اقتباس:

المشاركة الأصلية كتبت بواسطة ليدي سوفت
انا صار لي فترة عند الخطابات بعد ما دخلت الثلاثين

والله ما عندها الا اردى الناس

طبعا كنت رافضة المتزوج وابي مطلق
وفعلا حصلت مطلق لكن بعد السؤال عنه طلع مجرم بكل ما تعنيه هالكلمة له سوابق

قلت ليش اخذ مطلق
لان المطلق عنده اهله يدورون له
خاصة ان المطلق يعتبر نفسه كالاعزب


قلت اقبل بالمتزوج
لاني فكرت فيها عدل
قلت مادام زوجته صابرة عليه
على الاقل اضمن انه مو راعي خمر ولا بنات ولا مخدرات ولا يضرب زوجته ولا عنده سوابق ولا عقيم
لان لو كان كذلك لكانت زوجته طلبت منه الطلاق

والمطلقين عن طريق الخطابة تخافين منهم لان احتمال كبير زوجته ما طلبت الطلاق الا لسبب قوي كأن يكون سكير او راعي بنات او مخدرات او عنده سوابق او عقيم او يضرب زوجته لذلك تجدينه يبحث عن طريق خطابة


اما المتزوج اضمن انه ما يوجد به تلك البلاوي

لكن للاسف
اغلب المتزوجين يدورون زواج مسيار او زواج بدون علم زوجته
وتعرفين شنو يعني بدون علم زوجته
يعني كأنه زواج باالسر او مسيار

هذيلي تعرفينهم بسهولة لانهم يرفضون خطبة الحريم ويقول يكفي حضوري للخطبة

واذا قبلتي تحملي النتيجة
مادام زوجته ما تدري عن الزواج اذن سيحلرص على عدم المبيت حتى لا تشك زوجته
حتى الطلعات ما يطلع معاك يخاف احد يشوفه ويوصل الخبر لزوجته
وربما سينكشف الامر في احد المرات
وتزعل زوجته وتهدده بطلب الطلاق والنفقة وعدم رؤية الابناء
الا اذا طلقك
عندها ستكونين الضحية


لهذا السبب لم اجد نصيبي عند الخطابات
والى اليوم ابحث ومستمرة من خطابة الى اخرى
وحاليا فيه متزوج عن طريق خطابة ربما اقبل به
لكن اعتقد انه سيتزوجني دون علم زوجته
واذا اصريت على حضور النساء للخطبة اغلبهم يتراجعون ويبحثون عن غيرك

وفيه منهم نصابين
يوافقون على خطبة النساء وتقوم الخطابة بارسال وحدة تعرفها لتمثل دور الاخت الكبيرة للمعرس
والله صارت مع وحدة من البنات لكن اكتشفتها



وعلى فكرة بعض الرجال ما عنده ثقة بالنت عن طريق خطابة
اكثر من خطابة بلغتني هالشي
تقول الرجاجيل يطلبون معلومات كاملة عن البنت وخاصة عنوان البيت ومكان العمل
ويظلون يراقبونها شهر ويشوفون اخلاقها ووين تروح

انا رفضت هالشي
قلت اعطيه فقط رقم احد اخواني ليتقدم لخطبتي
ومن اخوي يعرف عنوان البيت والعمل وتكون الطبة رسمية
وبعدها يسأل على كيفه
لان هذا الدف من الخطبة
فترة كافية لا تقل عن اسبوعين ليسأل عنا ونحن ناخذ المعلومات منه لنسأل عنه

وليس الخطبة اجبار على الزواج
يقدر يتراجع بأي لحظة
وانا اتحمل وابلغ اخوي بأي عذر في حال تراجعه
لكن اغلب الخطابات ارفضوا واطلبوا كل المعلومات وانه يراقبني

وانا ارفض اي شخص يلاحقني بمكان عملي
يمكن يطلع واحد مو زين ويسبب لي الشبهه

وفيه نوعية من المتزوجين يعطونك معلومات كذب في كذب
لا عمر حقيقي ولا مكان عمل حقيقي


بصراحة تعبت من هالموضوع ومو عارفة اتصرف


لسانك ياليدي انتبهي منه
يمكن هو اللي معذبك ارفقي شوي على حالك ..

الوفية لوالديها 25-12-2006 12:48 AM

و الله الزواج أصبح معقد للغاية ..

الله يسهل للجميع و يصبر الجميع ..

تأثرت من قصتك يا غاليتي يا ليدي ..

يا رب اجعل هذا التعب في التفكير في موازين اعمالك لانك تسعين للستر و العفاف

احس بالاختناق

قموووورة 25-12-2006 01:12 AM

الله يرزقكم ان شاء الله

وتخبرونا عن خطوبتكم قريب

ان شاء الله كلكم

عاجلا غير اجل

امييييييييين

الهوى نجدي 25-12-2006 01:46 AM

والله يا اختي ارى ان تبتعدي عن الخطابة
فلماذا يلجاء رجل إلى خطابة اين اهله اخواته لماذا لا يخطبون له
فعن تجربة شخصية لا يذهب غالبا للخطابة من الرجال الا من لم يجد من يقبل به في مجتمعه ومحيطه
لعيب فيه او لسوء اخلاقه والله اعلم
ايضا فكرة الرجل عن الفتاة التي وضعت اسمها وبحثت عن زوج لدى الخطابة ايضا سيئة
والله اعلم

والله يرزقك الزوج الصالح التقي النقي الذي على سنة نبينا محمد صلى الله عليه وسلم
ولا تنسي او تهميلي الدعاء (وقل ادعوني استجب لكم )

الكسائي 25-12-2006 02:23 AM

الله يوفقك أخت عبير وعليك بالدعاء ثم الدعاء ثم الدعاء وأكثري من الاستغفار --أما الزوج فعليك بصاحب الدين والخلق الرفيع أبحثوا عن صاحب الدين والخلق

ويبقى الامل 25-12-2006 04:23 AM

اناا كلمتني وحده قريبه لي وتقول انهاتعرف خطابه ولو تبغين
اقولهاتدور لك على رجال فقلت خليني افكر
طبعاتقول لو تم الزواج تاخذ مني مبلغ من المال وتاخذ من الرجال مبلغ
فمحتاره وللحين قلتها عطيني مده اشاور حالي
مرات اقول لاا انتظر الفرج من عند ربي ومرات اقول اقولها تبحثلي
فماريكم؟؟
واعذريني عبيرر لتدخلي في موضوعك لكن سبحان الله نفس تفكيرك احسها قويه اني انا الي ادور؟
ربي يوفق الجميع


الساعة الآن 04:18 PM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©