كثره النوم وتقديسه مؤشر على انها تعاني من فقر دم شديد لأن من أعراضه حب النوم والكسل الشديد
راجع الطبيب للتأكد من صحتها... وان شاء الله تتيسر بينكم الأمور.. الله يصلح مابينكم ويوفقكم لما يحب ويرضى...

اخي ... كان الله في عونك

انت غلطان من الاول ... كيف تتنازل وتجيب انت الطعام من برا

انت اللي تساهلت معها من الاول

سو مثل ما قالت لك اختي بسمة رضا

وخلك حازم ... انت رجل البيت

ربي يسهل امرك

الله يكون في عونك انا مكشلتي شبيهه بمشكلتك في النوم فقط


لكن بحكم ان زوجتك كسولة أنصحك نصيحة ورتبها على كيفك وهي


خل أكلك برا أو جب لك أكل يكفي شخص واحد يعني لاتحسب حسابها وخلك جاااد في المسألة


المرحلة الثانية إذا ماأستجابت ..أنتظر حتى تروح تزور أهلها وإذا راحت خلها لاتجيبها بتتصل فيك



وتقول وينك عطها الخبر الصاعق قل اجلسي عندك أهلك حتى ارتب أمور زواجي الجديد


بتقول ويش سويت لك وليه تتزوج قل لها إذا فات الفوت ماينفع الصوت

أنا كانت مشكلتي مثل زوجتك تقريبآ لأني في بيت أهلي ماأعتب على المطبخ عند أهلي بدل الخدامه ثلاث بس زوجي تحمل شوي وشد علي مرات بس تعرف ألي بيشجعها أنك تدخل معها ياخي ساعدها في البدايه قل مشتهي كبسه يالله تعالي ساعديني واستمتع أنت أنك تدخل معها وشوي شوي بتحب المطبخ وزوجي خط خطين ومحى الثالث على أكل المطاعم وبعدين على مشكلة النوم اذا جيتا بتطلع من المكتب دق عليها وقل شوي وجاي أبغى قهوه أنا زوجي كان كذا لدرجه صرت استحي ارد عليه وانا صوتي نايم اقوله لأقايمه من زمان واخر شي تفكر فيه الضرب من أي عصر أنت كل مشكله ولها حل أهم شي الصبر وبعض الشده عشان تمشي الأمور

فكر في زوجتك وادرس الأسباب انت تقول ماعندها شغاله وعندها ولد عمره 8شهور حاول تساعدها وتعاونها بشغل البيت لأنا اكيد مضغوطه الله يعينها والنوم عاد تلاقيها ماتنام من ولدها اسألها وحاول تكون حضاري وش ضرب وماضرب ابدا لاتمد يدك عليهاو عليك بالصبر واطلب منها كل شي بأسلوب حلو

اخي ليش ما تحدد لها وش تطبخ يعني كل يوم قبل ما تطلع على الدوام قول لها ترى ابي تطبخي لي اليوم الطبخه الفلانيه وما تنسين رح ارجع الساعه كذا والاقيها جاهز والا رح يسير شي ما تحبينه يعني تعال لها بالقوه الله يهديها اياك اياك اياك الضرب لانه ما يجيب نتيجه بالعكس ممكن تعمل مشكله وما يسير الي تبيه انتبه هداها الله طيب قول لها جاي عندنا اليوم امي خليها تطبخ وما تيجي امك يعني بس علشان تطبخ الله يهديها ويهديك لطاعته
تحياتي لك

شكرا اخواني واخواتي وسأفعل ما تكرمتم به من حلول ، وهو فعلا الخطأ خطأي انا اللي عودتها على هذا