|
تصدق أنت أول واحد يخسر في الأسهم
ههههههههه أمزح معك يا رجال عندنا وعندك خير أنا بعت سيارتي وأنا طالب في الجامعة ....طبعا ولا زلت طالب علشان أتزوج وخسرت نص راس مالي طيب من وين أجيب فلوس سيارة .... حتى سيارة ما عندي طبعا اضطريت آخذ سيارة بالأقصاد طبعا القصد ياكل نص مدخولي الشهري تقريبا وقبل الأسهم تسلفت 60ألف وفتحت مشروع وطبعا خسرت خسارة ورا خسارة الحمد لله ومع هذا لازلت أبحث عن مشاريع كي أعوض بها خساراتي أولا ثم أتزوج على الأقل أنت خسرت فلوس كانت لك لكن أنا خسرت فلوس مهي لي ولازم أرجعها لأصحابها ولا تنس إني في أول حياتي يا رجال كلنا في الهوا سوا لازم نواجه الحياة ...ولا تبينا نصير مكتوفين الأيدي أجل ليش الله خلقك رجال مهو علشان تصير قوي قلب وتواجه مصاعب الحياة الله يوفقك أخوي واعرف إن اللي صار لك بيزرع فيك روح الصبر والمتانة والقوة لمواجهة المصاعب في مستقبلك والله لا يجيب لك المصاعب إن شاء الله |
اقتباس:
الاخت ريفان 000 اللهم امين 000 هي ليس لها ذنب وانا لا افكر في الانفصال .... لكن هذه هي حالتي التي امر بها كتبتها لكم ... فلم اعد اشعر باللذة والسعادة التي كنت اشعر بها من قبل .. اصبح كل شئ لا طعم له ولا رائحة ولا لووون مشكووورة اختي |
اقتباس:
ايه والله انها وجع راس ،،، وتحمد الله مليون مره ،،، واما حبيبتي فلا افكر في تركها لكني اصبحت حتى لا اوفيها حقها .. الله المستعاااااااان.... وانتبه الاشراف يبيك بكلمة رااااس |
أخوي أعلم أنا ماأصابك لم يكن ليخطئك وما أخطئك لم يكن ليصيبك وبعدين هون المصيبه عليك أصبر وتصبر
وأحمد ربك على موقف زوجتك ومواساتها لك وهذا بحد ذاته نعمه من الله فلا تعاقبها بقدر قدره الله لك وبعدين أي واحد يدخل الأسهم لازم يتوقع الربح والخساره وهذه الحياة لكن بنصحك نصيحه عارفه أنك خسران بس أخرج صدقة لوجه الله رغم ظروفك الصعبه وعلم أن خزائن الله لاتنفذ |
الاسهم وما ادراك ما الاسهم
اللي جانا من الاسهم عقوبه من الله والحمد لله على كل شي اخوي الحياة مستمره والفلوس تجي وتروح لو تفكر فيها شوي عندك اخوانك اهلك ماراح يخلونك راح يساعدونك من الناحيه الماديه انصحك لوجه الله لاتخلي الفلوس تعميك عش حياتك مثل ماجمعت الفلوس اللي طارت بالاسهم بتقدر تجمع من جديد وربي يرزق بحلاله عن حرامه وتراها خيره اللي جاك لان الاسهم رباااااا والله فكك من الحرام واحمد ربك على هذه النعمه |
يا أخوي إللي راح الله يعوضه إن شاء
بس تضمن إذا تركت خطيبتك الآن تلاقي مثلها إذا تحسنت ظروفك؟ أو حتى تتنساها؟ توكل على الله و عيد التفكير ترى الكل أكل هوى بعد ما كان يحلم ياكل عسل بسبب هالأسهم و أولهم زوجي ( سيارات و أراضي و قروض...) وبعدين حنا إللي نجيب الفلوس مو هي إللي تجيبنا!!!!!!!!! الله يفرجها على جميع عباده |
طيب وبعد ما تنفصل
؟! هل راح يتحسن الوضع؟ انا اعتقد ان الموضوع انك محرج من انك لم تستطع استيفاء امورك الماديه قبل المده المحدده يجب ان تحادث خطيبتك بموضوع امورك الماديه ومن كلامك لا ارى منها الا كل عقل وخلق وصدقني بعد ما راح تفضفض لها راح ترتااااااح |
ماذبحنا إلا هالأسهم
ونصيحه لاتبيع سيارتك وتصير الخساره خسارتين وزوجتك كانت دبلوماسيه معاك ولبقه فليه الجفاء والصدود وهونها وتهون مافيه احد إلا وبياخذ رزقه العصبيه والنرفزه ماراح تجيبلك فلوسك بتجيبلك السكر والظغط ويمكن القلب |
يوووووووووووووووووووووووووووه ...:29:
ياكثر الرجال الي من خسارة الاسهم .... كرهو بيتهم وزوجاتهم وعيالهم .......... افففففففففففففففففففففففففففففف .. ماعاد فيه رجال .. وين الرجال الي تصبر على الشدايد .. وين الرجال الي ما يتخلى عن مسؤليته في اصعب الا حوال .. ما اقووووووووول الا رجالنا صارو غصن الشجره تهفه الريح وتكسره بعد ........... الله يعين زوجتك الي هاذا اولها واكتئبت و جتك الهموم ... اجل اشلون بتعتمد عليك في المستقبل ... وشلون بتكون سندها .. خلك رجال واترك عنك الرخامه ... هاذي زوجتك .. واهلها على علمهم مزوجينها رجال .. بيعزها ويعتني بها ... مو من اول مشكله تواجهه بيرميها ... (تكفوووووووووووووووووون صيرووووووو قد المسؤليه والا لا تتزوجون ) |
قال الرسول صلى الله عليه وسلم :
(من لزم الاستغفار جعل الله له من كل هم فرجا، ومن كل ضيق مخرجا، ورزقه من حيث لا يحتسب ) |
| الساعة الآن 05:55 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©