|
انا ايضا من ضحاياهم ههههه
نصيحه لكم اخواتي لاتستقبلوهم مخادعين ،، يجونك البيت ويعملون تنظيف سريع للبشره وتحدد لك نوع البشره وبعدين تعرض بضاعتهم وتعالي شوفي الأسعار المشعلله والإ الأسلوب اللي يسحرك ويجبرك تشترين منهم اشتريت من عندنهم مقشر اسبوعي بقيمة 200 ريال وربي مااستفدت منه لذا احذرو ثم احذرو |
أنا مثلك
أزعجوني لمدة 6 شهور في الأخر قلت طيب و جا اليوم الموعود فتحت الباب للمندوبه و ضيفتها مويه و قهوه وهيا بس تتكلم المسكينه و تروج للشركه أبتسمت في وجهها قلتلها بصراحه أنا ما عندي رغبه أبدا أبدا في الشراء منك حسيت اني ظلمتها و هي تعبانه من الدواره في البيوت بس فهمتها قد ايش اتصالات الشركة ازعجتني و تفهمت للموضوع و علمت على اسمي في الملف الموجود عندها و قالتلي ان الشركه اللي ترسلها و هي مالها ذنب و كانت تبغى تعملي تنظيف بشره و تهاويل قلتلها ما يحتاج فرحت مره و خرجت من عندي مبسوطه و أرتحت من ازعاجاتهم نهائــــــــــــــــــــــــــــــيا |
تصدقين كنت بنزل موضوع واسأل البنات لكن انشغلت بالامتحانات
ياطويلة العمر بدأ يتصل علي رقم غريب من عشر الاواخر من رمضان انا في البدايه طنشت المهم اخذت حوالي اسبوع وامكن اسبوعين وهي تتصل المهم بعد ماسافرنا ورجعنا الا نفس الرقم انا بسرعه استغربت وقلت خليني ارد الا تقول اسمي كامل بصراحه خوفتني قالت مرشحتك وحده من صحباتك والعجيب لمن سالتها عن اسم الي رشحتني قالت ام سعد وانا بحياتي مااعرف احد بهالاسم وحتى من الجماعه مافي احد اسمه سعد ههههههه المهم قالت اوصفي لي بيتك احنا شركه سويسريه بنصلحلك تنظيف بشره ونعطيك كريمات ببلاش قلت دامها بلاااش فرحت هههه المهم لمن جاتني بصراحه نرفزتني انا بشرتي الحمدالله مقتنعه فيها ومااقول صافيه لكن الحمدالله تمام قالت انتي تعتنين ببشرتك قلتلها ايه ناظرت في قالت مو باين بصراحه رفعت ضغطي الا ااطلع ورقه وكتبت كريمات بقائمه ولا طلبات اربع ضرات او طباين مثل مايقولون البعض المهم قالت تكلفتها 4700 انا طار عقلي قمت واقفه فجعتني قالت اجل خلاص خذي هذا وهذا وعندهم اسلوب عجيب واخذت مني 760 زي السلام عليكم ولااااااااا لمن اخذت الفلوس اعطتني فاتوره واليوم الثاني ارسلتلي رجال عند الباب يسأل عن اسمي شي يفشل بس الحمدالله امي كانت عندي وداريه عن الموضوع وسلامتك |
اقتباس:
تدرين ياشكوتك لله إنه لولا وجود مردود مادي كبير لهم من الزبونات ماكانوا استمروا رغم كل التحذيرات كثير من البنات يصدقون كلامهم لما تمدح لك منتجاتهم وخاااصة لما تكون البنت مره متضايقة من شي معين في جسمها تحسينها تبغى تسوي أي شي علشان يطلع شكلها حلو بغض النظر عن النتائج نفسي أعرف وين وزارة التجارة عنهم ؟! ماعندهم شي مرخص ومازالوا مستمرين بتجارتهم <<< اسميها تجارة ومافيها حقوق للمستهلك المسكين الله يحفظنا يارب ولاتوصين حريص حطيته عـ السايلنت وكملت نومتي :d |
اقتباس:
أدري إنها نصــب الله يحفظنا وماكتبت موضوعي إلا حتى أشوف تجاربهم وهل هم منتشرين كثير ؟ وتحذير أخواتي لما نقرأ تجارب من مرت عليها مثل هذي المواقف |
أنتبهي يأختي غالية من التعامل معه هؤلاء في وقت كثر فية السحرة والمشغوذين تحيتي لك |
اقتباس:
والله إنك خطيرة ياشوبارد خليهم يحرمون يدقون عليك :26: اللي قاهرني فيهم أسعارهم اللي على كيفهم مرررررررره غالية على مدري وشو مافي أمل أخليهم يجون عندي يكفي اللي أسمعه بقولك شي ثاني ياشوبارد هي فائدة ومعلومة توني سامعتها من إحدى المحاضرات اقتباس:
وتعتبرين من المنافقين الله يبعدنا عنهم يارب دائما ً وضحي لها عن نيتك بقولك إن شاءالله إذا قدرت أو مثلا ً إعذريني لما قريت كلامك تذكرت كلامها لأني مررره خفت لما سمعت كلامها لأننا كثير نتساهل ببعض الأشياء وعند الله كبيــــرة لذلك حبيت أفيدك بهالفائدة مثل مااستفدت منها أنا والله يوفقك |
ياناس احذركم منهم نصابين
فيه واحد منهم له سنتين يدق علي يبي يبعلي جهاز تنقيه مياه يمكن ماتصدقون بس فعلا له سنتين اول ماكلمني يسلم وكانه صديقي من عشرين سنه رديت عليه وقلتله خلاص انا اذا ابي هالجهاز ابدق عليك وصار كل شهر يدق واقوله مابي يا اخي بالقوه بتبيعلي المهم راح شهر الا ويجي واحد ثاني من نفس شركتهم ويالله صرفتهم ومر شهر الا ويكلمني واحد ثالث قلت ياخي انا نقلت جده فكني بس قال اوكي عندنا فرع بجده يلللهههههههههههههههههه قلت مابي مابي مابي تركوني 6 شهور ويرجعون يدقون ولا ارد فكرت اغير رقمي ولا اشتري فعلا لاني تعبت منهم وربي اليوم الظهر داقين علي ولا رديت |
نفس الشي صار لي بس انا صرفتها تخيلوا لها سنة ولا نستني !!
بس انا تقولي شركة سويسرية المهم مرة قلت لها انا عندي اختبارات وما اقدر في هالوقت الحالي شكلها شافتمي طالبة قالت ذي ماعندها فلووووس على قولتك وراحت تدور لها كبش فذا اخر |
جزاك الله خير
بس ياعمري انا ماوعدتها قلت لها ممكن.. لأني انحرجت من كلامها |
| الساعة الآن 10:57 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©