|
انا زوجي جاته فتره يقول الجملة دي كثير فمره قولتله
البيت بيتي البيت بيت الزوجة واذا متضايق مني اخرج من بيتي وما اخرج من بيتي الا وورقت طلاقي معايه وبعدها غير كلامه صار لمى يتضايق يقولي حأسبلك البيت واخرج هههههههههههه بس دي ارحم من كلمة روحي لبيت اهلك |
أختي أكيد زوجك يقولها بحالة غضب وما يقصدها
وأكيد وهو معصب يبغا يقول لك أقوى كلمة ممكن انها تضايقك وبيغاك تخافين ... أنتي ذا قالها لك مرة ثانية قولي له لا أنا ما أطلع من بيتي وخلك قوية ولا تهمك الكلمة ... ولو صار بينكم زعل مرة ثانية انتي اللي أطلبي منه أنه يوديك عند أهلك قبل اهو ما يقولها لك .. طبعا اذا تحسين انه يقولها كذا كلااام بالهوا ... عشان يحس انك منتي خايفة منه وعاااادي انك تروحين عند أهلك أصلا الشي هذا يسعدك مهو عقاب لك ... والله يهدي لك زوجك ويوفقك ... |
اولا احب ان اشكر كل من تفاعل معي في هذا الموضوع
واخص بالشكر الاخت بتول واعجبتني فكرتك كثيرا اما بالنسبه للاخ رادع فليس هناك اي نقص ولله الحمد واود ان اقول للاخ عازم لنا تقريبا 5 سنوات وبالصراحه لم اسمعها الا في السنه والنصف الاخيره اما بالنسبه لوضعه المادي والعلمي اكثر من رائع ولله الحمد كم اود ان اوضح للجميع بان علاقتنا رائعه جدا وهناك محبه وتفاهم بل ان علاقتنا تعدت حدود العلاقه الزوجيه المتسمه في اغلب الاحيان بالرسميه بل نحن اصدقاء ومحبين ولكن احيانا تصدر منه هذ ه الافاظ وانا لاريد سماعها ولو لا العلاقه الطيبه بيننا ليس هناك مايجبرني على العيش معه فهو يحبني لابعد الحدود وانا كذالك واشكر الجميع ودمتم |
ابحثي عن سعادتك
|
خليكي من التطنيش او اذن طين واذن عجين
ولا تتنازلي عن حق من حقوقك اذا كانت الشغلة تهديد انا زوجي هلكني فيها زي كل الرجال بس قلت له اذا قولتها مرة تانية اعرف وقتها انها اخر مرة حتشوفني فيها ومن دحين تبغى تقولها قولي دحين عشان الم اغراضي ومن وقتها لين دحين ما سمعتها وسلامتكم |
روحي بيت أهلك
بس مو وانتي زعلانه يعني اذا ظروفك تسمح تجلسين عند اهلك اجلسي لك كم يوم خليه يحس بالبيت في غيابك كيف يمكن يبطل يكرر هالكلمة |
السلام عليكم
احترم جميع الآراء التي قيلت باستثناء التطنيش ..لا تفعليها أختي فالمرئ لا يتجرئ على الشئ إن لم يسكت صاحبه أعجبني قول السيدة الفاضلة rood بشأن تغيير زوجك و إذا كان من النوع (اللي راسه ناشفة) عندها إلجئ إلى والدك أو شخص من عائلتك يتمتع بالحكمة لتستشيريه قبل فعل أي شئ ثم بعدها افعلي ما ترينه مناسب من اقتراحات الأعضاء |
أتوقع إن زوجك ما يقول لك هالكلمة إلا بعد ما تنتقدينه بشي ......صح ولا لأ ؟
لكن بينيله إنكي تنتقدين تصرفه ما تنتقدينه هو بذاته......زي منتي عارفه ...إنتقاد الفعل غير إنتقاد الفاعل فبينيله إنكي مقتنعة فيه مرة لكن بعض تصرفاته ما تعجبكي وزي ما قالوا الإخوان ......قولي له هذا البيت بيتي وماني طالعة منه أبدا...تبي تطلع اطلع أنت |
يوووووووه
ياكثر مايقولها زوجي بس انا غير روحي بيت امك تعودت عليها ومع وجود الاولاد وداعا للكرامه |
المفروض من اول يوم سمعتيها منه لميتي اغراضك وطلعتي
لانك سكتي له صار يرددها كثير .. اعرف وحده كان زوجها دايم يقولها اطلعي روحي لأهلك وهي ساكته لحد ماجا اليوم الي اهانها وطردها من البيت وبرضو ساكته .. ماخلى لها كرامه .. كانت تبوس رجله عشان يخليها لأولادها .. بس خلاص ماصار لها كرامه عنده لدرجة انه تمادى ومره من المرات نزلها من السياره في نص الشارع وقال لها روحي لاهلك ..:24: بس مع الوقت اكتشفت انه ما يستاهل صار لما يقول لها روحي اهلك تشيل ملابسها واغراضها وتطلع وما توريه وجهها .. وتخلي ابوها واخوها يتفاهمون معه وتخلي اهلها يوقفون له.. بعدها تربى صار ما ينطق كلمه اطلعي من البيت نصيحتي لك فيه رجال ما ينعطو وجه .. اذا سكتي لهم استقوو اكثر وفرشو عضلاتهم .. اليوم بيقول لك اطلعي من البيت بكره بيفتح الباب ويرميك في الشارع:29: |
| الساعة الآن 10:27 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©