منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   إنت يا رجال..وإنتي يا حرمه..تعبنا وحنا ننصح فيكم..ادخلوا بسرعه (http://www.66n.com/forums/showthread.php?t=1189)

بوهيميا 20-08-2003 06:04 PM

أسعدالله مساءك أختي ايمو بكل الخير ...

أما أنه موضوع رائع ...ولا أحلى ........ ايمو دمك سكررررررررر والله .... :) ..... وخذي عندج بعض النصايح على سريع ...وعلى نفس النمط علشان ما اخرب السيناريو ... :)


* إلا بخبرج متى بتاخذين فيه ويه الله وتطبخيله الاكلة اللي موصنج عليها من شهر ... :mad: انبح صوته وهو يقولج (( غناتي متى بتسويلي اللي واعدتني فيها ... مشتهي آكلها من إيدينج)) ... ومر صيف وبعده شتاء ... والغلا والمديح لشاندرا تسلم ايدينج يا شندرا ويعطيج العافية يا شاندرا ..... منوه شاندرا (( بشكارتهم )).. غاري شوي :D وطبخيله اللي يباه او أي أكلة تعرفينها ... فضحتينا فيه ...

*أقووووووووول لا تنسى وإنت تطالع التلفزيون وياها ....و تظهر مذيعة جنها القمر... تسوي عمرك هب مهتم فيها أبددددددددد ;) ((أعرفك بتموت تبا تتمقل فيها ... لكن اركد ياريال )).. التفت صوب زوجتك اللي كاشختلك ..امسك ايدينها وتطالع برقة في عينها .. وقول ..لا خلاني ربي منج وهات من الكلام حلو ..... وعن تسبل نظراتك في المذيعة :eek: ... والثانية تتحول غلاية من الغيظ .... لتحرقك ...

*لو نسى إييبلج غرض من الجمعية وإنتي كاتبتنه له .. عن تيلسين تحنين وتنوفخين أوف أوف وليش ما يبته ..... وكيف نسيته ... جنج ضابط حركة :p .... الرايل هب ناقص مسوي اللي عليه وبعد أكثر .. قوليله يفداك الغرض وراعية الغرض وحبي ايدينه بعد .. تره ماقصر ... زين منه متبرظلج وساير الجمعية يشوف طلباتكم ..... الله يعطيه ألف عافيه .. :)


* كل يوم سهر في الميالس .. وحتى يوم اجازتك رحلة ويا الشباب :( .... يا أخي إنت هب عزوبي الحين وراك بيت وراك زوجة .... لهم عليك حقوق .. إن خصصت لربعك يوم ... من حقها عليك تخصص لها أيام .... هي سترك وغطاك .. وحياتك .. كنت حر قبل ارتباطك فيها وهي كذلك .... لكن الحين حريتك وحريتها أصبحت واحدة ... عاد هالله هالله في البنية وعن تسوي سالفة راشد .. (( منوه راشد ماعرفه ... )) ... :D


*عبود وطهف ايلس مكانك .... ليلوه قص الله يرعوبج ... :eek: ....وفلان وعلتان ... والمسكين :( يالس لا عارف يقرأ الجريدة ولا قادر يشوف تلفزيون ومتستغرب تفننج في كيل الشتائم ... يحصلها منج وإلا من العيال .. ... وحضرتج ما توقفين عن الصراخ .... عزيزتي ... إنت المعلمة الأولى لأولادك والقدوة التي يتأثرون بها ....لا تتبعين معهم أسلوب الصراخ واستخدام الألفاظ القاسية في تعاملك معهم في كل وقت .... خذي كل شيء باللين .... ولا تنسى الرجل يجذبه لباقة الكلام في المرأة وصوتها الدافىء الخالي من العصبية ... هو متزوج حرمه هب بندقية كلاشينكوف ...

*شوف عمرك في المنظرة . ;) .. شفت ... تمقلت عدل .... بالله عليك هاذي حاله الحين .. :mad: لا وتبا حرمتك تهتم بنفسها ....... وإنت شعرك ولحيتك فيهم غزو أبيض ... يا أخي في اختراع اسمه الصبغة .... خلك في عينها حلو .. علشان هي بعد تهتم وتكون مثل ما تبي وأكثر ... وحبه عليها وحبه عليك ... يعيش الحب بينكم ..

*أشوفج تبين تشترين الطقم اللي شفتيه أمس في الستي سنتر ;) ... ومأذيه الريال ..... متى بتوديني أشتري الطقم اللي خبرتك عنه .. ومتى بشتريه :confused: وهو مسكين توه توه فاصخ عقاله ياي من الشغل ... اختاري الوقت المناسب .. الوقت اللي تشوفينه هادىء وباله مرتاح .. وقت العصر قدميله الشاهي .. ابتسمي واغمزيله وإنتي تقولين ... تسلم يا قلبي على الطقم .. بيقولج أي طقم ردي عليه بفرحة بعد أي طقم اللي وديتني أشتريه .. مسرع ما نسيت ... لا ارادي بترتسم البسمة بينكم ... وبتتناقشون في الموضوع في جو مرح وكله حب... ويمكن يقولج قومي الحين نسير نشتريه .. (( جان زين يسويها .. )) ... :D


والسموحه .... من الجميع ... والله من وراء القصد.
ايمو تسلمين على هالموضوع خفيف الروح والمهم جدا ...

تحياتي
بوهيميا

أم أحلى آرام 20-08-2003 08:58 PM

يا ايمو

انها منقوله


بس لا تنسب خفة الدم اللي في الموضوع لنفسك

Emoo 20-08-2003 10:59 PM

الى اختي SiM_SiMa بعد التحيه

إنتي اللى عسل مو أنا

والله يعافيك..

والحمد الله انكم اتقبلتوة..

والف شكر على الرد

Emoo 20-08-2003 11:03 PM

الى اخوي الوديع1977 بعد التحيه

لك مني كل الشكر والعرفان على مرورك الكريم

وولي الشرف ان الموضوع نال اعجابكم

Emoo 20-08-2003 11:15 PM

الى الأخ بوهيميا بعد التحيه

هلاااا وغلاا فيك اخوي

كفيت ووفيت يا الغالي

والف شكر على مداخلتك

ومعكم ننجز..وبتواصلكم يستمر العطاء

Emoo 20-08-2003 11:23 PM

الى الأخ المحتــــرم أم أحلى آرام

اذا إنت لاحظت مواضيعي في المنتدى كلها بهذا الأسلوب

واحب اضيف شئ بسيط لك:

إذا اتتك مـــذمتــــي من نــــــــاقـــص
فهي الشهـــادة لــي بانـــي كامــــل


والف شكر على ردك ..والله يعطيك العافية


بس تذكر( حتى لوكان رأيك معارض فنحن نرحــب به )

بوهيميا 21-08-2003 12:00 AM

السلام عليكم
:)

عفوا أختي ايمو .. بالنسبة للموضوع هل هو منقول أم أنت من قام بكتابته ..

فإن كان من كتاباتك فهنيئا لنا بقلمك ..

وإن كان منقولا .. فالأولى أن تنسبي الموضوع لمن تعب في كتابته ... أو على الأقل تكتبي أنه منقووووووووول .......فأنت بردودك جعلتنا نحس أنك أنت من قام بتأليفه فأين الحقيقة ... ؟؟؟


نرجو التوضيح ...

بوهيميا

ليــل السكــون 21-08-2003 12:01 AM

يعطيك العافيه يا اخت إيمووووووووو

على الأسلوب الجميل والهادف الى الارتقاء بالزوجين

وما عليك من اللى يتكلم ويقول منقول انتى اكتبى ومالك شغل فيه

خلى اللى يقول يقول........




وشكراا.....


اخوك ليل السكون

رومنس 21-08-2003 01:02 AM

إيمووووووووووووووو

موضوعك صراحة رهييييييييييييييييييييييب

عجبني كثييييييييييير

حقيقة ينقصنا هذا الأسلوب الجميل في طرح النصيحة

واتمنى انه الجميع يستفيد منه سواء الأزواج او الزوجات


******************************

اختي الكريمة

أم أحلى آرام

احترم وجهت نظرك ..............................

ولكن

هل ذهبت الفائدة من الموضوع ولم يستفاد منه اي شئ

دائماً دعونا ننظر للجانب المضئ

كثير من المواضيع اطلع عليها اجدها منقوله .....................

وبعضها من نفس الموقع

ولكن اتقبلها .....................فقد يكون كاتبها نسي

او لم يفضل كتابتها تحرجاً

او او او ..............................

فأتمنى ان يكون ردنا .........................افضل من هذا


اختي إيموووووووووووووووو

العفووووووو عند المقدرة دائماً ديدن اهل الخلق الرفيع

فلا تردي الإساءة بذاتها

فأتمنى ان يكون ردك......................افضل من هذا

ولكم خالص تحياتي

حووواءء 21-08-2003 01:05 AM

أختي ايمو..

شكرا على هذا الطرح الرااائع .. و الأفكار الجميلة


مع تمنياتي لك بحياة مليئة بالملابس النظيفة و العطور الجميلة .. والاهم من هذا و ذاك .. زوج أنيق



أختك

حـــــــــــــواء


الساعة الآن 06:03 AM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©