|
اذا تزوجت بتفرحهم وتخليهم يشمتو بزوجتك زياده
فقط فهم زوجتك كيف ترد عليهم لانها مبين عليها طيبه ومتربيه وما تعرف لحركات قريباتك |
الله يعينك اخوي
بدك تصلح الموضوع بخطأ كبير زوجتك اكيد مجروحه من الكلام اللي ينقال المفروض انك تلمها وتجبر خاطرها مو تجرحها هي بنت ناس واللي زوجك ايها اهلك اللي بدهم الخير الك وبحبوك ولو مابحبوك مازوجوك ايها وبعدين هل الزواج الثاني حل؟؟؟ هو مشكله اكبر احتمال الجميله اللي بتتزوجها بعد اول ولاده او ثانيه تهمل حالها وماتعود جميله او ماتقدر تعدل وتصير بين نارين وقتها مين بفيدك ؟؟؟؟؟ اعقل وفكر واحسبها ،،،، الله يوفقك |
مع احترامي لكل آرائكم لكنها آراء مثالية فقط نتغنى بها ونسطرها على الكتب والمنتديات ...
لقد سألت أحد المتخصصين النفسيين فقال لقد أخطأت في عدم رؤيتك لها ويجب ان تصلح خطأك لأنك ستظل مهموما بقية حياتك ولن يغيب عن بالك كلام الناس عنها . وعليك ان تختار بين الزواج أو الفراق . ما ادري قد يتكلم هذا الاخصائي من ناحية نفسية بحته وانا غير مقتنع في كلامه واتمنى أن أجـد رأيا يريح نفسيتي ويهدأ مشاعري المضطربه . زوجتي الحالية احست بنفسيتي المضطربة وقالت لي مرارا من تلقاء نفسها انها لا تمانع أن اتزوج عليها متى شئت وترضى بذلك . |
الأمر غريب ..
ألم تكن مقتنع بها في بداية زواجكما ؟!! لما تغيرت هذه القناعة ؟!! هل لمجرد نساء حاقدات ؟!! الأكثر غرابة إنك أنت من اعترف بأنهن ذوات لسان ..!! لما هذه النظرة الضيقة ؟!! لما جعلت بصيص نورهن المظلم يتسلل إلى عقلك ؟!! فكر .. هل أنت مرتاح مع زوجتك الآن ؟!! ربما إن تزوجت من أخرى ستنقلب هذه الراحة ندم وألم وعدم استقرار .. والأكثر من هذا .. ستظلم هذه المرأة .. |
معقـــــــــــــول ما اصدق
:(
[ SIZE="5"] زعلتني والله يأخ زوج مصدوم ،، [/SIZE]الحين عشرة سنتين بتهون عليك في ناس اشكالهم تكون عادية جدا ،، لكن مع العشرة والاندماج نجوفم ملائكة وهذا من طيبة قلبهم لكن انت تعرف جوهر قريباتك ....... وانا اعتبر هذي تصرفات ناس جوهلى.. وانت بدل ما ترفع معنويات زوجتك المسكينة الي تسمع الانتقاد من اهلك تفكر تتزوج عليها (الله يسامحك) وهل تفضل تاخذ وحدة جميلة جدا وتعيش معاها في جحيم ، وتقول لي انت الذي تنخدش مشاعرك و مب زوجتك .. :( |
http://www.up07.com/upload-45/wh_24443899.gif اقتباس:
لا تقول اخصائي نفسي مع احترامي هذا مايعرف شغلهـ .. على فكرهـ انا اخصائية نفسيهـ واذا كانت في كلمة محظورهـ تنقال للمريض .. هي انكـ اخطأت في الماضي .. بعدين لو اتزوجت ماراح تنتهي المشكلة بيقولو انكـ متزوج وحدهـ حلوهـ ووحدهـ بشعهـ ( مقارنة بالاولى ) .. وبرضهـ ماراح تسلمـ اذا انت تظن نفسكـ مهمومـ ومجروح .. فبالله كيف يكون شعور زوجتكـ ؟ انت اخترتها بارادتكـ والغلط عليك انك وثقت بذوق اهلك .. اما هي راح تدفع ثمن غلطه هي ما ارتكبتها .. لا تقدر تتحكم بشكلها .. ولا كانت تدري انك بعد الزواج راح تغير رأيك .. الفلوس اللى بتدفعهـا مهر لزوجتك الثانية .. ادفعها لزوجتك تعمل عمليات تجميل .. اذا فكرة الزواج براسك لسبب آخر تزوج .. لكن لا تقول عشان زوجتي جمالها اقل من العادي بتزوج لأن الناس جرحوني بكلامهم .. http://www.up07.com/upload-45/wh_24443899.gif |
اقتباس:
وبعدين عمليات التجميل محرمة الا في حالات استثنائيه لاصلاح تشوه واضح .. انا اعترف بخطأي في اني لم أرها قبل الزواج لكن ذلك لا يعني ان اظل بقية عمري هكذا ..... هي لا تمانع من زواجي وقريباتي قالوا ذلك الكلام لأن أعداد كبيرة منهم ما زالوا دون زواج رغم تقدمهم في العمر فحز في نفسهم ان لا اتقدم لأحداهن يعني لديهم بعض العذر فيما قالوه . |
أخوي اسمح لي . أقول لك ..
شكلك والله العالم .. إنك حاط الموضوع هذا عشان يجي أحد ويقعد يشجعك على الزواج وترضي نفسك .. لكن لما شفت إن الكل تقريباً ضدك ... قلت وقلت .. طيب ليه مدام إنت تبغي تتزوج على زوجتك .. ليه حاط الموضوع تستشير الأعضاء .. صحيح كل شخص له وجهة نظر .. بس إنت وجهة نظرك شكلك تبغى تتزوج ... وثانياً :: اقتباس:
يحطموا زوجتك عشان إنها مو جميلة ولهم العذر ؟!! ليش عشان يبغوا يتزوجوا ؟!! رتب أفكارك .. وعذراً على الكلام إن كان به جرح لمشاعرك الجياشة .. |
حرام عليك يااخي ..تبي تتزوج وحده حلوه علشان هالقليلات الادب؟؟؟\\
اهم ماقالو انها مافيها ذرة جمال لانهم حاطين عيونهم عليك>>>اكيد فهمتها من كلاممهم وانتقادهم الدائم لزوجتك والله ياخوي اذا تبي تحرهم خل زوجتك تحمل وتجيبلك العيال وهذا الي بيزيدهم قهر والجمال جمال الاخلاق..وش فايده تتزوج وحده ملكة جمال واهي طويلة السان وتتشرط وتفلسك مره وحده؟؟؟!!!! ترى حتى لو تزوجت ملكة جمال بيقولون بشـــعه ازيد من الاولى>>>معروف كلام الغيره خل عقلك في راسك وخل زوجتك تملك قلبك وانت املك قلبها وقل لزوجتك اذا شافتهم فيي مكان لاتجلس يمهم ولاتسلم بعد..لان السلام على امثالهم حراااام وماتدري يمكن اذا مدت يدها لهم يفشلونها ولايمدون يدهم ويسلمون! صدقني اذا صدقت كلام الحريم الماصخ بيخرب بيتك وحياتك والله يسعدكم ياااااااااارب |
اقولك اخوي...بعد ماقريت ردودك..ترى ماعندك سالفه بالمره
عذرا على كلامي بس كلامك يقهر الي ماينقهر... اذا تبي تحطم زوجتك وتعدم ثقتها الله بيحطمك قبل لاتحطم شي فيها.... ليش قلت لامك تخطبلك اذا انت تعتبر كلام اقاربك عذر؟؟؟؟؟؟؟؟؟؟؟؟؟؟؟؟؟؟؟؟؟؟ بس تبي تذبح المخلوقه واهي حيه؟؟؟ واذا زوجتك قالتلك تزوج ماعندي مانع هذا لانها تحبك وشاريتك واعذرني لو انا مكانها والله جان توضيت وصليت ركعتين و دعيت عليك فيهم عذرا على كلامي اذا كسر ذره من مشاعرك |
| الساعة الآن 05:05 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©