لا يا غاليه ما يقهرونك ولا شي تراهم اضعف مما تتصورين وايه من ايات ربك تحرقهم بس كوني قويه واعلمي ان كيد الشيطان كان ضعيفاا انتي اقهريهم وقوي بينتك بالله والايات القرانيه وصدقيني ماراح يكون لهم عليكي ولا على بيتك وبنتك سبيل

الله يصرفهم عنكم

الحل بإذن الله بسيط
جيبوا للبيت راقي شرعي موثوق وخلوه يقرا عليكم كلكم
والله ييسر لكم أموركم
وسورة البقره تكون بالبيت علطول

بعد التحيه وبعد كلام الاخوات فاهم شيء بعد سورة البقره والاذكار لازم شيخ قراءه شرعيه ولازم زوجك يوافق مو بكيفه :19: واذا مايرضى جيبي حرمه فيه حريم جيدات والله يعينكم والله عورتو قلبي

جزاكم الله كل خير
اختي امل الحياة كلامج شجعني ورجعت لعنادي وعدم مبالاتي لهم وقلت هالكلام لبنتي وشجعتها ونفس اليوم لقيتها في الليل نايمه بغرفة اخوها الصغير وبنفس سريره على بالها اذا معاها حد مايصيدها شي وفي الصبح لقيتها نايمه بغرفتها ولمن شافتني قالت لي يمه كنت نايمه بسرير اخوي وسمعت عند أذوني صوت موسيقى ودندنه وشوي عند لساني حسيت بشي عضيته بالقوة وكان كأنه خشب وقمت وانا خايفه من الصوت ومن الشي اللي كنت اعضه ورديت غرفتي انام لان غرفة اخوي حسيت بخوف فيها
فقلت لها علشان تتأكدين ان غرفتج مافيها شيء وانها كوابيس تلحقج انتي والمطلوب تحصنين نفسج وباستمرار تشغلين سورة البقره وماتهتمين تراهم اضعف منج وخوافين ترى حدهم كوابيس لانج تكونين ضعيفه ومسترخيه فاستانست من كلامي وارتاحت
فجزاج الله كل خير


واختي الأميرة الهادئه
انا حالياً يومياً اقرا سورة البقره وبنتي باستمرار مشغله بغرفتها البقره وبخلي سالفة الشيخ للأخير
وجزاج الله كل خير

اختي amaha
اشكرج على الرد وجزاك الله كل خير
وانا حالياً بجرب استمر اقرأ سورة البقره كلها يوميا وبداوم عليها مع اني اول يوم قريتها كامله تهاوشت مع زوجي وخاصمته مادري شفيه زعل على بسبب تافه وراضيته وعصب بعد وقربت منه وصار كأنه وحش جدامي مو آدمي رافض حتى المسه أو اقرب منه
وبصراحه جاتني عزة نفس واحتقرت نفسي ليش مستمره ادلعه واراضيه وهو رافض حتى اقرب منه ويرفع صوته حسيته مصخها معاي وماقدرت اصبر ومع اني بس اكتفيت اني ماكلمه الا انه مثل المينون ليش اطنشه
يعني شسوي اراضيه مع انه الغلطان واقرب منه بدلع وغزل وشياكه ولبس نوم يقوم يرفض حتى المسه ويرفع صوته شنو مو للدرجه هذي مصخها وايد !!!!
ولأني طنشته قام يعصب اكثر ليش تركته واهملته واذا يبي شي يرفع صوته علي جدام العيال والخدامات فشلني جدامهم !!!
وخلاني اصمم اطنشه اكثر وللحين احنا مختلفين انا ماكلمه ببرود بس ادعي نتصالح وهو معصب ومايكلمني بس بعصبيه
ولنا 3 ايام من أول يوم خلصت اقرا البقره تهاوشنا ودعيت ربي يارب الأجر اللي آخذه بقرايتي سورة البقره لاتحرمني منه بسبب خلافي مع زوجي والله مو انا السبب وهو مصخها وصحيح اني ماكلمه بس اقوم بواجبي معاه لكن هو لا مقصر بحقي فصعب اسامحه ولاني جربت نتصالح رفع صوته وبعد عني شسوي بعد ولايكلف الله نفساً الا وسعها
واللحين اقرا سورة البقره لعدة اسباب ومنها ان الله يصلح مابينا انا وزوجي لان عني انا ماراح ابتدي الصلح نفسي ترفض رفض قاطع بس ادعي بصلاتي ان الله يهدي ويصلح الأمور بينا
ادري ان الواحد لازم مايسوي معاصي ويصلح حاله مع خلق الله وانا الحمدالله حريصه على هالشي بس شسوي طلعلي زوجي في الخط وادري ماتركب صلوات وعباده واقرا سورة البقره وأذكار ودعاء وبنفس الوقت مختلفه مع زوجي وماكلمه وهو نفس الشي بس قلت لكم الاسباب
وانا مخليتها على الله ويارب لاتؤاخذني وخله يراضيني ولو بس يقول السلام عليكم علشان يكسر الكبرياء اللي صادني لانه فشلني جدام الخدم ولازال مستمر ولانه فشلني اكثر وجرح كبريائي لمن رفضني حتى المسه وهو مايسويها معاي وانا ودي ينحل الموضوع والله كريم

أما بالنسبه للخدم
وفي نقطه بقولها للي يشكون في الخدام عني انا ماقول الا واعلي عليهم
امس واحده فيهم تركت شغلها وجاتني تركض وقالت لي ايوه مدام انا في شغل مايسمع انتي .... قلت لها وشو ؟؟ قالت لي انتي نادي انا ؟ قلت لها لا ماناديتج !! استغربت قالت لي نفس صوت مدام انا فكر يبي انا !! قلت لها زين روحي كملي شغلج وفي قلبي انا ادري من اللي يناديكم وينتحل صوتي !!
وللعلم مو اول مره يسمعون واحده تناديهم بصوتي ويحسبونها انا دايماً
ومو اول خدامات يسمعوني اناديهم مافي خدامه الا وجاتني تركض تحسبني اناديها وكذا مره ازعجوني وادخلوا علي وانا بعز نومي ويقولون لي ماما ناديتينا وانا مادري اعصب عليهم والا على اللي مايتسمون !!
ويسمعون هالصوت وهم في ملحقهم تحت ويطلعون لي فوق بغرفتي يلقوني نايمه يعني معقوله انا اللي ناديتهم !! فهم على طول يتأكدون ان اللي سمعوه تهيأ او اي شي انا وياهم نسكت ومانعلق على الموضوع وكل واحده تفسرها بكيفها
ومافي غير واحده خدامه هنديه مسكينه كانت عندي زمان في بيتي القديم وهي اول واحده تقولي عن سالفة ان واحده تناديها نفس صوتي ومسكينه كانوا مستلميها عدل كل مانامت بعد مايروح العيال المدارس وانا اروح شغلي كل ماتبي تحط راسها شوي وتنام الا تفز وتقوم من نومها لانها تسمعني اناديها وتركض وفجأه ماتلاقي حد وتتخرع وتحكيلي شصار فيها هذا غير اذا كنت موجوده اشوفها جايتني تركض وصوتها عالي نعم ماما نعم ماما .... اقولها شفيج ؟؟ تقولي انتي ناديتيني متى !!!!! ياغفلين لكم الله ..... ماقول الا الله يذكرها بالخير

في الاخير ..... انا مصممه استمر بقراية سورة البقره ارتحت كثير لها مع اني قبل كانت عندي مشكله وكل مافكر اقراها ماقدر اتملل وانشغل واكتفي بس اسمعها بس اللحين لا مصممه ويوميا اقراها كامله وصرت احس انها قصيره مو طويله وقلت لعيالي يحاولون يقورونها يوميا ولو جزء
وسواء فادتني والا لا انا بستمر فيها احس اني تعودت عليها واحس براحه كبيره منها واقصد بالراحه هي الراحه النفسيه وانشراح الصدر وان شاء الله يكون في قرايتي لسورة البقرة خلاص لبنتي من الكوابيس
أما الشيخ بخليه للرمق الاخير والله الشافي

الله يذهب عنكم الشر استمري بالقراءة ولا تملي حتى انا كنت اسمع اشخاص ينادونني وكوابيس ولقاءات مع الجنيات طبعا في الحلم وبعض الاحيان اراهم مباشرة وانا مستيقضة ولكن ما كنت اخاف كثيرا منهم واستمر اقرا القران وخصوصا اية الكرسي وهذه الاحداث صارت لي عند بداية التزامي اشتد علي ذلك وكنت لا اخبر احدا الا نادرا استمر ذلك معي الحال حتى هاجرت البلد والحمد لله لم اعد احلم بذلك الا نادر الاخوان ردو عليك ووفوا وجزاهم الله كل خير

ينقل الموضوع لقسم الاسرة و الطفل مكانه الانسب