|
اقتباس:
( هي كانت تفكر في نظرة صديقاتها لها لما يشوفوا المريول متسخ فقط ) هاذي للأسف ماحسبنا حسابها . شكراً أختي الوفاء والله يسعدكم في الدنيا والآخرة. |
اقتباس:
أي والله ذكاء الطفل مشكلة كبيرة جداً للكبير ، الله يعيننا على التربية الصالحة . شكراً أخي AIM على المشاركة والله يعطيك العافية . |
اخي الكريم
انا مش ام لكن اريد ان اعلقعلى تصرف معين انو البنت نظيفة بدها تروح بمريول نظيف انتو هون كان مفروض تجعوها عالنظافة وعالسريع البقعة تنغسل وتتنشف بالمكواة او السشوار حرام يعني البنت متعودة يمكن عالنظافة مفروض تشجعوها اما هيك يمكن البنت حست انو مو فارقةمعكو النظافة المهم المدرسة وخلص ثم انو لف نظري قصة الطاعة العمياء في كلام جدها الاحمر احمر ولو كان الشي مش احمر !!!!!!! اخي الكريم هيك غلط مع احترامي الك ولزوجتك وللسيد الوالد علموها الاحترام والصدق والطاعة اما انو تحكي عن الغلط صح والصح غلط بس عشان تكون مطيعة اعتقد ما يصير عموما الواحد بتعلم وشكرا عطرح المشكلة عشان في المستقبل لمااصير ام اعرف اتعامل واسفة لو رايي في شي من الغلط انا ماعندي خبرة بالمرة وإن شاء الله ماكان رايي مزعج |
بعد إذن تذوقت الحنان ؟
لي تعليق على الموضوع وتوضيح .................. أنا أم البنت ..............وأراءكم كلها جميلة وسوف أضعها في عين الإعتبار وفكرة السشوار حلوة وما أقوللكم إنها ما كانت في بالي ولكن هذا ما أود قوله لكم عن إبنتي .................................................. .......... إبنتي (الله يصلحها ويهديها )قوية ولسانها طويل ....أنا تعبت معاها وأستخدمت وسائل عديدة والله كل من يشوفها يقوللي الله يعينك عليها ... جارتي لما تجيني دائما تقوللي شدي عليها حتى لا تتعبك بعدين طيب راح أقوللكم على موضوع اليوم طبعا بنتي نظيفة لدرجة لا توصف (شي يفرحني)لكن لما الشي يزيد عن حده ينقلب لضده ملابسها كل ماجات عليها نقطة (أيا كانت حتى لو موية )تغيرها ولكم أن تتخيلو ذلك جاتها فتره شهرين كانت عنها عاده غريبة إنها تقوم بنفخ يديها كل ثلاث ثواني تقول عشان الغبار وتعبت أنا وجدتها حتى تخلصنا من هذه العادة سريرها إذا أختها نامت عليه تقول غسليه والكاسة كاتبة إسمها عليها والملعقة قبل ما تاكل فيها تفحصها فحص مخبري تحت الأشعة البنفسجية حتى تتأكد أنه مافيها جراثيم طيعا أنا تعبت معاها وأشك أنه عندها وسواس شعرها في اليوم بدون مبالغة تطلب مني أمشطة من خمس إلى ست مرات وبعد ما أمشطه لو تطيح منه شعرة على وجهها أعيد التمشيط من ثاني والكل يقوللي لا تطاوعيها ومن غير ما أحد يقوللي أنا تعبت تصدقو في الصالة اللي دائما نجلس فيها لها مكان معين تجلس فيه وبقية الأماكن تقول فيها غبرة والله أبوها ما يدري عن كل هذه الأمور ...أبوها ما يشوفها في اليوم إن كثرث ساعتين أنا إللي معاها بالله أنتو قولو لي لو تركتها وكبرت وراها زواج وبيت كيف راح تنظف وتشيل ولا كمان أنا أروح وراها والله ما تتوقعو كيف كلامهاتتكلم فوق سنها بكثير مرة من المرات قالتلي (إذا ما تبغينا ليش جبتينا في الدنيا ) ومرة قال لي (هيا كذا الحياة الأم تتحمل بناتها ) ومرة كانت مريضة وأنا جاسة جنبها وأمسح على راسها فقالت لي أنا عارفةإنتي ليش تحبيني قلت لها ليش ؟؟ قالت لي (عشان الحزن على المريض) سالفة المريول أنا ما همني الموضوع زي ما همني تصرفها وعدم خوفها من أبوها وعنادها .....ياناس البنت عمرها خمس سنوات يعني قبل ثلاث سنوات كانت رضيعة خلوني أوصف لكم جلستها كيف كانت جالسة على الكنبة ولابسة بجامتها طبعا وقالت لي أنها ماراح تلبس الموضوع وحاطة رجل على رجل وفاتحة التلفزيون ...وأنا جنبها لفيت وجهي وجلست أبكي مسحت دموعي من غير ما تشوفني وقلت لها راح تلبسي المريول لأني أمس غسلتو ووسختيه وكان المفروض تهتمي بنظافته إذا أنتي تبغيه نظيف تدرو إيش تقوللي ....حتى ما تكلف نفسها وتقول لأ ...تز راسها بعني لأ وترجع تكمل المسلسل المكسيكي على التلفزيون هذا اللي نرفزني وخلاني أمسكها وأضربها ...وتتوقعو بعد ما ضربتها خافت أو شي لا كملت المسلسل ! طبعا أبوها الأن في العمل وأنا أكنب لكم من البيت وجات تتأسف لي كم مرة وأنا قلت لها لما أنسى الموضوع أسامحك راحت رتبت لي الصالة وشالت ألعابها وحطتها في الدولاب وجات قالت لي إذا دخلتي ولقيتي الغرفة مرتبة أسألي مين رتبها قلت لها مو مهم عندي البيت يكون نظيف المهم أنك تكوني بنت مطيعة وبارة وتسمعي كلام أمك الله يصلح أطفالنا وجزاكم الله خير |
ياقلبي عليها والله انها عسل وزي السكر
الله يحفظها لكم ويحميها بصراحه انتوا تكتبوا وانا اضحك وبنفس الوقت عيوني مدمعه بأختصار شديد وان شاء الله ارجع لكم بالتفصيل قبل كل شي احب اقولكم (انا خريجة رياض اطفال) وهذا السن كذا تعاملت مع 25 طفل بحالات مثل كذا واكثر بأختصار شخصية بنتكم مايبغالها العناد ابد يبغالها المسايسه ولاتقولوا بتستمر كذا ووراه زوج لالالالالا بتتغير هي هذي الفتره وتعدي اهم شي الاقناع والمسايسه يعني مافيها شي لو عملتي نفسك متفاجأه من البقعه وتقولي لها طيب ايش الحل السريع عشان مانتأخر على بابا؟ اذا قالت لا مااروح قولي لها ومعلمتك واصحابك اللي يحبوك نخليهم مانروح نلعب معاهم مافي حل ثاني يا ....بأسم الدلع وبكل حنيه امممممممم واجلسي فكري ثواني اذا مااعطتك حل قولي لها طيب انا عندي حل سريع بس لازم توافقي عشان باب مايزعل والمره الثانيه ننتبه للملابس من بدري وروحي غسلي الكم على يدك شويه وبالسشوار على السريع ولبسيها تدرين انت بهذي الطريقه اقنعتيها وبنفس الوقت علمتيها كيف طريقة حل المشكلات المهم البنت تراها عاديه جدا وطبيعيه لاتخافون عليها بس شخصيتها ماتمشي بالقوه خذوها كلمه مني بنتكم بالسياسه لان اذا عندتوا بتعند معاكم واشد منكم وبتوصلكم لأشياء ماتحمد عقباها فخليكم بالسياسه او التطنيش وبعدين لحظه جيبوا لها مريولين احتياط يعني انا اذكر اخواتي 5 مرايل لعيالهم 5 ثياب عشان كل يوم ثوب او مريول بحيث انها ماتورط مثل كذا هذا غير الغسيل المستمر يعدم الملابس حصنتكم بلا اله الا الله بس خذوها نصيحه لاتعاندوها السياسه افضل شي مع هذي الشخصيات على فكره بالنسبه للنظافه ممتاز خليها هي اللي تنظف الأماكن واشكريها وامدحيها على نظافتها الحلو على فكره خليها ترسم واذا تقدروا تنزلوا لي رسوماتها بيتضح لي نفسيتها البنت واحاول اني اعطيكم نقاط ومفاتح في نفسيتها اعطوها مجموعة الوان ووكراسة رسم وقولوا لها ارسمي في البدايه خلوها ترسم على كيفها وبعد ماتخلص خلوها ترسم ماما ولما تخلص قولوا لها ارسمي بابا ولما تخلص قولوا لها ارسمي المدرسه ولما تخلص قولوا لها ارسمي البيت وبإذن الله بيبان كل شي بالرسمه استودعتكم الله |
سمو الاميرة
تذوقت الحنان؟ ما شاء الله تبارك الله عليكم وعلى بنتكم الجميلة بصراحة انا ليس لى القدرة على التعامل مع شخصية مثلها ولذا فى انتظار باقى الدرس العملى من كل الاعضاء اصحاب الخبرة وبالطبع من المتخصصة الغالية "روح الغالى" (بكرة نشوفك هتعملى ايه مع سعود فى العاجل بإذن الله) الله يعينكم على تربيتها تربية إسلامية صالحة متــابعــة |
أختي الكريمة .. سمو الأميرة ..
لن ازيد على ماقاله الأعضاء ففيهم من هو أكثر خبرة مني وبعضهم قد يكون متخصص لكن غاليتي لفت نظري قولك أن ابنتك حفظها الله كانت تتابع المسلسل المكسيكي .. ياغالية .. درتك لا زالت صغيرة على هكذا مسلسلات وأنت تعلمين ما يكون في امثالها من الحركات والكلمات غير اللائقة .. فلا تستغربي كلام صغيرتك ولا تقولي تقول كلام اكبر منها لأنها اصلا تتابع برامج غير مناسبة لها .. حاولي استبدال هذه القنوات بقنوات المجد للاطفال ففيها تعليم وتربية وترفيه وتعلق بها كثير من الأطفال وبدون اضرار ولله الحمد بل كثير من الأمهات اللواتي اعرفهن يقلن أن شخصية ابنائهن تغيرت كثيرا بعدما ادخلوا هذه القناة المباركة .. وفقك الله القائمين عليها لكل خير ... هذا ما احببت اضافته .. وفقك الله وحفظ لك ابنتيك .. وزوجك .. |
انا من رأيي حرام عليك انت وزوجتك تقهرون البنت الصغيره ,, وتسلبونها ارادتها وتغصبونها
يعني قل لي انت لو في ثوبك لطخة شوكولاته بتغيره اكيد .. ولو امها في ملابسها شي بسيط بتغيرها اكيد البنت ما تبغى تلبس المريول بلطخة الشوكولاته. البنت نظيفه . تحب تظهر في احسن مظهر . لو بنتي كان فرحت انها بنت مفتحه وتحب النظافه والشياكه وتهتم بأدق التفاصيل .. المفروض اشجعها واقول لها صح ماعليش انااسفه ما نتبهت له امس واقترح عليها تلبس لبس ثاني خاصه انها في تمهيدي ومسموح لهم باي لبس.. انتو بالعكس بطريقتكم كذا راح تعودوها على الاهمال وقلة الترتيب والاهتمام بالمظهر .. بعدين ايش يفهمك عن وظعها يمكن صاحباتها في المدرسه يتمسخرون على الطالبه الي تجي وفي لبسها بقعه ..:29: |
أشكر كل من مر على الموضوع
وأشكرك روح الغالي حبيبتي بنتي الأن جالسة تلون وترسم وجات أتأسفت وسامحتها بس برضو ماراح أعطيها الشوكولاته لأني قلت لها شوكولاته لأ اليوم بس قلب الأم ...أعطيتها من شوكولاتة أختها .... بعدين جات جدتها عندنا وقلت لها الموضوع وقالت لبنتي مررة ثانية توعديني تروحي المدرسة قالت لها طيب بس لما يسير المريول نظيف ردت جدتها وقالت ...حافظي إنتي على نظافته مو كل شوية نغسل المريو ولا تغيبي عشان لا ياخذو دروس وتفوتك قالت بنتي ............عادي أحاول أجمع الواجبات وأحلها كلها مع بعض طبعا على جنب قالت لي جدتها كيف خليتيها تغيب كان وديتيها غصب عليها كيف تمشي كلامها عليكم قلت لها عاد ...إيش أسوي .... لكن لو عادتها راح يكون لي تصرف ثاني أنتظر ردك يا روح الغالي وإنشاءالله أجيب لك رسومات بينتي |
[QUOTE=ملاك الغربة][COLOR="Blue"]أختي الكريمة .. سمو الأميرة ..
لن ازيد على ماقاله الأعضاء ففيهم من هو أكثر خبرة مني وبعضهم قد يكون متخصص لكن غاليتي لفت نظري قولك أن ابنتك حفظها الله كانت تتابع المسلسل المكسيكي .. ياغالية .. درتك لا زالت صغيرة على هكذا مسلسلات وأنت تعلمين ما يكون في امثالها من الحركات والكلمات غير اللائقة .. فلا تستغربي كلام صغيرتك ولا تقولي تقول كلام اكبر منها لأنها اصلا تتابع برامج غير مناسبة لها .. حاولي استبدال هذه القنوات بقنوات المجد للاطفال ففيها تعليم وتربية وترفيه وتعلق بها كثير من الأطفال وبدون اضرار ولله الحمد بل كثير من الأمهات اللواتي اعرفهن يقلن أن شخصية ابنائهن تغيرت كثيرا بعدما ادخلوا هذه القناة المباركة .. وفقك الله القائمين عليها لكل خير ... هلا أختي ملاك الغربة لا أبدا أنا ما عندي دش أنا عندي المجد فقط وأقصد بكلمة المسلسل المكسيكي هو مسلسل أطفال بس طويل زيادة عن اللزوم ومهتمة فيه وتشوفو مرتين في اليوم عشان كذا أنا أسميه المسلسل المكسيكي من باب الدعابة يعني أسفة لأني ما وضحت المعنى وأشكر مرورك |
| الساعة الآن 02:41 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©