|
و الله انا آخر فستان خذته بـ6500 ريال و لبسته مره لعرس اخوي
و ألحين و الله موجود و ما منه فايده حتى زوجي لما شريته قال معقوله فستان بـ6500 !!<< الاخ ما يدري ان باقي فساتيني بـ8000 و 10000 و احنا للأسف ما نتبع طريقة بعض الاخوات اللي يتبادلون مع خواتهم او بنات خالتهم لازم كل مناسبه نشتري فستان و بهالاسعار المرتفعه اما اذا المناسبه كانت عرس احدى الصديقات او احد نعرفه من بعيد نشتري فساتين ارخص بـ1000 او 1500 و ممكن نكرر ارتداءه << لان هالفستان يكون ناعم و خفيف و مناسب لهالمناسبات ادعو لنا الله يهدينا:15: :d |
أختي غريبة هالكلام
هذه أسعار فستان العروس نفسها يعني لو المعازيم يلبسو بها السعر أجل إيش بقى للعروس ؟؟ بعدين أنا أشوف أغلب المعازيم صارو يلبسو فساتين ناااااااااعمة مرة أنا أخر فستان أخذته من أفخم محلات في الرياض ومسوي عليه تخفيض كان قبل التخفيض ب1950 وأبعد التخفيض والعرض الخاص ب450 والله حلو ومناسب وأنا كنت من أهل العروسة يعني مو من المعازيم والعروسة نفسها يكون فستانها بحدود ال10000 ريال وأتوقع لو أخذت فستان بالأسعار إللي أنتي تاخذيها معناته الفستان راح يكون ثقيل وكبير وفيه جبون وترتر وخرز ومتعب في المشي والتنقل وغيره أما تكرار الفستان والله أكرر الفستان إلى أن أمل منه ...ليش ما أكرر وليش أحمل نفسي فوق طاقتها مو عيب أعيد الفستان العيب أظهر بمظهر مو لي الله يهدي الجميع ومشكورة على الطرح وحلو الموضوع بارك الله فيكي |
أنا أخر فستان أخذته من أفخم محلات في الرياض ومسوي عليه تخفيض كان قبل التخفيض ب1950
وأبعد التخفيض والعرض الخاص ب450 :29: :29: :29: :29: :29: :29: لاحظتوا الفرق .... يعني كثير من اصحاب المحلات يرفعون اسعار الفساتين بشكل خيالي وهي اصلا أقل من هذا السعر وغالبيتنا يسعى لشراء الغالي رغم أنه قد لايناسب من تشتريه عند اللبس لكن تصر عليه لأجل سعره وفي الحقيقة المهم ما يناسب لا أن يكون مرتفع السعر .. وبالنسبة لي اكرر لبس فستاني أكثر من مرة وإذا استغنيت عنه أو تغير مقاسه على :25: وهو لا زال جديد في شكله فأعطيه اخواتي أو صديقاتي .. مع أني شخصيا لا آخذمنهن ولا البس ما اعطيتهن مرة أخرى ولنتذكر يا أخوات أن هناك مسلمات يردن فقط ما يسترهن فلا ننساهن .. وفق الله الجميع .. |
تحذيييييييييييير
أخواتي لا تستلتفن الفساتين من زميلاتكم أو تعطي فستانك لأحد من الزميلات ولا حتى تستأجري فستان ....أنتبهو من أنتقال الأمراض إيش تفيدك الحفلة بعد المرض .... الفستان الملبوس يحمل عرق الجسد وينتقل من فتاة لغيرها أعاذنا الله وإياكم من الأمراض ِ |
الف شكرررررررر لمن طرزوا ردودهم على موضوعي
وأراء في الأغلبيه عدم الإقتناع من هذه الطريقه في شراء الفساتين واستخدامها لمره واحده والمشكله بأسعار عاليه أخواتي ما المشكله إذا شاهدوا عليك الفستان مره او مرتين اوثلاث هل في هذا مشـــــــكله فصدقوني إن الرجال وأنا أولهم قد تنقص في نظره المرأه التي يكون هذا تفكيرها ,,,,,, وتقبلوووو خااالص شكررررررررررري |
ما أقول إلا الله يخلف علينا بس
بجد اشوف الشباب اقاربي المتزوجين يشتكون من هذا الشيء وفي واحد زوجته ما تلبس ثوب بأقل من 1000ريال يعني حاطته على الحديده الله يكون في عونه الله يرزقني بوحده عاقله بس وتعرف تقدر النعمه ألي عايشه فيها والله لا يغير علينا النعمه إلي حنا عايشين فيها |
والله اعتقد انه حتى لو اجرته الوحده واستفاد غيرها بما انها دفعت مبلغ وقدره اتعبره من التبذير والبذخ
اذا لبستي فستان مثلا بمبلغ الفين ثلاث الاف وشافوه الناس عليك احد بيدري انه بالمبلغ الفلاني بعدين الوحده ماتلبس هالفستان بهالمبلغ الا عشان تكون مميزه والله سبحانه وتعالى نهى عن لبس الشهره وانه سيحرق صاحبه بالنار ساعات فستان قماشه بمبلغ بسيط وموديل ناعم مايكلف شي احلى بكثيييير من فساتين نشوفها بالالاف الريالات الله يهدي نسائنا |
نعم حاصله وانا عن نفسي مااشتري فستان في حدود 800 الا للمقربين جدا والبسه مره وحده عند اقاربنا لكن مره ثانيه البسه بس بشرط يكون زواج عند زميلاتي يعني مو نفس المكان وبعدين اسال بنات اذا يبونه يتنقل من وحده لوحده عاااادي
وبصراحه استغرب في بنات يشترون فستان 2500 واكثر بصراحه صعبه عساني مارحت زواج وش حادني والله يهديني ويهدي بنات المسلمين اجمع وجزاك الله خيرآ اخوي تحيتي |
الحمدلله هالعاده موفيني
اشتري فستان سعره معقول واحلله ومايهمني كلام الناس لانهم ينقدون سوا الفستان غالي او رخيص والمهم مو الفستان بنظري المهم اللي لابسته |
صح فيه كثير مثل ماتقول
اما من ناحيتي انا ... اذا اشتريت ثوب جديد وعجب احد ثاني أأجره عليهم ماعندي اي مشكله اما انه يضل مكانه لا هموووم |
| الساعة الآن 03:30 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©