الله يكون في عونك وعون كل المسلمييين

لا أقول غير الله يجزيكم كل خير و يجعل لكم من كل ضيق فرج و مخرج....
أنا معكم أن الأهل يسمعون عن المصايب و البلاوي....
لكن الحمدالله أنا لست مراهقة...أنا الحين كبرت وأعرف الصح من الغلط.....حتى والله على كمبيوتري ما عندي برنامج الماسنجر ماسحتنه....حتى قنوات الأغاني و الرقص و الشات ما أشوفها ماسحتنها و أكرهها....يعني كيف اقول لكم...أنا نفسي أخاف...

و الصبر اااااااااااااااخ يا الصبر....والله الصبر مل و شبع ملل من صبري....
أستغفر الله حتى إيماني تأثر....
أقول يا ربي لين متى بظل على هالحال....لين متى مسلسل الأحزان مستمر....أسمع عن قصص و عن ناس تنتهي أحزانهم....بس أنا متى....متى يا ربي....لا أهلي راضين يتغيرون....و لا ولد الحلال راضي يجي...وش اسوي بعمري...

لين متى بظل محبوسه في هالبيت و خطواتي و كلامي محسوبين علي....حتى السوق...السوق اقدم طلب على الغرض اللي اريده قبلها بشهر لين ما اقدر أحصل الشي اللي ابغاه....

أقعد أكلمهم و أفهمهم يا ناس ابغي الحاجه الفلانيه...ودوني...لو سمحتو اخذوني لسوق....لو تكرمتو....و الرد اصبري لين ما نفضى....محد فاضي لك....او يقولون اوكي باكر بنروح...ولما يجي باكر تنلغي الرحله...اللي يسمع رحلة للقمر.....لين ما أظل كاتمه في صدري و آخرتها انفجر عليهم...و بعدين تصير المشاكل....

أعطيكم مثال ثاني...
قلت ما دام أنا كله محبوسه في البيت وما غير أفكر و هذا التفكير آخر شي بيجنني...فكرت ليش ما اروح أحد مراكز تحفيظ القرآن....أحفظ لي كم سورة و أتعلم في ديني..عمل صالح يفيدني يوم القيامة...عسى تكون آخراتي أحسن من دنيتي...خصوصاً إني للاسف لا أحفظ غير بعض السور القصيرة...لكن واجهتني عقبات و صعوبات منهم..
مين اللي يجشعني..لا أحد...مين اللي بيوصلني للمركز...لا أحد...طبعاً للأسف لا أحد متعاون أو حاس بي...

ااااااااااااخ هذا فيض من غيض لكن خلوها على الله....
أدعو لي أن الله يفرج همي و يصلح أهلي و يصلحني....
و أسمحو لي اذا اثقلت عليكم...و أسمحو لي على اللغة التعبانه نصها عامي و نصها عربي....لكن والله أكتب و أنا نفسيتي في الحضيض

عسى الله يفرج همج ويرزقج الســــــــــــــــــــــــــــعاده

اللهم آمين

ادعي الله في الثلث الاخير في الليل ..

نفس الكلام


هل جربتي إنكي تدعين الله ، وتصلين في ثلث الليل الأخير


أنا أسمع من بعض العبّاد إن صلاة الليل لها أثر واضح ومؤثر في النفس ، أنا سمعت إنها تكسب المرء طمأنينة


وتبين الصدق......



اللي يكون مع الله ما عليه ضرر لو كل الناس معادينه



دام إن عندك وقت فراغ ، أستغليه بالخير



والله الواحد ما يدري متى ساعته



الله يحسن لنا عاقبتنا

الله يعينج

كم عمرك يا اخت لولو؟

السلام عليكم ورحة الله وبركاته

والله اختي ( سيده لولو ) اني تعاطفت معك وحست بشعورك

مااقول الا الله يفرج لك ويرزقك الزوج الصالح اللي يسعدك يارب ويسخر اهلك ويهديهم لك

ومثل ماقالو الاخوات ادعي في الثلث الاخير من الليل
وعليك بالاستغفار لما له من الاثر العظيم بعون الله ويجلي عنك الهموم باذن المولى

ان شاءلله لك مني الا الدعاء

اختك سعيده