|
من واقع تجربة اقول :
اوقفي مع ابنك ضد الشلة .. يعني حاولي توصلي له فكرة : انت رجال ومحد له حق يلمسك ... ترى هذا الكلام مو للرجال .. واذا حاول فيك لاترضى ابد ... حتى لو هددك .. واذا كان اللي يهددك يقول انه بيعلم ابوك .. لاتخاف ياولدي انا بخلي ابوك يوقفه عند حده ... من هالكلام اختي .. ازرعي في نفسه الثقة .. واوقفي معاه لانه محتاج مين يوقف معاه .. وهذا موقف لتصنعي منه رجلا .. .................................................. ... ولا توقفي معاهم ضده ( اقصد بضربك له ) .. ... والله يحفظه ويرعاه ... ... |
عزيزتي
خلي أبوه يوديه و يجيبه على المدرسة يومي و لا تخلوه يطلع من البيت إلا بمرافق و الأولاد الثانيين روحوا لأهلهم و خبروهم بالسالفة الله يهدي جميع أمته |
لاحول ولا قوة الا بالله
الله يهديه ويصلحه يارب ويعينكم عليه |
لاحول ولا قوة الابالله
الله يعينك ويهدي لك إبنك يارب أنا من وجهة نظري تودوه لدكتور نفسي وتدخلونه بحلقة تحفيظ القران أفضل من اللعب مع أولا الجيران والضرب ياختي مو حل ممكن تهدديه صح إنه الي يسوي كذا تأخذه الهئيه ويدخلونه دور الرعايه ممكن إن هذا الشئ يأثر فيه المشكله بيغالها حل بالتدريج حتى تتمكنوا من الخلاص منها بشكل نهائي الله يهديه ويصلحه ويكفيه شر شياطين الانس والجن آآآآآآآآآآمين |
سبحان الله
من الخطا ضرب الطفل في هالمواقف لكي لايلجا لرفقة السوء الان حاولي تتقربي من ابنك وتشعريه بااهتمامك والدعاء الدعاء بان يبعد عنه المولى رفقة السوء الله يصلحه واخوانه ويريح بالك ويهديهم امين |
أولا الله يهديك يارب
لاتدعي على ولدك فدعاء الوالدين مستجاب وربما صادف وقتا لإجابة الدعاء فوقع وقتها بترتاحين؟ ماأظـــــن. نجي لمشكلة ولدك.. الضرب مو حل أبدا بالعكس بيخليه ينفر منك ويندم إنه قال لك شي. الكل يتمنى أولاده يكونوا أحسن الناس بس خلاص إنتِ صادفتك مشكله لازم تتعايشي معاها وتحليها بالشكل الصحيح أشعر إن ولدك ضحيه ويمكن ماكان يفهم اللي قاعد بصير ولما جا ولجأ لكم ضربتووووووووه والله قطع قلبي المفروض احتويتوه سمعتوا له وخليتوا أبوه يروح يتفاهم بنفسه مع الأولاد اللي للأسف إنتوا فتحتوا لهم الباب يتمادوا معاه أكثر لأنكم ضربتوه وصاروا يهددونه يايستجيب لرغباتهم أو يشتكوا عليه وهما عارفين النتيجه مسبقا إنها الضرب وإنه بيخاف ويستسلم. والله العظيم قلبي عورني من كلامك وإن شاء الله ربي يصلح ولدك ويهديه يارب ويرزقه حفظ كتابه ويخليه من أحسن الناس. بس اتعاملوا معاه بواقعيه أكثر وحطوا حد للي يتحرشون فيه ويهددونه وعلموه إنه الملجأ الوحيد له بعد الله هو أنتم وصدقيني بعد كذا أي شي يصير له هو بنفسه مايرتاح إلا لما يقولك. أختي قومي اتوضأي واقرأي قرآن وادعي الله إنه يساعدك في حل ذي المشكله ويفتح عليك ونسيت أقولك شي أكيد جا في نفس ولدك لما خاصمتوه وضربتوه إنه بس عشان الناس اش يقولوا علينا؟ طيب ومشاعره والشي اللي صار فيه وأكيد حيأثر على نفسيته..ماهمكم؟؟ مايحتاج أوصيك على ولدك لاتدعي عليه ولاتتخلي عنه والضرب مو حل. |
السلام عليكم ورحمة الله ..
الحل يتلخص في نقطتين: 1ـ إبعاده عن هؤلاء الصبية بأي طريقة هذا أولا, وإن أمكن نقله من المدرسة ومن الحي فهذا أفضل. 2ـ عرض الولد على متخصص نفسي .. أسأل الله أن يوفقكِ للخير ... |
كان ودي اشكركم واحد واحد كل من مر على الموضوع ومابخل علي بالنصيحه والله اني اقرا ردودكم وعيوني تدمع جزاكم الله الف خير وان شاء الله كل حرف سطرتوه لكم اجر عليه
انا من قبل مامد ايدي عليه في المره الاولى والمره الثانيه حاولت اني اتكلم معاه وافهم ان اللي تسوون حرام وكبيره وعرش السماء يهتز من افعالكم حاولت اني اخوفه لكن مادري وش اللي يصير ومن صج احنا محاربووون من الغرب واحنا ولله الحمد بينتا مانسمع اغاني ابد ولاعندنا الا قنوات بسيطه والمجد اول القنوات المتابعين لها ووالده كل صلاته في المسجد وصلاة الفجر من المحافظين على ان اولادنا يصلونها في المسجد لكن احنا نحافظ ونعلم وخارج البيت يختلطوون مع اولاد الحرام ...........واللي قاهرني اننا نحاسب على طلعاته وتكون بسيطه واولاد الجيران هم اولاد ناس محترمين لكن عيال الفريج ابنا اسر ماهم دارييين عن اولادهم شي............ لو اقول لكم ما قدر ولا اريد اشوف وجه ابني قهرني انا يوم كنت اسمع او اقرا عن سوالف الاولاد هذي اتعصب وانقهر من وضعهم واقول لروحي وين اهلهم عنهم كيف يسمحوون لاولادهم يصيروون او يسوون مثل هذي الحركات ............واليوم ابني يتعرض ويسوي استغفر الله العظيم اتمنى من كل ام تنتبه وتحذر وتتابع عيالها ولاتستأمن ابد ولازم مراقبة الاولاد وماتخلونهم بروحهم ويا بعض بلفيت انهم يلعبون سوني او يذاكروون .................................... مادري اوديه طبيب نفسي تشوفون ان بيستفيد منه وممكن يعالجه ويرجع ثقته بنفسه ..........................ابوه يقووول بيشركه بنادي رياضي يتعلم الكراتيه والدفاع عن النفس والله انا محتااااااااااااااااااااااااااااااااره واتمنى انه يكووون كابوس واصحى منه دعائي على ولدي من خوفي عليه من غضب الله وانا فعلآدعيت عليه ان كانت في حياته مفسده وعصيان لله واذيه لنا ولنفسه ان ربي ياخذه وهذا ارحم علي من ان يستمر على هذا الحال ونحن ماندري عنه ............وان كانت في حياته فيها صلاح وتوبه واطاعة الله في كل صغيره وكبيره الله يخليه ويبعد عنه رفقاء السوء ودعيت عليه وهو يسمع دعائي والحل اللي اعطيتوني اياه بالنسبه للبيت ننقل لمكان اخر هذا كان اول اقتراح لي لكن الظروووف ماتسمح لنا وان شاء الله يسهل امورنا ولاتنسوون تدعوون لنا الله يسهل امورنالاننا في حاجه للدعاء ولولدي الله يبعد عنه رفقاء السوء وبالهدايه ربي يفرج على كل من مر او خط بحرف ربي يبعد عنكم كل مكروووه والله يحفظكم و كل من تعزووون من الفتن ماظهر منها وما بطن وجزاكم الله الجنه ونعيمها |
الله يفرج همك يارب
يعني تتلخص نصائح الأخوه في التالي.. _عرضه على طبيب نفسي ليتخطى الأثر النفسي لهذا الأمر _احتوائه وإبعاده عن الصحبة الفاسده ودفعه للصحبة الصالحه بإلحاقه بدور التحفيظ مثلاً. _الضرب ليس حلاً أبداً وقد يزيد عناده والتمادي في الخطأ. ـمتابعة الوالد له خارج المنزل واصطحابه معه للمسجد لأداء الصلوات. وقبل هذا وذاك اللجوء إلى الله سبحانه وتعالى والدعاء بقلب الأم الصادق الحنون. وإن شاء الله نسمع منك أخبار حلوه يارب |
راجعو طبيب نفسي و لا تهملونا راقبو بدون ما يحس و اذا ما خاف الحين غسلو ايدكم منه بس لا تنسين
هذا ولدج ادعيله بصلاح و الخير مب الموت هذا ابتلاء من رب العالمين هو يرقب تصرفات اللى حوالنه و لازم تعرفون اصدقاءه ليش تتركونه يطلع و يدش على كيييفه الحين ما ينفع الندم حاولي تاخذيني للطبيب و لا تهملينه تراه امانه فى رقبتج يا اختي الله يهديه و يريح بالج الله يصلحا و يبعد اعيال الحرام عنكم و عن اولاد المسلمين |
| الساعة الآن 11:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©