|
الله يهنيكم ببعض ويعجل بزواجكم
انتي فهميه أن اهلك يزعجهم الزيارات الليلية و حاولوا تعجيل الزواج وكمان لا تحرميه من الاشياء السطحية ما دامت في حدود المعقول بصراحة ما ادري وش اقول لك لكن نصيحتي لكم تعجيل الزواج ولا هو لازم تخلصي الجامعة يعني لو يستلف و يدبر نفسه في رأيي انه افضل والله يوفقكم |
السلام عليكم ...
اسمحيلي يس احس انج وايد متشدده .. شفيها لو زارج بالليل هو زوجج ومافي شي يمنع .. قدري ظروفه يعني دوامه مايخلص الا بالليل وهو ملهوف يبي يشوفج المفروض تفرحين .. ماقال شي غلط والي يبيه منج شي طبيعي... الصراحة انا اشوفه وايد صبور... وبعدين قولي حق اهلج انه يمرج بالليل ويعطيج اغراض... ياختي خفي شوي واستمتعي بهالفترة .. ولا تشيلين هم هالسوالف.. ترا بعد الزواج تتغير الاوضاع شوي.. خفي شوي ولا تفكرين بهالامور وعطي اهلج خبر.. وشوفي شو يقولون اذا اتضايقو قولي حق خطيبج .. والله يوفقج ويهنيج مع زوجج ويسعدكم مع بعض.. دمتي بود أم وداد |
احمدي ربك هذي احلى لحظات العمر
تحرمين نفسك وزوجك من هاللحظات؟ اهلك ماراح يقولون شي هذا زوجك شرعاً... |
تبي الصراحه ولا اجاملك ...
صراحه احس انه ........... ووده يلمس اوووووو ولكنه خااايف من شي معين ... ونفس الطريقة انتى المفروض تخلينه يسوي اللي يبي لكن المشكلة الخووف انه كل يوم وهو يسفط عندك ع العموم بقوولك شغله مهمه مهمه مهمه مهمه واحد من اصحابي كنت كل يوم امر عليه الساعه 10 في الليل ونرجع للبيت الساعه 2 الفجر المهم كل ما جيت .. اشوف سيارة خطيب اخته عند الباب .. اقوله ايش يسوي ... يقول لي جالس معها .. ويصكون الباب فسبحان الله جلسو يمكن 6 اشهر ع هالحال ... كل يوم وهو محضر عندها من بعد العشاء الى الساعه 4 الفجر وبعض الاحيان يخرج ع صلاة الفجر يعنى تخيلي امر على زميلي ... وهو فيه ونرجع وكماان وهو فيه انا اشوف انك عاادي تستمتعي بحيااتك .... لكن لا يروح للامور الطوال لانه شي يخوووف منها وخصوصاً في الايام هذي صراحه شباب الايام هذي يخووفون .... احترامي تنبيه : الرجاء الابتعاد عن الالفاظ الجارحة |
السلام عليكم
انا ما اوافقكم هو صح فيها متعة لكن قد يأتي يوم ويحصل الشيء الكبير الذي يحصل بين الزوجين وقد لا يكون له اثر جيد فيما بعد، خاصة وان فترة الملكة طويلة وهو يأتي عدة مرات في الأسبوع فهل تتوقع ان يصبر سنة كاملة ؟؟! واعرف اختين حصل لهم طلاق بعد الدخلة وكانت فترة ملكتهم طويلة احدى الفتيات كانت ملكتها سنة وكان يأتيها احيانا ويقعد معها وربما يحصل بينهم بعض الأشياء.. لكن لم تكن زياراتها مرات كثيرة مثل هذا الشاب، وبعد العرس بثلاث اشهر حصل طلاق ولو انهم عرفوا بعض سنة كاملة ملكة بدون ما يعيشوا مع بعض، فطبعا لن يظهر شخصية وطباع كل شخص لللآخر إلا بعد الدخلة والعيش معاه، فقد يحصل امور بعد العرس وتظهر امور من الطرفين يسبب الفراق لا قدر الله. والفتاة الثانية ملكتها تقريبا 4 او 6 شهور، وشكلهم كانوا يحبون بعض وفرحانين ببعض، وبعد العرس وانتقالها معه لبيت مستقل، استمر زواجهم 6 اشهر وحصل طلاق ولما سمعت الخبر استغربت، وتسآلت ما السبب لكن لم اعرف السبب فهي امور شخصية. واحدى صديقاتي رفض ابوها ان يكون هناك عقد وملكة مثل ما فعل هؤلاء عمل عقد بنته يوم قبل العرس (وكانت فترة خطوبتهم سنتين تقريبا) وما شاء الله هم الآن متزوجين لهم تقريبا 6 سنوات وعندهم ولدين وبنت، الله يسعدهم المقصود هو، لا تزودوها في فترة الملكة، فقد تحصل امور تندموا عليها فيما بعد، وإذا حصل ان وقع الجماع قبل الدخلة ثم حصل شيء سبب الطلاق قبل الدخلة، وهي لم تعد بكرا، كيف يكون اثر هذا؟؟؟ وتكون مؤلمة على الفتاة خاصة ولن تضر الولد، وربما يظن اهلها انها ما زالت بكرا لأنه لم يحصل عرس ودخلة بعد ووووالخ من المشاكل التي قد تحصل فيجب ان تفهمه ان هذه الأشياء الخفيفة قد تؤدي لشيء كبير، خاصة مع طول الملكة قد يأتي وقت هو لن يصبر فيه فعليه ان يصبر ويقلل زياراته كثيرا ، ويمكنه ان يتصل بدل الزيارة احيانا ، ثم يجب ان تحاولوا تقصير فترة الملكة وايجاد حل للظروف التي تمنع من العرس الآن. هذه نصيحتي، ان تصارحيه بما يمكن ان يحصل والمفاسد التي قد تحصل منها وانه يجب ايجاد طريقة لتقصير فترة الملكة وإلا فيجب عليه ان يقلل من الزيارات واحيانا يتصل ويتحدث معك عن طريق الهاتف بدل الزيارة وتكون زياراته قليلة. والله أعلم |
|
اقتباس:
تصدق نفسي اعرف لمن تتزوج وش راح تسوي مع زوجتك وحبيبتي مهما كلمتيه بيصر على اللي يبيه فلاتعبين نفسك جربتها قبلك ومافي فايده |
والله تبي رايي عجلوا بالزواج سبحان الله تحدث مشاكل والا شي لان فترة الملكة بينكم حواجز ليست مفتوحة مثل مابعد الزواج وفترة سنة مررررررره ترفع الضغط لو اني محله تزوجتك على طول
بالتوفيق وانا اخوك |
واايت مون 77 ..
شكرا على الرد اللي بث فيني الهدوء..وشكرا للتفاعل الطيب.. ذي آرت اوف وار.. حل معقول ذكرتة لي..وسأحاول أن أطبقة..لعل وعسى يقلل من زياراتة..وشكرا للتواجد الطيب.. قطر النـــدى.. عذرا مني على الخطأ الغير مقصود..وشاكرة لك جدا على ردك واهتمامك بالرد علي .. رادع.. المشاعر ليست ريموت كنترول لكي نتحكم بها..ف أحيانا الشخص يفقد سيطرتة على نفسة بلحظات ..ولا يستطيع التحكم بها.. فهذا ما يحدث مع زوجي في بعض الأحيان حينما تتدفق مشاعرة بعد أن كانت ناضبة وجافة في أيام أخرى.. وشكرا لك على مرورك وردك اخي الكريم.. سوليا... هذا ما اخشاة..لانني سمعت من غالبية الاشخاص بأنة بعد الزواج تتمنى الزوجة ان تسمع كلمات اللهفة والشوق من الزوج..نقطة اثرتيها مهمة لي ..وشكرا لج عالتواصل.. تحياتي للجميع.. اختكم..جامعية :) |
شيختكم..
حل معقول ذكرتة لي وسوف ألجا لة عند إصرارة ..وشكرا على التجاوب والتفاعل معي.. غلا 2005 تعجيل الزواج الآن أمر مستحيل..وليس لي الحل الإ ان لا احرمة من القليل..ودمت بسعادة.. ام وداد..مرتتي الدنيا.. هذا ما يقولة لي بانة صبور كثيرا..وسوف احاول الا اترك الحبا القارب..ودامت هذة الاطلالة .. ريم 2006 ردك افادني بنقطة مهمة..وشكرا لكٍ على التجاوب.. الميثان.. فعلا لابد من أخذ الحذر وعدم التمادي ..وكل الشكر على التجاوب والمرور الطيب.. سمورة.. لكل شخص وجهة نظر ورأية..وفعلا نحل لبعضنا..وتسلمين على هالرد والطلة.. ام ولد... هذة حياتي معة مد وجزر..فأحيانا لا يستطيع أن يصبر وأحيانا يصبر وكأن الأمور عادية..ردك رائع وجميل ..وشاكرة هذا التفاعل القيم.. الحارثي.. وهذا ما يريدة..أن يكسر حاجز الخوف والرهبة..على الرغم من أن كسر هذا الحاجز لة عيوبة وميزاتة...وشكرا على التفاعل الطيب.. شيخة الزين.. والله صدقتي في بعض الاحيان مهما اتكلم ألاقية يحصل على اللي في بالة بالخفيف..والله يعيينا ويسهل الامور..وشكرا على هالتواجد الطيب.. امير الشوق 909 فعلا مدة سنة طويلة لكــن تجري الرياح بما لا تشتهي السفن والله يعيننا..وشاكرة لك هالمرور.. تحياتي لكل من مر هنا.. اختكم.. جامعية |
| الساعة الآن 10:23 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
