|
شكرا لكي اختي بنت النيل و الله يجزيج الف خير
و ان شاء الله اني احول مع زوجي انه يترك التدخين و الله يكتبلنا الي فيه الخير ان شاء الله |
هااااااااااااااااااااااااااااي
مشكلة الى عندش نفس مشكلتي وتعبنا وانا نبي نعرف سبب الاجهاض ونفس الفترة وكل الى ذكرتية مريت انا فية سبحان اله وتعبت من الفحوصات والتحليل وطلع كل شي سليم عند كل الدكتارة وبعدين فحصت عند دكتور جاي من الماني وعمل لي فحوصات وطلع عندي فيروس في الدم يقضي بشويش على الجنين الىمدة لاتقل عن 3 شهور واقل يعني حملت واحد ولد شهرين ونصف وسقط والتاني 3 شهور ونفس الشي اجهضت وهادي التحليل لاتوجد الا في المانيا والعلاج لمدة شهرين وهاذني اتعالج ترى الفيروس فيني وطلع في زوجي والفيروس ماتحسين فية ولا يسبب لش شي بس يقضي على الجنين اتمنى اني افيدش واذا بغيت شي عن الدكتور افيدش |
مشكوره اختي هوى النسيم ... انا بحاول اسوي فحوصات دم و خاصة اني الحين في امريكا يمكن يسولي هالفحص هنيه بس اريد اعرف اسم الفحص .. او اسم الفايروس الي يكون في الدم على اساس اسال الدكتوره الي تعالجني عنه ... و تسلمين الغلا على هالافاده
|
السلام عليكم ورحمة الله وبركاته
ذكرلي احد الاخون ان احد قريباتة مثل حالتك لها 3سنوات لم تستطيع الانجاب كل ما حملت يسقط الجنين وعملو فحصات وماخلو مستشفى الا زاروها والنتيجة لايوجد سبب جميع الفحوصات سليمة وشاء الله ان يكون علاجها على احد الاطباء اكتشف ان الدم لايصل الى الجنين وهذا الي يسبب الاسقاط ووصف لها اسبيرين حتى تحصل سيولة في الدم ويتم تغذية الجنين وشاء الله بعدها ان تحمل وتستخدم الاسبرين ومشاء الله الان عندها 3 اطفال بكامل صحتهم وعافيتهم هذا والله اعلم |
يسلمو اخوي او اختي الهجره
انا بعد سويت فحوصات بس للاسف ما احد فادني بشي بس حبيت اسال الدكتور متى اكتش ان الدم ما يوصل للجنين اثناء حملها او قبل ارجو انك/ي ترد/ي علي... و الله يجزيك/ي خير |
اختي السولعيه
راح اكتبلك تجربه اختي والله لا ازيد عليك حرف والا انقص الا اذا نسيت شي اختي حملت تسع حملت او ثامانيه بالضبط مادري كم ومن بين هالحملات من الاعلاجات الى اعطوها الدكاترة ثلاث منهم كانوا توم وسبحان الله لصار الحمل بالخامس او السادس توفي الجنين بطنها مافي دكتور مافي مستشفى بالسعوديه ماراحت لها وبرا السعوديه سافرت وكل واحد يقولها شكل ارسلوا اوراقها برا محد عارف وش سبب سبحان الله موت الجنين في بطنها تسع حملات وهي كذا حتى في حمله من حملاتها اذكر يومين كانت المسكينه تضرب ابراة مع فخذها الله يجعلهم ان شاء الله شفيعين لها بالاخرة المهم ذكرت له وحدة حرمه تعالج قلت بعد الله تعطيك علاج شعبي المهم كلمتها اختي بعد تسقطتها التاسعه قالت لها اذا حملتي ان شاء الله من اول يوم حملك لاخر يوم حمل يعني الين تولدين بالسلامه وانتي تشربين من (المرة ) الحرمه هذي ارسلتلها مرة مقري عليها قالت كل يوم تشربين كاسه الين الله يسر حملك وتولدين وكتب الله وحملت وفعلا بدات تشرب المرة الحمدلله مع كثرة قرات القران والاستغفار والحمدلله رب العالمين يام عندالله من خير وجيب ولد مثل القمر الله يخليه له ويرزقك ان شاء الله والان هو عمرة سنتين كل شي من الله لكن الواحد يتسبب ويسعى والله يكتبلك الخيرة وين ماكنتي ويرزقك الذريه الصالحه عاجلا غير اجلا |
مشكوره اختي غموض السنين ..
الله يخلي ولد اختك لكم و لاهله و الله يرزقني ويرزق الجميع انشالله و مشكوره على هالافاده ... بس انا سمعت ان المره ما تشربها الحرمه الحامل لانه تسوي انقباضات في الرحم او تسبب تسقط الجنين في الشهور الاولى للحمل هذا الي تقوله الي امي و عمتي ام زوجي.... بس الله يجزيج خير على هالمعلومه |
نصيحتي لك القلبيه
لاني حاسه فيك ومعاناتك وكلنا مرينا بهالشي والله يرزقنا ياارب ومايحرمنا ان شالله عليك اختي بقراءه سورة البقره يوميااا كامله تجيبين مويه مقري فيها سورة الملك وال عمران والبقره والحمد 7 مرات والمعوذات وتقرين فيها السور كامله مع الادعيه طبعا وتشربين من هذا المويه قبل لا تنامين وااول ماتصحين استمري 4 شهور متكامله لازم يوميا مايصلح تاجلين مثلا قراة القران لبكرى او تنسين تشربين مويه واتكل على الله وعليك بقياام الليل والدعااء وبين الاذان والاقامه وان شالله بذان واحد احد ربي بيرزقك ويرزقني وكل محروومه |
| الساعة الآن 01:41 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©