|
اختي الحنونة ...موضوع جميل جدا ورائع ...وفيه شيء من الترفيه ....بارك الله بك ...وساذكر لكم موقف كثيرا ما يحصل معي ...وانا طبعا اخذ الموقف بروح رياضيبة واضحك ...عندما اكون مدعوة الى احدى صديقاتي او لاي مناسبة ...اتزين واحاول ان اظهر بابهى صورة امام زوجي اولا وامام صديقاتي ...ومن عادتي اني بعد ان انتهي من كامل زينتي ان اتي الى مكان جلوس زوجي حتى ارى ردت فعله عندما يشاهدني ...في البداية كان زوجي لا يعلق ابدا على الرغم من اني ارى في عيونه الاعجاب وكنت اتضايق من ردة فعله فانا اتوقع منه ان يسمعني احلى الكلام....فصرت اساله مارايك بي ...اكيد اجنن صح ...فيضحك ويقول لي ...انت ترين انك اجمل واحدة في العالم ...
|
موضوع رائع!!! ويستحق المتابعة!!
لكن سأكتب بعدما ................................. أتزوج.. |
موضوع راائع والله يكثر من امثالك وامثال مواضيعك .............
اذا تذكرت شي بقولكم الى لقاء قريب باذن الله |
مرة اول ما تزوجت
ماكنت اعرف اصلح القهوة العربي والمهم تعلمتها من خالتي (ام زوجي) واخذت من نفس قهوتها حتى تكون نفس الطعم المهم لما صلحتها وكأني ذابحه ذبيحه هههههههه وفرحانه وحطيتها بالدله وجبتها مع التمر ,, وش تتوقعون رد فعله شربها وخلص الدله وهو ساكت وانا على احر من الجمر انتظر كلمه حلوة منه وخصوصاً اول مرة اصلح شي! قال لي : (أتذكر قد شربت قهوة زوجته عمي فلان يا عليها قهوة تاخذ العقل)!! انا هنا قلت بنفسي جالسه اصلح لك نفس طريقته اهلك ونفس قهوتهم وتروح تمدح قهوة زوجه عمك عقبها ما عاد صلحت قهوة كرهتها حتى شربها ماعاد صرت اطيقها... ومرة من المرات انا لابسه بلوزة حلوة لونها فوشيا وفرحانه فيها جديده وكاشخه فيها سألته وانا بالبيت قلت له وش رايك فيني وفي البلوزة لايقه علي والا لا!! قال انا ماعرف شي بهذي الامور؟ ولما طلعنا ودخلنا بيت اهله شاف أمه لابسه بلوزة قريبه من لون بلوزتي قال : هلا يمه وش اخبارك وش هالزين وهالكشخه هاللون مصغرك تصدقين ماعرفتك ظنيتك وحده من خواتي !!! انا سكت وسكرت فمي ولا عاد فتحته بحرف بس قلت بنفسي تو تقول ما اعرف امدح ولا اعرف شي بس قلت اسكتي يابنت مهما كان هذي امه!! |
ونسيت هالموقف مرة بالسوق انا كنت رايحه ادور لي لبس للعيد
وانا امشي وادور اقوله وش رايك حبيبي بهالبلوزة؟ يقول مادري ماعرف واقوله وش رايك يناسبني اكثر بنطلون والا تنورة؟ يقول انا ماعرف؟ وثم الصدمه احصله يطالع في بلوزة يقول هاللبلوزة تناسب على وحده مليانه! وبعدها .. يطالع في تنورة قصيره يقول الله هذي تنفع على وحده طويله ونحيفه! وبعدها... يشم ريحه عطر يقول الله تجنن ريحته تناسب وحده عمرها 20 سنه ؟؟؟؟؟؟؟؟؟؟؟ وش اسوي سديت فمي وسكت وقلت انا الغلطانه اذا دخلته معي السوق مرة ثانيه؟ |
اضحكتني يا اختي الغالية ريم ....اضحك الله سنك ... يمكن متقصد ان يفعل هذا حتى يضايقك ..ويرى ماهي ردة فعلك ....الله يهدي زوجك وازواجنا جميعا ...امين امين
|
موضوع جدا رائع وضحكتني مواقف الأخوات بقولكم على موقف صار لي مع زوجي ويقهررررررررررر مرة كان الحبيب جالس بالمكتب وكعادته يكتب بالمنتدى وقلت له بأتكلم معاك مرة طفشانة ممكن ؟؟؟؟؟؟ قالي اتكلمي أنا سامعك وصرت أتكلم وأحكيله رحت وجيت وصار وواش سويت وووووووووووووووووووووو :d وفجأة لقيته ابتسم ويضحك قلت له وش فيك تضحك :11: تدروووون وش رد قالي ماشاء الله عليك لك ثلاث دقايق تتكلمين وماوقفتي طبع أنا :30: صار عندي انفعال وش اوصف لكم بس قلت طيب والله ماعاد بتكلم معاك وخرجت من المكتب شوي وابكي إلا رجع الأخ ويعتذر ويقولي أمزح معاك والله وووو:17: هذا طبعا قطرة من بحر والحلو انه جاء يراضيني واحنا يالحريم مانحسب نرضى بسرررررررررررعة :17: الله يوفقنا ويوفق كل متزوج ومتزوجة ويجعل حياتنا سعادة تحيـــــــــــــــــــــــــــــــاتي |
غاليتي وحدة ونص نحن في انتظارك ياعسل لاتطولي علينا أسعدك الله في الدارين .. غاليتي ضايعه فالدنيا ان شاء الله عن قريب نفرح فيك وتجربي وساعتها لا تجي تشتكي :d الله يسعدك حبيبتي .. غاليتي سلوا قلبي اكيد اجنن صح ...فيضحك ويقول لي ...انت ترين انك اجمل واحدة في العالم ... ماينفع معاهم غير هالطريقه :22: يعني ما يمدحوا ولايخلونا نمدح نفسنا :d أسعدك الله مع زوجك في الدارين ... غاليتي alameer في انتظار اخبار زواجك قريبا بإذنه تعالى:14: وساعتها راح نضحك من اللي حيصير فيكي ..:23: أسعدك الله في الدارين .. غاليتي غدير الأبرار شكلك يا عسل من النوع المتساااامح لأنك ما تتذكري أي شي وأنا واثقه إنك مريت بكذا موقف لا لشيء الا لانها جزء من شخصية الرجال:29: ننتظرك لا تتأخري ......... أسعدك الله في الدارين ........ حبيبتي ريم 2006 يجنن حماسك :22: أحسك كااابته في نفسك ياعسل هونيها وتهون :d عقبها ما عاد صلحت قهوة كرهتها حتى شربها ماعاد صرت اطيقها... أحسن لك مضرة بالصحه :22: خليه يشربها لحاااله :29: قال : هلا يمه وش اخبارك وش هالزين وهالكشخه هاللون مصغرك تصدقين ماعرفتك ظنيتك وحده من خواتي !!! وثم الصدمه احصله يطالع في بلوزة يقول هاللبلوزة تناسب على وحده مليانه! وبعدها .. يطالع في تنورة قصيره يقول الله هذي تنفع على وحده طويله ونحيفه! وبعدها... يشم ريحه عطر يقول الله تجنن ريحته تناسب وحده عمرها 20 سنه هذا كله وما يعرف شي بهالأمور :29: أشك إنه خبير في الموضه :( الله يصبرنا على أزواجنا ويسعدك يا عسل على رجاحة عقلك والتزامك الصمت لأنه مالنا حل غيره :22: ولنا الأجر بإذن الله أسعدك الله في الدارين ......... غاليتي الماسه قالي ماشاء الله عليك لك ثلاث دقايق تتكلمين وماوقفتي الظاهر إن زوجك دمه خفيف ملاحظته في محلها :d امزح معاك لا تزعلي :d واحنا يالحريم مانحسب نرضى بسرررررررررررعة في هذا صادقه:22: وأحيانا ما يراضونا احنا نراضي نفسنا :23: أسعدك الله في الدارين ......... تقبلوا تحياااااااااااااتي ........ |
موضوع جميييييييييييل وشيق.....
متابعاكم.....برهة واتى لكم بمواقف مثل هذه.... الله يوفق الجميع:) |
أنا بعد صارلي موقف ما أدري ليش ما انساه
مره رحت الجمعيه وشريت سمك وتفننت في حشوه بالبصل والبهارات والبقدونس والكزبره وشويته على الغداء ( المسيكينه تفتكر أنها الشيف أسامه ) والمهم أنه هو الي طالب هذا النوع من السمك جاء للغداء وانا ابتسم ابتسامه كبيره واثقه من الطبخه واذا بالصاروخ أرض جو ما هذا لماذا السمك صغير هذا النوع لايصلح للشواء لقد خدعك البائع وسكت لان الاولاد كانوا جالسين للغداء فسد نفسهم بكلامه تركته يأكل ويأكل ويأكل حتى التهم السمك بأكمله ولم يترك شىء للولاد ولكي أخفف الجو ( معروفه بخفة دمي وتعليقاتى ) ألتفت الى ابني الكبير وقلت له انظر يا حبيبي القطو ( القط ) الكبير التهم السمك ولم يترك شىء للقطاوه الصغار فتحول الامر للضحك وجلس يضحك ويقول بعد خدعك البائع |
| الساعة الآن 08:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©