والله حتى نفسي اعرف بس الله يعينا ويعديها على خير

السلام عليكم ورحمة الله وبركاته

تصدقون يا عروساتنا .. ذكرتوني بنفسي لما كنت بعرس .. كنت ادور مثل هالمواضيع دوراه .. وابي اعرف كل شي بالتفصيل واسال خواتي وبنت عمي وصديقاتي والحقيقة والاهم اني كنت اتناقش مع زوجي بخصوص هالموضوع وانه اش راح نسوي بعد مانرد من القاعه ..

اللي اكتشتفته عقب الزواج .. انه كل وحده لها يوم خاص فيها .. يعني مافي قاعده لازم تمشين عليها والله ادخلي استحمي صلي .. لا ..

على حسب الظروف .. وعلى حسب رغبتك انت وزوجك ..

مثلا في ناس تحب تدخل تستحم تبدل اتصلي تتعشى وبعدين يحاولون محاولات بسيطة ..

وفي ناس تحب تقعد تتعشى بالفستان بعدين تسبح بعدين تصلي بعدين يحاولون ..

في ناس ماعندهم واحد ثنين على طول يحاولون <<< امزح ..

وفي ناس يحبون يقعدون بفسنان العرس اطول فترة ممكنه <<< دافعه فيه دم قلبها وتبي تحلل السعر ..

وفي ناس تقول اكون جالسه فترى طويلة واحس اني عرقت في العرس ومش نظيفة ولازم اسبح على طول ..

وفي وفي وفي كثيرة هي السيناريوهات .. ومابخلص لو بقعد اقول ..

اهم شي يا بنات الحلال .. انه تكونين طبيعية وتتصرفين بحياء وطبيعه .. يعني مش حياء بتكلف .. والحمدلله اغلب بناتنا يميزهم الحياء ..

وشوفي زوجك ماذا يحب ... وسايره وتعاوني معاه .... ولا تتوترين وتتنرفزين ...

* نقطة أخيرة : حاولي من الحين تتفاهمين وتتناقشين مع زوحك في ما ستفعلونه في هذه الليلة .. وتبين له انه حتى لو ماتم الدخول في هذه الليلة فهذا شي طبيعي .. ولا تنسون اهم شي الصلاة


يمكن طولت عليكم .. لكن حبيت احطكم في الصورة واتمنى تكون وصلت .. واذا في اي استفسار ولو بسيط انا في الخدمة :)

الله يوفقكم حبيباتي
مايحتاج انكم تشلون هم لان الليله هذي تعدي بطبيعتها
انا بصراحه ليلتي كانت مرة تضحك بعد مارجعت للفندق كنت مرة خايفه ومستحية وزوجي على باله يبغى يكسر الحيا قام يقولي يالله باصورك بجوالي وبعد ماصورني تورطنا في الجوال خاف انه اي واحد من الشباب اصحابه يشوف صورتي بجواله وجلسنا حايسين المهم زوجي قرر انه يشتري جوال جديد
وبعدها جلسنا نسولف شوي وزي عادت زوجي حب يكسر الحيا فقالي يالله اساعدك تفكين شعرك من هذي التسريحة وبعد ماساعدني وانا مرررره مستحية صرت زي الجنيه صار شعري مررررررره حايس فاضريت اني ادخل اغسله وبعدين اذن الفجر وقمنا صلينا وجلسنا نسولف وبصراحة كنا مررررره جوعانين تعرفوا النفسيه في هذاك اليوم ماتقدرين تاكلين من الخوف والقلق المهم وبما ان زواجنا كان في قرية اهل ابوي فالفندق حقهم على قد حالهم مافية فطور فقالي زوجي يالله نروح نفر في القريه ندور مطعم ناكل منه المهم شرينا فطور ورحنا تمشينا وبعدين رجعنا الفندق والحمد لله هدات نفسي وراااااااح الخوف
هذي قصتي واتمنى بعد زواجكم تقولولنا قصصكم والله يوفقكم
وتقبلوا تحياتي

موافق أنا على موضوع النوم و الراحة أول ليلة و بعد كدة ربنا يسهل عشان صحتنا

حبيبتي مايحتاي تفكرررررررين واايد وتخططين شنو بتسوون اصلا هالليله بيعدي بدون ماتحسين وبيكون شئ عاادي..

ومثل ماقالوا بعض الأعضاء ان ماافي قاعده عامه تطبق ع هاليوم كل وحسب حيااءه واندماجه مع الآخر..
بس حاولي في فتره الخطووبه تتكلمون عن هاليوم وشبيتسوون يعني من هالسوالف علشان هالشئ راح يكسر حواجز كثيره ممكن تلاقونها بعدين

لا تحاتين خلي كل شي على الله ..

بالنسبه لي..

لاني متعودة على زوجي.. كنت عادي في العرس مافكر.. ولا حتى خايفه من الجماع .. والي بيصير بعد العرس..
بعد ماطلعنا من قاعة العرس وصعدنا لغرفتنا في الفندق.. وطبعا اتصورنا.. وبعدين .. لبست قميص نوم حلو ومرتب.. ومغري بنفس الوقت ..
وصار الي صار..






لكن انتي لا تحاتين شي.. خلي كل شي على زوجك .. هو الي بيتصرف.. انتي بس ريحي بالك واستمتعي بعرسك ..

والله يهنيكم ويوفقكم

حاولى ماتجهدين نفسك هذا اليوم خالص وبعد ما تروحى وانتى داخلة البيت قولى دعاء الدخول وسمى الله واخلعى ملابسك ويصلى بك ركعتين وياخذ بناصيتك ويذكر الدعاء (اللهم انى اسالك خيرها وخير ماجبلتها على واعوذ بك من شرها وشر ما جبلتها عليك ) وهذا من السنة
وكونى هادئة تماما وخجولة واذا حدث جماع فاذكرى الدعاء ولا تتفاعلين معه ولا تبدى اى شىءكونى خجولة جداً وان لم يحدث فنامى ولا ترهقى نفسك وطهرى نفسك حتى لا يحدث لك التهابات ولا تخافى والله معك ويرزقك الذرية الصالحة وجميع المسلمين

الطريقة اللي سويتهاااااااااااااااا

- رحت أنا وزوجتي من القصر للبيت .. مو على طوووووووووووووول تمشينا ساعة وهي أفضل أوقات عمري

- وجلسنا وقت بالبيت وتريحنا وصلينا ودعينا وتقهوينااا .

- طلعنا براااااااااااااااا نتمشى إلى أذان الفجر وأخذنا عشااااااااااااء خفيف

- رجعنا البيت ونمناااااااااااااااااااااااااااااااا ..

ماصار شيء إلا من بكرا بالليل ... حفتظا على نفسية العروس وإلا الرجاااال عاااااااااادي من أول دقيقة خخخخ

وشكرت الله على أني سويتها لأنها كانت مناسبة لزوجتي لأنها حيية حيلللللللللللل

احس انها صعبه بس انا باقوله اني تعبانه حيل ولي يومين مانمت وهو راح يفهمها