|
ان شاء الله حامل ولا تنسين تبشرينا
|
شكرا لكم جميعا اخواتي بس انا حبيت اسأل في وحده مره اخذت برملت ان ومانزلت الدوره انا دورتين من قبل اخذ البرملت ان وتجي الدوره ثالث يوم بالضبط هالمره موعافه ليه ماجات ... عموما المغص خف قليلا والحمد لله بينما لاتوجد اي اعراض للدوره ... |
شوفي ما دام جدار الرحم سميك ممكن مو اكيد يكون حمل
اعملي فحص بالدم واذا ما في حمل اشربي قرفة يا رب يكون اللي في بالي صحيح طمنينا |
والله ياهند ما ودي أجيب لك إحباط
بس أنا صار معايا الشهر هذا نفس ايللي صار معاك ذحين ..تأخرت الدوره 13 يوم ونفس الألام ايللي انتي تعاني منها ذحين وبعد 13 يوم من موعد الدوره نزلت مع إنه أول مره تتأخر معايا كذا .. والحمدلله على كل حال.. وإن شاء الله ماتكون حالتك مثل حالتي وتكوني حامل بإذن الله.. الله يرزقنا وإياكم الذريه الصالحه يارب |
احلام ونظرة امل ...ماراح انصدم يمكن اشوي اذا ماطلع حمل لاني تقريبا تعودت لكن لعل مانعها خير صرت اخاف كثير وما ادري اصبر او اروح للدكتوره .... لي تقريبا شهر واسبوعين من خلصت الدوره الاخيره |
هند ياقلبي المفروض تسوي تحليل دم
لأنه شهر واسبوعين كثيره.. وان شاء الله تكوني حامل بس لسى مابيَّن .. |
تدرين احين راح ادق على زوجي وبروح المستشفى وبسوي تحليل والا فيها فيها على الاقل اذا كانت دوره اعرف ليه مانزلت الى هالحين بالتالي يتأخر علاجي للحمل ... ادعو لي الله يجزاكم خير .... |
الله معاك ياقلبي
وإن شاء الله خير بس أهم شي طمنينا عليك لما ترجعي وبالتوفيق ان شاء الله |
توني جايه من عند الدكتوره كل السالفه ومافيها ان الدوره جالس تتغلى ومو راضيه تنزل بس والله اقتهرت مو لان ماطلع حمل لاني متعوده رغم حاجتي الملحه له مقتهره على هالدكتوره الي تخليني انحسر واظل ساعه قلت بدخل عندها وحتى اذا ماطلع حمل ابغى استفسر من عندها استفهامات عندي ابغي اجابات لها وادخل ما كملت دقيقه بسرعه سوت التصوير وطلعت ليه تبغى تدخل وحده بعدي من جنسيتها ...آآآه يالقهر انا احاتي عمري وهي تبي تخلصني بسرعه المهم الي فهمته ان علاج هرمون الحليب قد يكون السبب في تأخرها كذلك التكيس اشوي زايد وقد يكون السبب اول ماجيتها قالت زايد وبعدين قالت طبيعي موعافه المهم بسوي تحليل بول لاجل الالم الي اعاني منه يمكن يكون التهاب الله كريم وما انصدمت وادعو ربي ان يكرمني بالحمل عاجل غير آجل .... اعذروني ان ازعجتكم فلم اكن اعلم بشيئ سوى بصيص امل صغير كان يطفو عندي لكن ابشركم بعد ما رحت الدكتوره تلاشى هذا الامل الصغير اتمنى ينمو من جديد الشهر القادم ان شاء الله ... |
حبيتي
توكلي على الله الخيرة فيما اختاره الله والله صاحبيتي يمكن حكيتلك عنها قعدت بدون حمل 9 سنوات واليوم بعتتلي صور اولادها توأم بنت وولد عمرهم اسبوع شفتي ربنا الو حكمه بكل اشي قادر على ان يرزقك بدل واحد اثنين ( احمد وحلا ) بس انتي وسعي صدرك وتوكلي على الله |
| الساعة الآن 05:46 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©