شوفي هذا اللنك
http://www.66n.com/forums/showthread...CD%ED%C7%CA%ED

اذا هوه لهذه الدرجه مكسوف من فعلته فروحي اجلسي معاه وافهمي منه ولعله يهتدي هذه المره

شكرا عل مروركم كلكم وربي يجعله بميزان حسناتكم
يعلم احبتي اني انسانة اخاف الله وبالذات بهذي الفترة بس ابكي وادي ربي انه يفرج همي ويصلح شأني وشأن زوجي وقد مريت بظروف مايعلمها غير ربي والحمدلله ويشهد عليه الله اني انسانة جداً قنوعة ومتسامحة لأبعد الحدود وكم مرة جلست مع زوجي وناقشته في موضوع الديون وموضوع سرقة بطاقاتي المالية ولكنه يتحجج اما بدين لصاحبه لازم يسدده اوبقسط السيارة لانه عنده اقساط للسيارة واصدقه واقول يابنت الحلال سامحي
بس هذا مايمنع انه يصرف اويعطيني مصروف للبيت وغير كذا اذا انا شايلة كل شي حتى اذا ولدت او احد مرض من ابنائي انا اللي اصرف فتخيلو ا وش اللي بقاله يصرفه واذا طلبت وانا محتاجة قام يسب ويلعن وانه يكفي انه متحملني وانه وانه عنده ديون والله العظيم اني كم مرة اخذت سلفة من البنك عشان اساعده

الآن انا مايهمني مسألة المصروف اللي يهمني شي واحد ليش يسرقني انا كلمت اخوه وهو كلمه وقاله هذي ماهي من شيم الرجال وعيب عليك وطلب مني اني مااعلم اهلي عشان بلاش الفضايح ويعلم الله اني لو ابغى الفضايح كان علمت اهلي لأني حتى اخوه ماكلمته الا بعد ماقام زوجي ومد يده عليه بعد مااصريت انه هو اللي اخذ ذهبي
ادعولي انه ربي يصلح شأني ويهدي زوجي وجزاكم الله كل خير

يا هلا ..

كان الله في عونك يا اختي ..

بس انت يللي عودتي زوجك ان تصرفي على كل شي من بداية زواجك ..

اكبر غلط ان الزوجه هي اللي تصرف على بيتها حتى لو كان عندها دخلها الخاص ..

لازم من البدايه تكون واضحه و تطلب من زوجها هو اللي يصرف على البيت بالامكانيات اللي عنده ..

هو الرجال و هو ملزوم بالصرف على البيت وعليك و لست انت ايتها الزوجه الملزمه بهذه الامور ..

اختي اوعي مره ثانيه انه يضحك عليك و يخليك تاخذي قرض من البنك ليسدد ديونه ...

وش راح يعمل راح يزعل او راح يهددك بالطلاق ؟؟

هذه النوعيه من الرجال جبانه لا تطلق لانه لا يستطيع ان يستغني عنك ..

شوفي اختي بعض الرجال مثل الاطفال اذا اراد لعبه معينه و لم توافق امه ان تشتريها له فانه يرمي بنفسه

على الارض امام الناس و يصرخ و يبكي لكي يحرج امه امام الناس .. لكن الام الذكيه هي التي لا تستجيب

لتصرفات ابنها الي ان يتعود على ذلك و يترك هذا الاسلوب ..

فلا تخافي من زوجك و خليك قويه و ارفضي انك تساعيده في التخلص من ديونه .. بيزعل له يومين ثلاث

طنشيه و لكن قومي بواجباته فهو لا يستطيع ان يتخلى عنك تأكدي من ذلك .. الى ان يتعود ان لا يطلب منك المال..

وربي يسعدك ..

اختك أميرات..

احذري أن يكون زوجك سلك طريق المخدرات
من الصعب أن يسرق الرجل زوجته الأ إذا كان مدمن
أرجو أن يكون استنتاج خاطيء

احمدى الله واسترجعى انا وحده من اخواتى مثل سالفتك لكن هو حارمها من الشغاله والسواق لكن سنعتها خالتها وجابت شغاله وقالت بشرط انت تدفعين كل شى وانا حق تعبى انك تخلينها عندى ماتاخذينها معك اذا رحت لاى مكان لان اختى ساكنه فوقهم واذا جت اختى عندنا بزرينها وحوستها بدون شغاله وهى اللى تدفع حقها بس شوفى الظلم لا حارمها رجلها ماتطلع لاحد الا لنا سواق مافيه ياويلك ان رحتى مع احد تخيلى قبل ماتتزوج تشترى احسن الملابس الحين حارمها مايوديها الا بالسنه مره ويوديها لسوق بالنسيم حالها تغير يعنى احمدى ربك على الاقل تطلعين مومحبوسه الله يفرج لك ولاختى وللمسلمين