|
وعلى فكره يا اخي NO#1
قبل ما تكتب اي آيه اسأل نفسك هل تعرف تفسير هالايه ولم ذكرها الله وفيمن ذكرها؟؟؟؟؟؟ واذا انت بتاخذ راي الغرب وسلوكياتهم واحصائياتهم فاعلم يا اخي انما هم أجهل الجاهلون... الا يكفيك انهم لايعرفون شرع الله... يعني الله كرمك بدينك تروح تاخذ احصائياتهم ودراساتهم في أمور شرعيه بحته مثل الرزق والزواج... الله يهديك بس... وعلى فكره فيه حديث انا موحافظه نصه,,,ولكن معناه أن الرزق والموت بنفس الأجل... يعني لايموت أحد على وجه الارض وله رزق لم يأخذه.... وهذا الحديث متأكده منه 100 % وبإذن الله بكتب النص اذا استرجعته... |
الاخ لاند ستورم :
لا ياخوي ماقسيت علي بالعكس كلامك طيب واسلوبك فيه كم من التناصح الله يجزاك خير شوف أنا اعتبر الكلام اللي ذكرته في موضوعي (تفكير ايجابي ذاتي)بس حبيت أنشره على الملأ عشان ارفع معنويات نفسي قبل الاخرين ولا ترى مااقصد أحرض البنات على شي ..مالي شغل .. بس على الأقل اللي سسو مثلي ماأبيهم يندمون عموما أنا ماجاني اللي اندم على رفضه الله وكيلك معظم الخطاب من فئة (تاركي الصلاة )والعياذ بالله .. والحمد لله واثقة ربي ماراح يضيعني وجزاج الله خير ..كلامك اسلوبك جداااا طيب |
اختي الكريمة (اعذروها)
مررررررررررررررررة حقيقة هذرتك حلوة ضحكت من قلبي بصوت عالي( الي يدخل علي بغرفتي يفكرني مجنونة) صدق إنت (قلم مبدع). "اللهم إني أسألك باسمك الأعظم الذي إذا سئلت به أعطيت و إذا دعيت به أجبت أن ترزقني وجميع بنات المسلمين بالزوج الصالح الذي يسعدهم يا أرحم الراحمين" و أسمع زواجك قريب ان شاء الله. وبالنسبة لصلب الموضوع هذ قضاء وقدر ولن تندمي على ما قررتيه لأنك استخرت ولن يضيعك الله لكن الفكرة الصحيحة بشكل عام "لا لا لا تقدم الشهادة على الزواج" والأفضل أن يجمع بينهما. |
هدهد حبيبتي
جزاج الله خير على المحاماة ..أصلا انا كنت متوقعة هجوم عنيف من الرجال.. الحديث اللي تقصدينه ( لن تموت نفس حتى تستوفي رزقها وأجلها ..فاتقوا الله وأجملوا في الطلب) |
(يابنات رجاء لاتسوون مثلي ..مالي شغل تشيلوني عقب ذنبكم تقولون اعذروها قالت :17: :17: انا الحمد لله توظفت يمكن غيري مايتوظف ..وظروفي أحسن من غيري ):25: (بس أقول اللي سووا مثلي لاتندمون هذا انا جدامكم على قيد الحياة ..ماصار لي شي ) على فكرة الديج اليوم صوته ملعلع ماشاء الله |
يا قلبي عليك ياغاليه....
أكيد محاماه....ولوووو....شيحسبون هالشباب...يقولون عنا عوانس واحنا محد يعينا عمرنا لأننا والله جميلات يكفي دينا وادبنا واخلاقنا وعلمنا... ترى انا عمري بقى كم شهر وادخل 27 سنه... واعرف مدرسات معاي والله بالثلاثين مو متزوجات لكن والله العظيم جمال وملح وأدب ويكفيك الذوق والسنع بكل شي...سواء اسلوب اوتعامل او كلام او لبس او اللي تبين... لكن هذا نصيب وحد يقدر يقول شي.... وانتي الصادقه....الحديث ما أذكره بس فيه...واحد من الملائكه...جبريل عليه السلام اتوقع وبدايته....ان الله كتب الا تموت نفس............ما يحضرني.... لكن بجيبه ان شاء الله...... معليش وحده سهرانه ومتحمسه...لكن شكلي بروح أتصارع مع مخدتي لين أنام،،،،،خخخخخخخخخ أشوفك تضحكين.....ياحبي لك اختي الغاليه... عندي فل جبته الفجر من حديقة بيتنا المتواضعه...وصورته بس ما اعرف ارفق صور بالموضوع.. كنت ابهديك اياه....بس اعتبريه وصل واذا عرفت ارفق صور برسله لك... وترى ادري يمكن تقولين وش تبي هذي كأنها تعرفني...بس ((مثل المؤمن للمؤمن كالبنيان يشد بعضه بعضا فإذا اشتكى منه عضو تداعى له سائر الجسد بالسهر والحمى)) وكلامك هذا معور قلبي...والله وماعرفت انام..والحين طلعت الشمس ياحلوه... لما نزلت دمعة تحرررق من عيوني ....كلهم شافوها (يما) واعذروني ((إنما أشكو بثي وحزني إلى الله وأعلم من الله مالاتعلمون )) قولوا اااااااامين والله كلامك بقوه مأثر فيني..وابيك تبتسمين وتستانسين...وتغيرين التوقيع....ياااارب الى مافيه سعاده لك.. تدرين والله بدعي لك بظهر الغيب... |
ما حبيت اطلع بلا ما ما ارد
ربنا يرزقك بلي فيه الخير وان شاء الله نفرح فيك ام وليد |
صبحك الله بالخير ...
بتكلم معك بالعامي .. تدرين..الوالد الله يحفظه ويخليه لنا عنده قاعده وهي مافيه زواج قبل التخرج!! أي خطبة أثناء الدراسه ماندري عنها لأنه أمر مفروغ منه!! كنت معترضه داخلياً طبعاً :d أصلا محد يتجرأ يعارضه علناً سواء بنات أو أولاد.. المهم تخرجت وتوظفت وتزوجت... كنت أكره الوظيفة لما تزوجت هات ياجازات بدون راتب:26: زوجي الله يرحمه ماكان مقصر معي وكان يحاول يقنعني اترك الوظيفة وإذا ابي نص الراتب بيعطيني(كلام بس لاتصدقون يالموظفات) المهم الفكرة والله مهي شينه لكن كنت خايفه من ردة فعل الوالد:29: وكنت بين القبول والرفض للفكرة!! وكلها كم سنة ويكتب الله ويتوفى زوجه الله يرحمه ويسكنه الجنة... عندي الان طفلين وأسكن عند أهلي..حقوق أولادي وحقوقي راحت!! اصرف الان على نفسي وأولادي صرف كامل .. تدرين بس اتخيل لو مو موظفه وش كان حالي؟؟ احمد الله في اليوم الف مره على أنه رزقني الوظيفة.. وادعي للوالد ليل ونهار .. وأحث خواتي على اكمال دراستهن مو شرط يتوظفن لكن يكون معهن شهادة تحميهن من غدر الزمن.. لاتنسيني من دعواتك إذا صاح الديك.. |
اقتباس:
الله يحفظك ويحقق مناك |
يا أختي الكريمه
من الخطاء الفادح التعميم بأن الزواج يتعارض مع الدراسه فهما ليسو بأختين لا يجوز الجمع بينهما بل يجوز جدا وهذا ما حصل معي فقد تزوجت بزوجتي وهي ما زالت في الثانوية وكملت الثانويه وبعدها الجامعة وهي الآن مدرسه ولله الحمد كذلك لدي أربع أخوات جميعهن تزوجن وهن طالبات وأكملن الدراسة جميعا وهن الآن يعملن الحل يكمن ببساطه في شيئين أثنين الأول : الأشتراط الواضح والصريح من قبل المراءه بضرورة السماح لها بإكمال تعليمها وعدم إعتراض الزوج على ذلك بل ومساعدتها في الأمر حتى تنتهي ثانيا : العزيمه والأرادة القوية لدى المراءه لأكمال تعليمها وعدم الأستسلام للظروف مثل ضغوط الزوج فيما بعد أو مجيئ الأطفال أنا لا أوجه الكلام هنا أليك بل إلى الأخوات ألأخريات حتى لايقعن فيما وقعت فيه ويجعلن الأمر إما الزواج وإما الدراسه بل يجب أن يحاولن الجمع بين الأثنين أما بالنسبة أليك أختي الكريمه فما حصل قد حصل وإكمال الدراسه إنجاز رائع أسأل الله أن ينفعك بما تعلمت وينفع بك المسلمين وأن يسهل أمرك ويرزقك بالزوج الصالح إن شاء الله وهمسه أخيره أختي الفاضله أدعي الله في كل حين وكل وقت وأنت موقنه بالأجابه بدون إنتظار الديك فالله يسمعك عندما يصيح الديك وعندما لايصيح مع العلم بأن صياح الديكه على وجه الأرض لاينقطع ولاثانيه واحده إذا أخذنا بمجموع الديكه التي على وجه الأرض الأعتقاد في الله عزوجل مباشرة وبدون وسيط قد تكون هي النقطه الفاصله في الأستجابه أسأل الله أن يتقبل منك دعائك ودعائنا ودعاء جميع المسلمين إنه على ما يشاء قدير |
| الساعة الآن 11:18 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©