|
أختي الانسان وليد الحظة الماضي أنتهى وأنصحك بان تغلقي بابه وترمي مفتاحه في البحر وهذا الموضوع لا تخبري به أحد ابدا الا كان طبيب وأتكلي على الله ولاتجعلي الشيطان والوسواس يفسد حياتك وأعلمي أن الله لن يفضحك واحتمال كبير أنه وهم وما زلتي بكراً لأنك في ذاك الوقت مستحيل يحصل تمزق في الغشاء وما تشعرين بآلام قوية انت في ذلك الحين بعمر 10 سنوات ولم تحسي بأي شيء مؤلم
صدقيني أن هذا وسواس الشيطان ليفسد حياتك وضخم الموضوع في عقلك والموضوع مايستاهل وانت تفاعلتي معه , نتمنى لك حياة سعيدة والله يوفقك وعليك بذكر الله والمعوذات مع التكرار بتشعرين تغير بنسبة100% ومبروك الحياة الجديدة. |
اقتباس:
رد كافى وافى ولكن لايغنى عن الذهاب الى طبيبه للفحص والتأكد |
الله يجزاكم خير جميعاً ، والله ما قصرتوا ردودكم أحيت الأمل بقلبي وأسعدتني الله يسعدكم دنيا وآخرة .. أنا خايفة أتعلق بقشة ، أخاف أصدق إن ما صار لي شيء وأنصدم أنا دايماً بحياتي أتوقع اسوء الاحتمالات علشان أي صدمة تصير أكون متماسكة أفرضوا معي أنه صار شيء وهذا اللي معذبني وش أقول للزوج ، وش راح يفهم خاصة إن أختي مع أخوة والحمد لله حياتهم مستقرة أكيد هو عارف الناس اللي خاطب منهم ، الحمد لله أنا عشت بوسط محافظ صدق أبوي شخص عادي وأخواني واحد بس منهم اللي ملتزم والبقية عاديين لكن الحمد لله أمي امرأة صالحة ربتني أنا وخواتي على الدين والأخلاق أمي متوفية من كم سنة ، كنت واقتها مراهقة وتعرفون تفكير المراهق دايم سلبي لذلك ما فكرت إني أقول لأحد أنا أتوقع إن أحد من خواتي يمكن تعرف وش صار لي بس يمكن نست وأو تناست مدري والله ماعندي فكرة فكرت إني أكسر حاجز الخوف وأقول لأختي الكبيرة لأني أرتاح لها مثل أمي وأكيد بتحفظ سري ومرات أخاف عليها يكفيها هم عيالها أجي احملها همي أفكر مرات إني أرفض الزواج بس باقي عندي خوات أكبر مني وأصغر وأخاف إذا تزوجت وصار شيء ينظلمون بسبتي ! وخاصة إن الرجال ماعليه صالح مافي سبب أرفضه علشانه ؟؟ وأخاف من العقوبة إذا رفضته ؟! لأنه أكيد راح يتأثر ويفكر وش فيه عيب ؟ وصعب أقول إن العيب مني ؟؟ واللي أقترح إني أقول للزوج كيف أقوله ؟؟ مابيني وبينه أي معرفة ؟؟ شلون أتصل عليه وهو بس كلام ؟؟ وش راح يقول عني ؟؟ وإذا ملك مشكلة أخاف يطلقني وتصير فضيحة ؟ والله أني استخرت كثير ودعيت أحس إني موافقة على الزواج حتى خواتي يناقشوني بالتجهيز وأنا أرد عليهم عادي صح بقرارة نفسي أحس بالألم والهم بس شيء يدفعني إن استمر استخرت كذا مرة بهالرجال وأحسه مناسب وإني بقدر أعيش معه فيه مشكلة ثانية ما ذكرتها لكم ، إنه أصغر مني بسنتين وهم عارفين بهالشي بس ماعندهم مانع لأنهم يقولون أهم شيء البنت صالحة ومناسبة ومايهم العمر أحس كلامي مو مرتب بس والله إني تعبت من هالهم أحس إني على هامش الحياة ماني قادرة أتخطى هالألم اللي يعصر قلبي كل لحظة ******* بالنسبة لكلام الأستاذ خالد صحيح أنا قرأت كثير إن بنات صار لهم مثلي وأشد وتزوجوا وبعضهم أزواجهم ما يدرون ومشت حياتهم وعندهم عيال أنا فكرت إني اوافق واذا تزوجته قبل لايصير أي شيء أقوله إن فهمني فهمني وإن مافهمني يسوي اللي يشوفه مناسب بس أخاف أصير ظالمة وخبيت عليه شيء من حقه يعرفه قبل ، وأخاف إنه غير متفاهم وتصير مصيبتي أكبر ! بس الله يعلم إني مالي أي ذنب وأنا مظلومة من قبله بأهمال أهلي وخاصة أبوي الله يسامحهم كلهم والله إني أدعي إني اموت ولا أحد يتكلم بعرضي أو يتهمني بشي لأن الله يعلم إني عفيفة لكني أبتليت والحمد لله على كل حال آه .. الله يعين ويكشف الغمة عاجلا يارب . |
انا مع رأي الاخ خالد الصالح
اضافة لذلك حاولي تتناسي هذا الشيء وتدربي نفسك على نسيانه وتدربي نفسك ان هذا الشيء لم يحص اصلا حاولي يا اختي وانا واثق بإذن من يجيب المظطر اذا دعاه انك ستنجحين |
لاأنصحك أبداً بأن تذكري ماحدث لأي أحد وحتى خطيبك
صدقيني الشيطان هدفه الأول أن يدمر كل علاقة حلال وهو مايكبّرها بعقلك ويخوفك ويخليك عايشة بضيق وقلق توكلي على ربك وماضاااع من توكل على ربــه إنت ِ عارفه ماكان بيدك أي شي وأصلا ً حتى العلاقة ماتوقع إنها وصلت لشي كبير ! لاتضيعين خطيبك بما إنه رجل كفو وإفتحي صفحة جديدة مع تفكيرك وربي يوفقك ويستر عليك وعلينـا . |
اعملي استخاره وتوكلي على رب العالمين
ولا تخبري احداااااا وانسي الماضي تماما ولا تفكري فيه وابدأييييييييي حياه جديده |
أختي الغالية
تطمني ولاتقلقين نفسك أنا قد قريت مقال طبي إن الغشاء لو فرضنا إنه تمزق فإنه يتكون بحكمة الله بعد البلوغ فتطمني زارتاحي وفيه موضوع مشابه في هالمنتدى للأخت رجائي يمكن تستفيدين منه |
الله يجزاكم خير ، ويبارك فيكم والله أحس اني استعدت ثقتي بنفسي يعني الحين اجمعتوا اني اسكت ولا اقول لأحد واتوكل على الله وأوافق بس مدري اقول للرجال والا اسكت ؟؟ هذي النقطة للحين ما وضحت لي مدري الليلة كمت اختي الكبيرة وحسيت انها فاتحة قلبها لي والله مسكت نفسي حسيت اني محتاجة لها شوي وافتح معها الموضوع بس الحمد لله ربي ستر وضيعت السالفة أختي الألمعية ممكن رابط موضوع الأخت رجائي لأني بحثت وما لقيت شيء |
الرجال لا تخبريه لأن هذا ممكن يفسد الثقة بينك وبينه او ينظرلك نظرة وسوسة لأن الانسان يحب الشيء الايجابي واحيانا يجهل بعض الامور وما يعذر الطرف الآخر
ما تعانين منه99% أوهام وسواس وتصورات سلبية يا أختي هذا اللي صار لك خير الحين بتعرفين تربين اولادك تربية مثالية وهذه التحرشات خطيرة على الطفل تصيبه بأمراض نفسية والحمدلله انه ماصار لك شيء لأن العورة ينزعج منها الانسان الكبير فما بالك الطفل الصغير . تفاءلي وعيشي حياتك بدون ماضي عيشي الحاضر والساعة التي انتي فيها والله يسعدك0 |
عزيزتي
أنا أوافق الاخ خالد صالح بأن لاتكلمي أحد بموضوعك أبدا لأن غشاء البكاره ليس من السهل بأن يتمزق وتعالي سألي الحريم كلهم أنه ما يتمزق الا بعد معاشره أيام وأشهر عديده الى أن ينفتح واذا أنفتح ولم يلمسه أحدفمع مرور الايام يتراكم اللحم عليه ويضيق جدا مره أخرى فلا تخافي وتوكلي على الله ومن توكل على الله كفاه أنصحك بأن لا تعلمي أحد حتي أقرب شخص اليك |
| الساعة الآن 02:44 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©