والله مشكلتك انتي وزوجك صنعتوها
بدون غاز
كيف راح تغلي المويه للطفل عشان الرضعات ( الينسون وماء الرطب أو ماء العسل)

كيف راح تعقمي الرضعات

كيف راح تسخني مويه عشان تحممي الطفل

كيف عايشين من غير بوتجاز ماني قادره اتخيل

جيبي بوتجاز واذا زوجك مايبغا الا اكل المطاعم لاتطبخي بس سوي شاي قهوه اسلقي بيض سوي كيك حلى

صراحه ارتفع ضغطي معليش سامحيني انتي ماخذته عذر عشان لاتطبخي

السلام عليكم ورحمة الله وبركاته

امركم غريب انتي وزوجك .. بغض النظر عن زوجك شو الي يحب ياكله والي مايحب ياكله .. بس في اساسيات تنحط في البيت .. يعني البوتجاز .. وغيره .. تعتبر ضرورية في البيت .. حتى لو زوجك مايحب ياكل اكل بيت ...

انتي من البدايه المفروض اتحطين الاشياء هذي.. الحين حتى لو طالبتي فيها زوجك بيماطل .. ومابيهتم .. لانك حسستيه انكم تقدرون اتعيشون من غيرها..

وبعد .. انتي على كلامك في البدايه كنتي تاكلين خضار وفواكه .. وبيض مسلوق... يعني من هالاكل المفيد .. انزين ليش ماكلمتي للنهايه ؟! هالاكل يعتبر اهم شي للجنين .. مو بالضرورة الطبيخ ..

وعقب الولادة راح تحتاجون كثير اشياء للبيبي وايد شغلات .. لازم لازم تعقمين الرضعات ..

فلا تتهاونين وتاجلين الموضوع ... لان ان شاء الله الولادة قربت .. روحي اشتري الضروريات من الحين .. عشان بعدين ماتقولين ماقدرت ومالحقت ..

والحين زوجك وافق على البوتجاز .. اتقولين لا؟! هذا مو بس حق البيبي هذا حق البيت .. روحي اشتري واحد .. عقب الولادة ماراح تفضين حق هالسوالف.. ويمكن زوجك يبرد ..

الله يعييييييينك ويسهل ولادتك ان شاء الله .. وان شاء الله البيبي يطلع بصحة وعافيه