أخي المبارك

أنت بنعمة يحسدها عليك الكثييييييير

فاحمد ربك أولا

ثم إني لمحت من كلامك إنك تريد الجلوس مع أصحابك ليلة يعني تنام معهم

ومعها حق ترفض

أنا أقترح تسوون لكم دورية ثابتة أنت وزملاءك يوم في الأسبوع مثلا

يمكن بالبداية تتضايق لكن بعدين راح تتعود

ولاتجبرها تروح لأهلها قل لها تبين أويك لأهلك أوتبين أوديك زميلاتك إذا لها زميلات أو تجلس بالبيت براحتها

بصراحة أنا كنت أتضايق لمازوجي يطلع مع أصحابه

لإنه أحيانا يطلع ثلاث أيام ورى بعض أو أكثر فيمر علي ثلاث أيام ماأتعشى معه

وكنت أزعل وأطفش كثير

لكن الحمدلله يوم خصصوا لهم يوم الثلاثاء طلعة ارتحت

بحيث ارتب أموري إذا بروح لأهلي أو عندي أشغال في البيت أرتبها

لكن مازلت أتضايق إذا حصلت لهم طلعة مفاجئة بس أحيانا ماأبين له هالشئ أحيانا مودايم


ونصيحة لك مني علمها تدخل النت على مواقع زي هذي

وبرضه فيه مواقع نسائية بحته

ترى بتستفيد وتتغير للأحسن بإذن الله

وأخيرا حابة أقول الله يديم عليك النعمة ولايغير زوجتك عليك

يقولون المرأة مخلوق معقد ما تقدر تفهمه..بس انا اقول انتو الرجالة اللي معقدين وما تتفهمو ابدا...


الله يهديكم بس...

ادا الزوجة اهتمت بيك وما قدرت تستغنى عنك تشتكي...

وادا لقيتها مو مهتمة بيك تشتكي...


بصراحة انا احس اني رح اكون مثل زوجتك لما اتزوج...

بس بموضوعك خوفتني زوجي يمل مني..وهدا شي مؤلم كثيير..

فاوصيك اوعى تحسس زوجتك انك مليت منها...



تقبل مروري...

الله يخليكم لبعض يارب

بس بصراحه مو حلوه كلمتك انك لما تجلس مع زوجتك تمل :(

سوي لك جدول مثل ما قالوا الاعضاء

واذا جلست معاها حاولوا تسووا شي مسلي وممتع اذا كنت تمل من مجرد الكلام
او حتى العبوا :25:

الظاهر ان زوجتك ماعندها صاحبات ولا شيء يشغلها عشان كذا
متعلقه فيك طول الوقت

خليها تنشغل بشيء معين او تتقرب من صديقاتها اكثر

عشان تشتاقوا لبعض


والله يوفقكم ويسعدكم يارب
:22:

بما أنني أول زوجة تقوم بالرد ومصابة بنفس الحالة المرضية الرائعة الله يديمها:):):22:

أقول لك أول ما قريت العنوان قلت والله سواها زوجي وأشتكى علي:29:

بس بعدين شفت الأختلاف أن أنتوا عندكم ولد وأحنى عندى بنت :):15:

المهم آنه نفس ما قلت أسوي المستحيل عشان زوجي مايطلع عني حتى لو يظل نايم بس أهم شي بجنبي وأشوفة بعيوني

ووهو يحس فيني ويقلل طلعاته بس في نفس الوفت يشتكي أني (حاكرته) :25:

لكن طبعا كل شي ولا أهله صحيح ما كون راضية 100% انه يروح ويتركني لكن ماقط منعته عنهم لأن هذا حقه

والي صاير اصدقائه أغلبهم دوامهم نهار يعني 2 بالكثير 3 هو بالبيت لكن زوجي يشتغل زامات ماعنده اجازة إلى كل 3 أيام نصف يوم أجازة وهو يستغلون اجازته ويسوون لهم طلعات وآنه اتوهق:(

أكون مسكينة مخططة نطلع مع بعض ونغير جو بما أني ما عندي شغلة ولادراسة إلا بنتي الله يحفظها وفي نفس الوقت ساكنة بعيد عن أهلي يعني ما أقدر أروح لهم كل يوم...حتى صديقاتي صاروا بعيد...


وهذا الشي خلاني أحب زوجي موووت وأنتظر رجعته من الشغل بفارغ الصبر جتى أني من كثر ما أكون متضايقة لين يطلع سواء حق الشغل أو مكان ثاني أبند تلفوني وأقعد متضايقة مادري ليش بس شعوووري جذي... ومن اسمع صوت الباب أنط وأركض له مثل الطفل الصغير...

ساعات أرجح السبب أني من طفولتي كنت دلوعة البابا لي ما كان عمري 18 وتزوجت وأنه كله لاصقة فيه وأحضنه حتى أني لما نطلع من بيتنا أمسك يده أو ثوبه (مما خلى أمي تغار مني:14: ) والحين أعوض بزوجي نفس الحركات اسوي له والكل يقولي أنه طفلة حاملة طفلة:15: :15:

وأكثر من جذي صرت أغاااااار من بنتي :25: قام زوجي يناديها حبيبتي وصغيرتي وهاذي كانت من أسمائي:(


أن شاء الله أكون افدتك شلون زوجتك تحس
تحياتي لك

حب التملك بهذه الطريقه حقيقه أمر مزعج ويخنق الواحد

يعني حلو إن الزوج يوح ويطلع يشوف أصدقائه وأهله

يرجع لزوجته مشتاق لها وبروح جديده مشرقه

بعدين كل الحريم يستانسون مع رجالهم

لكن زوجتك الله يحفظها تملكها ينبع من امور نفسيه واعنقاديه

انت مللها منك باسلوب لطيف لاتسولف كالعاده والزم الصمت والتأفف

القي ملاحظات كثيره بالبيت وردد بين الفينه والاخرى

يمكن لاني ماطلعت احس بهالخنقه

بعدين هي بتحس انك وصلت مرحلة الاختناق وقد يعقبها الانفجار

وبتتغير عندها الافكار وتتأقلم على وضعك الجديد

هذه نعمة
 

اخي الكريم نحسدك على محبة زوجتك لك . لكن منذ البداية يجب عليك فرض شخصية . والمرأة تتماشى حسب العادة منذ البداية ؟؟؟

انا راح ااتكلم عن الوقت اللي تجلسه معاها ::

وماراح اتكلم عن الامور الثانية ..


..


ليش ماتخلي الوقت اللي تقضيه معاها : ممتع !


باسلوبك ..

واهتماماتك ..

واهتماماتها ,..

وحياتكم ..

انا متأكد انك تقدر ..

...


وربنا يوفقكم ..

ولا يشمت فيكم حاسد يارب ..

مشاء الله تبارك الرحمن

بصراحة مشاركتي لكم بالدعاء بأن يوفقكم لما يحبه ويرضاه

بس وش رايك انك تلعب معها لعبة التخفي وإذا جاء دورك تطلع من المنزل :D وتقفل الجوال .. امزح معك

بالتوفيق

الله يعينك .... صارحها بالموضوع ....