السلام عليكم ورحمة الله وبركاته

أخي متيم بزوجتي

رجاء أكتب الموضوع مرة واحدة حتى يتم الرد المناسب من قبل الأعضاء بشكل صحيح

وفقك ربي لمرضاته

وفي انتظار تكملة الموضوع للرد عليه

أجلنا الزواج أربع شهور .... والكل يسأل ليش؟ ...إختلقنا عذر على السريع ...المهم .... قررت إني أتقبل الموضوع ويمكن بعد الزواج تمشي الأمور ...كل هذا وزوجتي ماتعرف إني كنت أبي أطلقها ... بس هي حاسه إني ما أبيها .... تم الزواج ..... وسافرنا .... وأنا عاهدت نفسي إني ما أجرحها ... لكن الأمر واضح كوضوح الشمس ....مرت الأيام وذهبنا للعمرة ودعيت ربي إن الله يحببني فيها ... ولاحظت عليها إنها بطير من الفرح لما أضغط على نفسي ,احاول أمثل عليها إني أحبها ....بس اللي بالقلب بالقلب... يستحيل إن هالشي يستمر ....المهم ...رجعنا وسكنا في بيت مستقل .... ومرت الأيام بل الأشهر وإحنا على هالحال...وأنا دايم التفكير بحالي معاها ....مسألة الطلاق لازالت وارده ....

أبشري إختي ... العذبة

يمعود ذبحتنا بيخلص الدوام

وبعدين أخوي وش صار

السلام عليكم

الواضح أن النتيجة النهائية أنك أصبحت (( متيم بزوجتك))

بس علي مهلك

وبعدين ...هذي الصفحه الثانيه ومخلصت قصتك مع زوجتك الله يهديك له ولها...ترا اتحطم اذا طلعت مو هي الي متيم بها عقبن ازعل عليك ؟!

تحمست

خلال هذه الفترة ....كنت حريص على أن لايحصل حمل إطلاقا ....لأني غير مستقر معاها ....وأهلها وصديقاتها دايما يسألونها عن الحمل و و و ... المهم .... بعد سنه من الزواج .... إكتشفت بالصدفة في شنطة زوجتي وريقات فيها طلاسم وإسمي وإسم أمي ... أخذتهم وسألت ...قالوا لي هذا سحر محبة ... تبيني أحبها ... رجعت للبيت وأنا ما أشوف اللي قدامي من الغضب ... سألتها عن هالشي ولم تنكر ...ومن غير ما أشعر ضربتها إلى أن هدأ الموضوع قالت لي شاسوي أبيك تحبني ...وصديقتي انصحتني إني أسحرك وأنا أسفه قلت لها تدخلين النار وتكفرين بربك عشان أحبك ... إنتي مجنونه.... المهم وقلت لها شوفي يابنت الناس ...أنا كذا كذا كذا .... وقلت كل اللي بخاطري ...وقلت لها اللي صار قبل الزواج وأخوك يعرف إني أبي اطلقك قبل الزواج ... ماخليت شي ماقلت له ....وقلت لها أنا ما أقدر أعيش وإنتي مالك ذنب ....قالت لي تزوج علي أنا موافقه ....قلت لها ما ابي اتزوج خلاص وكنت متعقد من الزواج لحظتها ...وقلت لها روحي بيت أهلك ...وخلال شهرين لازم نقرر يا إما يستمر الزواج أو ينتهي خلاص..... وإنتشر خبرنا بين الناس والكل يفتي على كيفه ...المهم أخذنا قرار أو بالأحرى أنا اللي أخذت قرار بالإنفصال وطلقتها بعد سنه وشهرين من زواجي بها ....

يتبع

وبعديين شنو صار؟

ترى قاعدين ننطرك